25-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ବୁବୁଡ଼ାରୁ ନିୟମିତ ଭାବେ ଦିର୍ଘ  ୬ ବର୍ଷ ହେବ ପ୍ରକାଶିତ ହୋଇ ଆସୁଥିବା ବାଟ୍ କଢ଼ୁଆଲ ର ବାର୍ଷିକୋତ୍ସବ ସ୍ଥାନୀୟ ବୁବୁଡେନ ମାଉଲି ମନ୍ଦିର ନିକଟରେ ଆସନ୍ତା ତା ୨୩.୦୩.୨୦୨୫ ରିଖ ରବିବାର ଦିନ ପାଳନ କରିବା ସକେଶେ ବ୍ୟାପକ ପ୍ରସ୍ତୁତି ଚାଲିଛି।ଏହି ବାର୍ଷିକୋତ୍ସବ କାର୍ଯ୍ୟକ୍ରମରେ ବରଗଡ଼ ଲୋକସଭା ମାନ୍ୟବର ସାଂସଦ ଶ୍ରୀଯୁକ୍ତ ପ୍ରଦୀପ ପୁରୋହିତ, ସମ୍ମାନୀତ ଅତିଥି ଭାବେ ପ୍ରଧ୍ୟାପିକା ତଥା  ସିନେ ପ୍ରଯୋଜିକା ସୁବର୍ଣ୍ଣପୁର ଶ୍ରୀମତୀ ମୀନା ମହାରଣା ଶ୍ରୀମତୀ ଚଞ୍ଚଳା ଦାଶ ସରପଞ୍ଚ ଦହିଗାଁ ଗ୍ରାମ ପଞ୍ଚାୟତ, ଓଡ଼ିଶା କର୍ମଜୀବୀ ସାମ୍ବାଦିକ ସଂଘର ରାଜ୍ୟ ଉପସଭାପତି  ପରମାନନ୍ଦ ମିଶ୍ର, ବିଶିଷ୍ଟ ନାଟ୍ୟକାର  ତଥା ବିଏମ କଲେଜ ଦହିତା ର ଇଂରାଜୀ ଅଧ୍ୟାପକ ଶ୍ରୀଯୁକ୍ତ ସୁଶାନ୍ତ କୁମାର ମିଶ୍ର, ବିଶିଷ୍ଟ ଆଇନଜୀବୀ ବରଗଡ଼ ଶ୍ରୀଯୁକ୍ତ ବିମଳ କୁମାର ଦାଶ, ମୁଖ୍ୟବକ୍ତା ଭାବେ ବିଶିଷ୍ଟ ସାହିତ୍ୟିକ ଶ୍ରୀଯୁକ୍ତ ଉତ୍ପନ୍ନ କୁମାର ଭୋଇ ଯୋଗଦାନ ଦେବାପାଇଁ ସ୍ଵିକୃତି ପ୍ରଦାନ କରିଛନ୍ତି।ଏହି ଅବସରରେ ବାଟ୍ କଢ଼ୁଆଲ ଅନୁଷ୍ଠାନ ପକ୍ଷରୁ ପଦ୍ମପୁରର ସମାଜସେବୀ ଶ୍ରୀଯୁକ୍ତ ଚନ୍ଦନ ବଂଶଲଙ୍କୁ ବାଟ କଢ଼ୁଆଲ ସମାଜ ସେବା ସମ୍ମାନ, ଘେଁସ ର ସାହିତ୍ୟିକ ଅମୃତଲାଲ ସାହୁଙ୍କୁ ବାଟ କଢ଼ୁଆଲ୍ ସାହିତ୍ୟ ସେବା ସମ୍ମାନରେ ସମ୍ମାନୀତ କରିବାର କାର୍ଯ୍ୟକ୍ରମ ଥିବାବେଳେ, ଅନେକ ସାହିତ୍ୟିକ,କବି, ସାମ୍ବାଦିକଙ୍କୁ ମଧ୍ୟ ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି ବୋଲି ବାଟ୍ କଢ଼ୁଆଲ ର ସମ୍ପାଦକ ଶ୍ରୀଯୁକ୍ତ ସୁରେନ୍ଦ୍ର ମେହେର ଆମ ପ୍ରତିନିଧିଙ୍କୁ ଫୋନ ମାଧ୍ୟମରେ ଜଣାଇଛନ୍ତି। କାର୍ଯ୍ୟକ୍ରମ ଶେଷରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ