05-Feb-2025

କୁଚିଣ୍ଡା; ଚନ୍ଦିନୀମାଲ ଗ୍ରାମ ପଞ୍ଚାୟତ ର ଲସା ଗ୍ରାମକୁ ମିଳିତ ଓଡ଼ିଶା ନିଶା ନିବାରଣ ଅଭିଯାନ ନିଶା ମୁକ୍ତ କରିବାରେ ସଫଳ ହେବା ପରେ ଏହାର ପ୍ରଭାବ ପଞ୍ଚାୟତ ମହକୁମା ଚନ୍ଦିନୀମାଲ ରେ ପ୍ରଭାବ ପଡ଼ିଥିବା ଦେଖା ଯାଇଛି । ଏଥି ପାଇଁ  ଚନ୍ଦିନୀମାଲ ଗାଁ ମଝିରେ ଅଭିଯାନ ର ଅବିଭକ୍ତ ସମ୍ବଳ ପୁର ଜିଲ୍ଲା ସଭାପତି ସୁବାସ ଚନ୍ଦ୍ର ନାୟକ ଙ୍କ ସଭାପତିତ୍ବରେ ଏକ ସଚେତନତା ସଭା ଅନୁଷ୍ଠିତ ହୋଇ ଯାଇଛି । ଏଥିରେ ପୂର୍ବତନ ସରପଞ୍ଚ ଜୟକିଶୋର୍ ମହାପାତ୍ର, ପୂର୍ବତନ ସମିତି ସଭ୍ୟ ହିରାଧର ପ୍ରଧାନ ,ମିତ୍ରଭାନୁ ପ୍ରଧାନ, ଶୁରୁ ମଣି ସୁନାନି ,ଅବସରପ୍ରାପ୍ତ ଶିକ୍ଷକ  ଦିଲ୍ଲୀପ ପାଣିଗ୍ରାହୀ ,  ୱାର୍ଡ ସଭ୍ୟା ଦ୍ବୟ ନୟନି ଷୋହେଲା ଓ ରଞ୍ଜିତା ମାଝୀ ଗ୍ରାମ୍ୟ କମିଟି ସଭାପତି ଅମିୟ କୁମାର ନାୟକ ପ୍ରମୁଖ ଭାଷଣ ଦେଇ ଜନ ସଚେତନତା କରିଥିଲେ ।ଏହାପରେ ନିଜେ ନିଶା ନ ଖାଇବା ଓ ନିଶାଗ୍ରସ୍ତ ଙ୍କୁ ନିଶାରୁ ଦୂରେଇ ରଖିବା ପାଇଁ ମହାତ୍ମା ଗାନ୍ଧୀ

ଓ ଡ଼. ଆମ୍ବେଦକରଙ୍କ ନାମରେ ଉପସ୍ଥିତ ଶତାଧିକ ମହିଳା ଗ୍ରାମବାସୀ ଶପଥ ପାଠ କରି ଜନ ସଚେତନତା ପାଇଁ ଗ୍ରାମ ପରିକ୍ରମା କରିଥିଲେ । ଗ୍ରାମ ସ୍ତରରେ ଗଠିତ ନିଶା ନିବାରଣ ଅଭିଯାନ ର କର୍ମକର୍ତ୍ତା ଭାବରେ  ପଦ୍ମିନୀ ମହାନନ୍ଦ, ସଭାପତି, ଯଜ୍ଞସେନି ସେଠ ଉପ ସଭାପତି, ଚାନ୍ଦିନୀ ଯୟପୁରିଆ ସମ୍ପାଦକ ଓ ନମିତା ଧନ ସହ ସମ୍ପାଦକ ଭାବରେ ନିର୍ବାଚିତ ହୋଇଥିଲେ । ଏଥିପାଇଁ ଗଠିତ ଉପଦେଷ୍ଟା କମିଟିରେ ଅନିଲ ପଟେଲ, ସୁଶୀଲ ମିଶିର୍ , ଦିଲ୍ଲୀପ ପାଣିଗ୍ରାହୀ, ବିଜୟ ମାଝୀ, ପ୍ରହଲ୍ଲାଦ ସୁନାନି ଓ ଅନନ୍ତ କଂଶାରି ମନୋନୀତ ହେବ ସହ କୋଡ଼ିଏ ଜଣ ମଧ୍ଯ କାର୍ଯ୍ୟକାରୀ କମିଟିକୁ ମନୋନୀତ ହୋଇ ଥିଲେ । ବିଭିନ୍ନ ସ୍ଲୋଗାନ ଦେଇ ଶୋଭାଯାତ୍ରା କରିବା ପରେ ଗ୍ରାମ୍ୟ କମିଟି ସଭାପତି ଅମିୟ ନାୟକ ଧନ୍ୟବାଦ୍ ଜ୍ଞାପନ କରିଥିଲେ ।