27-Feb-2025

ସୋନପୁର (ମନୋରଞ୍ଜନ ତ୍ରିପାଠୀ ) ପବିତ୍ର ମହା ଶିବରାତ୍ରୀ ଅବସରରେ ଦ୍ୱିତୀୟ ବାରାଣସୀ କୁହାଯାଉଥିବା ସୋନପୁରର ପ୍ରସିଦ୍ଧ ଶ୍ରୀ ରାମେଶ୍ବର ଶୈବପୀଠ ଠାରେ ଆଜି ଏକ ସାମୂହିକ ବ୍ରତପୋନୟନ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଦୀର୍ଘ ୩୫ ବର୍ଷ ଧରି ପାଳିତ ହୋଇ ଆସୁଥିବା ଏହି ଉତ୍ସବର ସମସ୍ତ ଆୟୋଜନ ଓ ତଦାରଖର ଦାୟିତ୍ୱ ସୋନପୁର ର ବିଶିଷ୍ଟ ସମାଜସେବୀ ଶ୍ରୀ ଶ୍ରୀବତ୍ସ ମଲ୍ଲିକ ଓ ତାଙ୍କ ଧର୍ମ ପତ୍ନୀ ମୈଥିଳୀ ମଲ୍ଲିକ ନେଇ ଆସୁଛନ୍ତି। ପ୍ରତିବର୍ଷ ବିଭିନ୍ନ ଅଞ୍ଚଳର ଆଠ ରୁ ଦଶ ଜଣ ଗରିବ ବ୍ରାହ୍ମଣ ପରିବାରର ପିଲାମାନଙ୍କୁ ମାଗଣାରେ ବ୍ରତ କରାଯାଉଥିବା ବେଳେ ଏ ବର୍ଷ ୨୦୨୫ରେ ୧୨ ଜଣ ବାଳକଙ୍କୁ ସାମୂହିକ ବ୍ରତ ଯଜ୍ଞ ରେ ସାମିଲ୍ କରାଯାଇଛି।  ପୁରୀ ଶ୍ରୀ ରାମଜୀ ମଠ ର ମହନ୍ତ ଶ୍ରୀ ଶ୍ରୀ ବଂଶୀଧର  ଦାଶ ଜୀ ମହାରାଜ , ଓଡ଼ିଶା ତଥା କଲିକତା ହାଇକୋର୍ଟ ର ପ୍ରାକ୍ତନ ବିଚାରପତି ଶ୍ରୀ ଚିତ୍ତ ରଞ୍ଜନ ଦାଶ, ଜିଲ୍ଲା ର ଅନେକ ପ୍ରଶାସକ ଯୋଗଦେଇ ଏହି ବାଳବ୍ରହ୍ମଚାରୀଙ୍କୁ ଶୁଭେଚ୍ଛା ଆଶୀର୍ବାଦ ପ୍ରଦାନ କରି ‘ନିଃସହାୟ ବ୍ରାହ୍ମଣ ପିଲାମାନଙ୍କ ସାମୂହିକ ବ୍ରତ ପାଳନ ହିଁ ଅସଲ ମାନବୀୟ ଧର୍ମ ବୋଲି ମତ ରଖି ଏହି ଉତ୍ସବର ଆୟୋଜକ ଶ୍ରୀ ମଲ୍ଲିକ ଙ୍କ ବଦାନ୍ୟତା ଓ ମହାନତାକୁ ପ୍ରଶଂସା କରିଥିଲେ । ସହର ବହୁ ବୁଦ୍ଧିଜୀବୀ, ସାମ୍ବାଦିକ, ସମାଜସେବୀ ଓ ହଜାର ହଜାର ଭକ୍ତ ଶ୍ରଦ୍ଧାଳୁ ଏଠାରେ ଯୋଗଦାନ କରି ବାଳ ବ୍ରହ୍ମଚାରୀମାନଙ୍କୁ ଆଶୀର୍ବାଦ କରି ସାମୁହିକ ପ୍ରସାଦ ସେବନ କରିଥିଲେ। ସମାଜସେଵୀ ବୈକୁଣ୍ଠ ଶତପଥି, ମନୋଜ ଅଗ୍ରୱାଲ, ନନ୍ଦୁ ଲାଲ କମାଣି, ମନୋରଞ୍ଜନ ତ୍ରୀପାଠୀ, ପ୍ରହଲ୍ଲାଦ ମଲ୍ଲିକ, ଜୟ କୁମାର ମହଲା, ସଞ୍ଜୟ ସାହୁ, ପୀୟୁଷ ପଣ୍ଡା, ବରିଷ୍ଠ ନାଗରିକ ଜ୍ୟୋତି ରଞ୍ଜନ ପଟ୍ଟନାୟକ,  ପ୍ରଦୀପ ପୁରୋହିତ, ସାମ୍ୱାଦିକ ପୀତାମ୍ବର ମହାପାତ୍ର, ମହାଦେବ ମଲ୍ଲିକ ଓ ରଞ୍ଜନ ବାରିକ ପ୍ରମୁଖ ଙ୍କ ସହ  କୋଶଳ ହାଇସ୍କୁଲ ଛାତ୍ର, ଓ ରାମ ଧୂନ୍ କ୍ଲବ୍ ସଦସ୍ୟ ଆମ ପ୍ରତିନିଧି ମନୋରଞ୍ଜନ ତ୍ରିପାଠୀଙ୍କ ସହ ସମାଜସେବୀ ଶ୍ରୀବସ ମଲ୍ଲିକ ଏକ ସାକ୍ଷାତକାରରେ ସେ ପ୍ରକାଶ କରିଥିଲେ ଯେ, ଦୁଃଖ କଷ୍ଟ କୁ ଅନୁଭବ କରିଥିବା ପ୍ରକୃତ ଅନୁଭବୀ ହିଁ ଜଣେ ଦୁଃଖି ର ଦୁଃଖ କଷ୍ଟକୁ ଅନୁଭବ କରିପାରେ । ସୋନପୁର ଘୋଡାଘାଟପଡା ଠାରେ ଗୋଟିଏ ଅତି ଗରିବ ପରିବାରରେ ଜନ୍ମ ନେଇ ମୁଁ ଖୁବ୍ କମ ପାଠ ପଢ଼ି ଯୁବ ବୟସରେ ପ୍ରଥମେ କିଛି ବଡ ବ୍ୟବସାୟୀ ଙ୍କ ପାଖରେ  ଖୁବ୍ କମ୍ ବେତନରେ ସେଲ୍ସ ମ୍ୟାନ ଭାବେ କାର୍ଯ୍ୟ କରି ଆସି ଜୀବନ ର ସଂଘର୍ଷ ଆରମ୍ଭ କରିଥିଲି । ପରେ ପରେ ସୋନପୁର ଦଧିବାମନ ମନ୍ଦିର ଆଗରେ ଏକ ଛୋଟ କ୍ୟାବିନରେ ତେଲ ଲୁଣ ବ୍ୟବସାୟଟିଏ ଆରମ୍ଭ କରି ରୋଜଗାର ବଢାଇ ବଡ ପରିବାର ର ବୋଝ ସମ୍ଭାଳିବା ସହ ଦୀର୍ଘ ବର୍ଷରୁ ଆଜି ଯାଏ ଗରିବ ନିଃସହାୟ ଲୋକଙ୍କ  ସେବା କରିବାର ସୌଭାଗ୍ୟ ଅର୍ଜନ କରିଛି l ଯେତେବେଳ ଯିଏ ଯାହା ବି ସାହାଯ୍ୟ ମାଗିଛି ଯଥା ସମ୍ଭବ ସହଯୋଗ ଦେଇ ଆସିଛି l ମୋ ଦୁଆରୁ କେବେ କାହାକୁ ଫେରାଇ ନି l ଆଉ ମାଁ ସୂରେଶ୍ଵରୀଙ୍କ ଆଶୀର୍ବାଦରୁ ହିଁ ସେଇ ସାହସ ଶକ୍ତି ଆସିଥାଏ ବୋଲି ମୋର ବିଶ୍ବାସ। କିନ୍ତୁ ମାଁଙ୍କ ଆଶୀର୍ବାଦରୁ ଆଜି ମୁଁ ଯେତେ ବଡ ଲୋକ ହୋଇଥିଲେ ବି ପ୍ରତିଦିନ ସକାଳ ୮ଟା ବେଳେ ମୋ ତେଲଲୁଣ ଦୋକାନ ର ଗ୍ରାହକ ସେବା କାମ ଓ ୧୦  ଟା ବେଳେ ଇଷ୍ଠ ଦେବୀ ମା ସୁରେଶ୍ଵରୀ ଙ୍କୁ ଦର୍ଶନ କରି ଜଗତ କଲ୍ୟାଣ ପାଇଁ ଆଶୀର୍ବାଦ ଭିକ୍ଷା  କରିବା ଡେଲି ରୁଟିନ୍ କୁ ମୁଁ କେବେ ଭୁଲି ନ ଥାଏ l  ଆଉ ସେଇ ତେଲଲୁଣ ସଂସାର ଭିତରେ ଖୁବ୍ ବ୍ୟସ୍ତ ବହୁଳ ଜୀବନ ଭିତରେ ପ୍ରତିଦିନ ଅନେକ ସେବା କାର୍ଯ୍ୟରେ ସରକାରୀ ବେସରକାରୀ ଉତ୍ସବରେ ଯୋଗଦେଇ ଆସିଥାଏ। ଆହୁରି ମଧ୍ୟ କହିଥିଲେ କୌଣସି ପ୍ରତିଦାନର ଆଶା ନରଖି ନଦୀର ଜଳଦାନ, ସୂର୍ଯ୍ୟ ଚନ୍ଦ୍ରର କରିଣ ଦାନ, ଗଛ ଲତାର ଖାଦ୍ୟ ଓ ଅମ୍ଳଜାନ ଦାନ ଭଳି ମଣିଷ ନିଃସ୍ୱାର୍ଥପର ଭାବେ ଅନ୍ୟର ଉପକାର କରିବା ଉଚିତ ଓ ଏହା ମଣିଷର ଦାୟିତ୍ଵ କର୍ତ୍ତବ୍ୟ ଭାବିବା ନିତାନ୍ତ ଆବଶ୍ୟକ ବୋଲି ଶ୍ରୀ ମଲ୍ଲିକ ମତ ରଖିଥିଲେ । ଜ୍ଞାନୀ ଗୁଣୀ ଙ୍କ ମତରେ ଦାମୀ ଗାଡ଼ି ଘୋଡା ବଙ୍ଗଳା ସହ ହଜାର କୋଟି ସମ୍ପତ୍ତି ର ଜଣେ ଅଧିକାରୀ ବା ଶିଳ୍ପପତି , କ୍ଷମତା ଶାଳୀ ଙ୍କୁ ବଡ଼ ଲୋକ ମହାନ୍ ଲୋକ କୁହାଯାଇ ନ ଥାଏ, ସମାଜ ରେ ଜନ୍ମ ନେଇଥିବା ଏଭଳି କ୍ଵଚିତ ଉଦାର, ବଦାନ୍ୟ ବ୍ୟକ୍ତିଙ୍କୁ ଖୁସୀ ମଣିଷ ଙ୍କୁ ମହାନ ବ୍ୟକ୍ତି କୁହା ଯାଇଥାଏ l ପ୍ରକୃତରେ ସାଧାରଣ ମଣିଷଙ୍କ ଭିତରେ ଶ୍ରୀବତ୍ସ ଭାଇ ଜଣେ ଅସାଧାରଣ ଓ ନିଆରା ମଣିଷଟିଏ । ଅସହାୟ ମଣିଷକୁ ସବୁବେଳେ ଆହୁରି ସହାୟତାର ହାତ ବଢାଇବା ପାଇଁ ମାଁ ସୂରେଶ୍ବରୀ ତାଙ୍କୁ ଶକ୍ତି ଓ ଆଶିର୍ବାଦ ପ୍ରଦାନ କରନ୍ତୁ ।