26-Feb-2025

ସିନାପାଲି  (ଚିନ୍ତାମଣି  ନେତାମ )
ନୂଆପଡ଼ା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଗୋର୍ଲା ଗ୍ରାମ ପଞ୍ଚାୟତ ର ପତିଆଲପଡା ଗ୍ରାମ ରେ  ମହାଶିବରାତ୍ରୀ ପୂଜା ମହାସମାରୋହରେ କଳସ ଯାତ୍ରା  ଅନୁଷ୍ଠିତ ହୋଇଯାଇଛି । ଉକ୍ତ କଲସ ଯାତ୍ରା ରେ ଗ୍ରାମର ସତାଧିକ ମହିଳା ମାନେ ଏକତ୍ରିତ ହୋଇ ଏକ ବିଶାଳ କଲସ  ଯାତ୍ରାରେ ବାହାରି  ସ୍ଥାନୀୟ  ଉଦନ୍ତୀ ନଦୀ ରେ  ପୂଜା ଅର୍ଚନା କରି  କଳସୀ ରେ ପାଣି ଉଠାଇ  ଗାଁ ପରିକ୍ରମା କରିଥିଲେ।  ସେଠାରୁ ପୂଜା ମଣ୍ଡପ ରେ ପହଂଚି କଳସ ସ୍ଥାପନ କରିଥିଲେ । ଏହି ପୂଜା  ମଙ୍ଗଳବାର ଠାରୁ ଗୁରୁବାର ପର୍ଯ୍ୟନ୍ତ ଚାଲି ରହିବ ବୋଲି  କମିଟି  ପକ୍ଷରୁ  ସୂଚନା ଦେଇଛନ୍ତି ,ଉକ୍ତ ପୂଜା ର କର୍ତ୍ତା ଭାବରେ ଶ୍ରୀଯୁକ୍ତ ଲକ୍ଷ୍ମଣ ବଞ୍ଜରା ଓ ତାଙ୍କ ଧର୍ମପତ୍ନୀ ଶ୍ରୀମତୀ ନୀଳା ବଞ୍ଜରା ଦାୟିତ୍ୱ ତୁଲାଇ ଥିବା ବେଳେ ମୁଖ୍ୟ ପୂଜକ  ଭାବରେ ଶ୍ରୀଯୁକ୍ତ ଶ୍ରୀବତ୍ସ ସୁପକାର ଓ ତାଙ୍କ ସହଯୋଗୀ ସୁନ୍ଦର ଭାବେ ରିତୀ ନିତିର ସହିତ ପୂଜାର୍ଚ୍ଚନା କରି ଉକ୍ତ ପୂଜା ଟିକୁ ଆଗେଇ ନେଇଛନ୍ତି।   ଭକ୍ତମାନେ ନିଷ୍ଠାର ସହିତ  ଏହି କଳସ ଯାତ୍ରାରେ ଘଣ୍ଟଦଳର ଘଣ୍ଟ ବାଦ୍ୟ ଓ ହୁଳହୁଳି ହରି ବୋଲ  ଧ୍ୱନିରେ ପତିଆଲପଡା ଗାଁ କମ୍ପି ଉଠିଥିଲା। ପବିତ୍ର ମହାଶିବରାତ୍ରୀରେ  ଅଷ୍ଟପ୍ରହରୀ  ନାମଯଜ୍ଞ ଅନୁଷ୍ଠିତ ହୋଇଥିବାବେଳେ  ଭକ୍ତିମୟ ପରିବେଶରେ  ଭକ୍ତମାନେ ନିଷ୍ଠାର ସହିତ ପୂଜାର୍ଚନା କରି ଦେବଦେବ ମହାଦେବ ଶିବଙ୍କର  ବିଭୁକୃପା ଲାଭକରି  ଏହି ପବିତ୍ର ଦିନରେ  ରାତ୍ରୀ ଉଜାଗର ରହି  ମହାଦୀପ  ପ୍ରଜ୍ବଳିତ କରିଥିଲେ । ଏହି ପବିତ୍ର ମହାଶିବ ରାତ୍ରୀ  ଭୋର ପାହାନ୍ତିଆ ସମୟରେ  ଭୋଳାବାବାଙ୍କର ମନ୍ଦିର ଉପରେ  ଫୁଲ, ଦୀପ ଓ ଚନ୍ଦନ   ଲଗାଇ ତାଙ୍କୁ ଦର୍ଶନ କରି  ବ୍ରତୀମାନେ  ଆଶୀର୍ବାଦ ନେଇ ଘରକୁ। ଫେରିଥାନ୍ତି।  କାର୍ଯ୍ୟକ୍ରମରେ ପୂଜା କମିଟି ର ସଂପାଦକ ଶ୍ରୀଯୁକ୍ତ  ତୁପଳେଶ୍ୱର ମାଝୀ,କୋଷାଧକ୍ଷ  ଶ୍ରୀଯୁକ୍ତ ସୋମନାଥ ମାଝୀ,ସଭାପତି  ଶ୍ରୀଯୁକ୍ତ ଦୀନବନ୍ଧୁ ମାଝୀ,ପୂଜା କମିଟି ର କର୍ମକର୍ତ୍ତା ବୃନ୍ଦ  ଶ୍ୟାମସୁନ୍ଦର ମାଝୀ, ଭଗତ କାଣ୍ଡ , ଜୟସିଂ ମାଝୀ, ଭଗତ ରାମ ମାଝୀ, ଭଦ୍ର ମାଝୀ, ଦେବେନ୍ଦ୍ର ମାଝୀ, ଚନ୍ଦ୍ରଧ୍ଵଜ ମାଝୀ, ରବି ଶଙ୍କର ମାଝୀ, ରୋହିତ ମାଝୀଓ ସମସ୍ତ ଗ୍ରାମବାସୀ  କାର୍ଯ୍ୟକ୍ରମରେ ଯୋଗଦେଇ ସହଯୋଗ କରିଥିଲେ |