14-Jan-2021

ଲୋଇସିଂହା, (ବିନୋଦ କୁମାର ଦୀପ): ଆଦିବାସୀ କଲ୍ୟାଣ ସଂଘ, ଲୋଇସିଂହା ଓ କୋଶଲ ପରିବାର, ଲୋଇସିଂହା, ବଲାଙ୍ଗୀର ତରଫରୁ ଲୋଇସିଂହା ଆଦିବାସୀ ଭବନ ଠାରେ ଏକ ମାଗଣା ଚକ୍ଷୁ ଶିବିର ଅନୁଷ୍ଠିତ ହୋଇଯାଇଛି l ଆଜିର ଏହି ଶିବିରରେ ମୁଖ୍ୟ ଅତିଥି ଭାବେ ଶ୍ରୀମତୀ ଲଳିତା ଲାକ୍ରା (ଭାରପ୍ରାପ୍ତ ଥାନାଧିକାରୀ ଲୋଇସିଂହା), ସମ୍ମାନିତ ଅତିଥି ଶ୍ରୀଯୁକ୍ତ ବିଜୟ ମହାନନ୍ଦ ଓ ଶ୍ରୀମତୀ ପ୍ରତିମା ସୋରେନ (ଭାରପ୍ରାପ୍ତ ଚିକିତ୍ସାଧିକାରୀ ଲୋଇସିଂହା ଗୋଷ୍ଠୀ ଚିକିତ୍ସା କେନ୍ଦ୍ର) ପ୍ରମୁଖ ମଞ୍ଚାସୀନ ଥିଲେ l ଜିଲ୍ଲା ଆଦିବାସୀ କଲ୍ୟାଣ ସଂଘ ଲୋଇସିଂହାର  ଶ୍ୟାମସୁନ୍ଦର ଭୋଇ, ଦଶରଥ ଛତ୍ରିଆ,  ଲଳିତମୋହନ ପୁଟ୍ଟl, ରୁକ୍ମଣ ଧରୁଆ, ଗୋପାଳ ପଧାନ, କାଁହୁଚରଣ ପଧାନ, ବ୍ରଜମୋହନ ବିଶୋଇ, ଫକୀର ପଧାନ, ଗୋବର୍ଦ୍ଧନ ଧରୁଆ, ନେପାଳ ବାଗ ଓ  କୋଶଲ ପରିବାର ବଲାଙ୍ଗୀର ର ନଜୁରିଲା ଖାନ, ଲାଲମନ ନାଗ, ହିମାଂଶୁଶେଖର ସାହୁ, ଜୀବନ କୁମାର ଭୋଇ, ସୁକେଶ ଥାପା, ସୁଶାନ୍ତ ସାହୁ, ସୁନ୍ଦର ସାହୁ, ହେମାନନ୍ଦ ସିକ୍କା, ଗନ୍ଧର୍ବୀ ନାଗ ପ୍ରମୁଖ ସହଯୋଗ କରିଥିଲେ l ଏହି ଶିବିରରେ 182 ଜଣଙ୍କ ଚକ୍ଷୁ ପରୀକ୍ଷା କରାଯାଇଥିବା ବେଳେ 80 ଜଣଙ୍କୁ ତ୍ରିଲୋଚନ ନେତ୍ରାଳୟ ସମ୍ବଲପୁରକୁ ମୋତିଆବିନ୍ଦୁ ଅସ୍ତ୍ରୋପଚାର ପାଇଁ ପଠାଗଲା l