25-Feb-2025

ସାଲେଭଟା(ପ୍ରେରଣା ଖବର):  ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟରେ ଜଙ୍ଗଳ ଓ ବନ୍ୟ ଜନ୍ତୁ ସୁରକ୍ଷା କର୍ମଶାଳା ପ୍ରଧାନଶିକ୍ଷକ ଦୂର୍ଯୋ।ଧନ ପଶାୟତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ସାଲେଭଟା ଫରେଷ୍ଟର ଚୌଧୁରୀ ଦଳପତି ମୁଖ୍ୟଅତିଥି , ସିଆରସିସି ସଦାନନ୍ଦ ଭୁଏ ଓ ସେମେଲମୁଣ୍ଡା ବିଦ୍ୟାଳୟର ପ୍ରଧାନଶିକ୍ଷକ ସୁଶାନ୍ତ କୁମାର ନନ୍ଦ ସମ୍ମାନିତ ଅତିଥି ଭାବରେ ଯୋଗଦେଇ ଛାତ୍ରଛାତ୍ରୀଙ୍କୁ ସାଂପ୍ରତିକ ପରିସ୍ଥିତିରେ ଜଳବାୟୁ ପରିବର୍ତ୍ତନ ଓ ଜଙ୍ଗଲ ସୁରକ୍ଷାର ଗୁରୁତ୍ଵ ଉପରେ ଆଲୋକପାତ କରିଥିଲେ। ଆଗାମୀ ଭବିଷ୍ୟତରେ ପୃଥିବୀକୁ ବଞ୍ଚାଇ

ରଖିବାକୁ ହେଲେ ବୃକ୍ଷ ରୋପଣ, ବନ୍ୟ ଜନ୍ତୁ ସୁରକ୍ଷା ଓ ଜଙ୍ଗଲ ସୁରକ୍ଷା ହିଁ ବିକଳ୍ପ ବୋଲି ବୁଝାଇଥିଲେ। ମାଆ ଙ୍କ ପାଇଁ ଗଛ ଟିଏ ଲଗାଇ ତାର ସୁରକ୍ଷା କରିବାକୁ ବୁଝାଇଥିଲେ। ତତ୍ପରେ ପିଲାମାନେ ସଚେତନତା ମୂଳକ ପ୍ଲାକାର୍ଡ, ବ୍ୟାନର ଓ ସ୍ଲୋଗାନ ଦେଇ ଗ୍ରାମ୍ୟ ପରିକ୍ରମା କରି ଲୋକଙ୍କୁ ସଚେତନ କରିଥିଲେ। ସ୍କୁଲ ପରିସରରେ ଫରେଷ୍ଟର ଶ୍ରୀ ଚୌଧୁରି

ଦଳପତି ବୃକ୍ଷରୋପଣ କରିଥିଲେ। ଅନ୍ୟ ମାନଙ୍କ ମଧ୍ୟରେ ଶିକ୍ଷକ ଗୋବିନ୍ଦ ସାହୁ, ଦିଲ୍ଲୀପ କୁମାର ଥନାପତି, ରାଜ କିଶୋର ମହାକୁର , ମନ୍ଟେସ କୁମାର ସାହୁ, ପିଙ୍କି କର୍ଣ୍ଣ, ପରିବେଶ ପ୍ରେମୀ ଡୋଲ।ମଣି ସାହୁ, ଋଷଭ ପଧାନ, ଜଙ୍ଗଲ ସୁରକ୍ଷା ସ୍କାଏଡ  ସଦସ୍ୟ ସନ୍ତୋଷ କୁମାର ରାଉତ ବିଦ୍ୟାଳୟ ସଭାପତି ବିପିନ ସାହୁ ଓ ସ୍କୁଲ କମିଟି ସଭ୍ୟ ସଭ୍ୟା ଯୋଗଦେଇ କାର୍ଯ୍ୟକ୍ରମ ରେ ସହଯୋଗ କରିଥିଲେ। ଶିକ୍ଷୟତ୍ରୀ ପିଙ୍କି କର୍ଣ୍ଣ ଧନ୍ୟବାଦ ଅର୍ପଣ କରିଥିଲେ।