26-Feb-2025

ନବରଙ୍ଗପୁର -(ମିହିର ଶଙ୍କର ପାତ୍ର)
ଡାବୁଗାଁ ବ୍ଲକର ଚଚରାଗୁଡା ପଞ୍ଚାୟତ ଅନ୍ତର୍ଗତ ଦେଓବନ୍ଦ କେଲିଆ ଶୈବପୀଠ ରେ ହିନ୍ଦୁ ବର୍ଷ ଅନୁସାରେ ଫାଲଗୁନ ମାସର କୃଷ୍ଣ ପକ୍ଷର ଚତୁର୍ଦ୍ଦଶୀ ତିଥିରେ ମହାଶିବରାତ୍ରି ପାଳିତ ହୁଏ । ଚଳିତ ବର୍ଷ ୨୬ ଫେବୃଆରୀ ସକାଳ ୧୧.୦୮ରୁ ଆରମ୍ଭ ହୋଇ ୨୭ ଫେବୃଆରୀ ସକାଳ ୮.୫୪ରେ ଶେଷ ହେବ ।ଆଜି ବିଭିନ୍ନ ଶୈବ ପୀଠରେ ଧୁମଧାମରେ ଶିବରାତ୍ରି ପାଳିତ ହଇଯାଇଛି । ନବରଙ୍ଗପୁର ଜିଲ୍ଲାର ବିଖ୍ୟାତ ଶୈବପୀଠ କେଲିଆରେ ଚଳିତ ବର୍ଷ 50 ହଜାରରୁ ଉର୍ଦ୍ଧ୍ବ ଶୈବ ଭକ୍ତଙ୍କ  ଜନସମାଗମ ଦେଖିବାକୁ ମିଳିଥିଲା । ଏହା ଖାଲି ଶୈବପୀଠ ନୁହେଁ ଓଡ଼ିଶାର ଏକ ପର୍ଯ୍ୟଟନ ସ୍ଥଳି ମଧ୍ୟ । ଏଠାରେ ଦର୍ଶନ ପାଇଁ ଜିଲା ବାହାରୁ ତଥା ପଡସିରାଜ୍ୟ  ଅନ୍ଦ୍ରାପ୍ରଦେଶ ଓ ଛତିଶଗଡ଼ ରୁ ମଧ୍ୟ ଦର୍ଶକ ଆସନ୍ତି । ଶିବ ମନ୍ଦିର ଠାରୁ  ଜଙ୍ଗଲ ମଧ୍ୟ ଦେଇ ୨ କିଲମିଟର ଚାଲିକି ଗଲେ ଏକ ପର୍ବତ ଗୁମ୍ଫାରେ ମାଁ ପାର୍ବତୀଙ୍କ ମନ୍ଦିର ଅବସ୍ଥିତ  ଯାହାକି କେଲିଆ ମନ୍ଦିରର ଏକ ମୁଖ୍ୟ ଆକର୍ଷଣ ଅଟେ। ଏହା ଶୈବ ପିଠ ଏକ ପଞ୍ଜିକୃତ କମିଟି ଦ୍ୱାର ପରିଚାଳିତ ଏଠାରେ  ରାତିରେ ମନରଞ୍ଜନ ପାଇଁ ନାଚଗୀତର ଆଶ୍ରା ଜମେ ।ଚଳିତ ବର୍ଷ  ମନରଞ୍ଜନ ପାଇଁ  ଦେଶିଆନାଚ ଏବଂ  ମେଲଡ଼ିର ଆୟୋଜନ କରାଯାଇଛି । ଏହି ମହୋତ୍ସବର ପରିଚାଳନାରେ କେଲିଆ ମନ୍ଦିର କମିଟିର ସମ୍ପାଦକ ଦେବରାଜ ପାତ୍ର, କସାଧକ୍ଷ ଜି. ସାଇ ରାଜୁ,ସୁରେନ୍ଦ୍ର ମିଶ୍ର, ହିନ୍ଦୁ ମହାସଂଘ ପ୍ରମ୍ମୁଖ ଜୟନ୍ତ କୁମାର ପାତ୍ର,ଚଚରାଗୁଡା ପୂର୍ବତନ ସରପଞ୍ଚ ଧର୍ମାନନ୍ଦ  ନାୟକ,ଭାଗିରଥି ମଝି, ପଦ୍ମ ମଝି,ଭଗବାନ ଖୁଣ୍ଟିଆ ସହ ମନ୍ଦିର କମିଟିର  ୬୦/୭୦ ଜଣ  ସ୍ବେଚ୍ଛାସେବୀ,ପୋଲିସ ପ୍ରଶାସନ ଏବଂ ସ୍ୱାସ୍ଥ୍ୟକେନ୍ଦ୍ର କର୍ମଚାରୀ ମନେ ସମ୍ପୁର୍ଣ୍ଣ ସହଯୋଗ କରିଛନ୍ତି ବୋଲି କମିଟିର ସମ୍ପାଦକ ଦେବରାଜ ପାତ୍ର କହିଛନ୍ତି । ଏହିଭଳି ଡାବୁଗାଁ ବ୍ଲକ ତଥା  ଆଖ ପାଖ ଅଂଚଳର ବିଭିନ୍ନ ଶୈବ ପୀଠରେ ଯଥା - ଡାବୁଗାଁ ସଦର ମୁହୁକୁମା ସ୍ଥିତ ଶିବ ମନ୍ଦିର ,ବାଘବେଡ଼ ଶିବ ମନ୍ଦିର ,ଜୁନପାଣି ଶିବ ମନ୍ଦିର, ବୁଟିଆଗୁଡା ଶିବ ମନ୍ଦିର,ବିଜାପୁର ଶିବ ମନ୍ଦିର, ଦେଉଳକଣା ଶିବ ମନ୍ଦିର,ବିରିଶାଳା ଶିବମନ୍ଦିର  ଠାରେ ମଧ୍ୟ ଧୁମଧାମରେ ଶିବରାତ୍ରି ପାଳିତ ହଇଯାଇଛି ।