24-Jan-2025

କଣ୍ଟାମାଳ(ଜୟ କୁମାର ମହାରଣା):ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ଖୁଣ୍ଟିଗୋରା ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଶ୍ରୀ ଅନ୍ନ ଅଭିଯାନ କାର୍ଯ୍ୟକ୍ରମ ଦ୍ୱାରା ମାଣ୍ଡିଆ ମଣ୍ଡିର ଶୁଭ ଉଦଘାଟନ ହୋଇଯାଇଛି l ମାତୃଶକ୍ତି ମହିଳା କୃଷକ ଉତ୍ପାଦକ କମ୍ପାନୀ ଲିଃ. କଣ୍ଟାମାଳ ଓ ୱାଇସିଡିଏ କଣ୍ଟାମାଳ ର ମିଳିତ ସହଯୋଗରେ ଅନୁଷ୍ଠିତ କାର୍ଯ୍ୟକ୍ରମରେ କଣ୍ଟାମାଳ ବ୍ଲକ ର ସହ କୃଷି ଅଧିକାରୀ ଚାନ୍ଦିନୀ ପ୍ରଧାନ, ଟି. ଡ଼ି. ସି. ସି. ଓଡିଶା ଲିଃ. ର ଜିଲ୍ଲା ପରିଚାଳକ ଉମାକାନ୍ତ ବଳବନ୍ତରାୟ, ଶ୍ରୀ ଅନ୍ନ ଅଭିଯାନର ଜିଲ୍ଲା ଆକାଉଣ୍ଟ ବନବିହାରୀ ଠାକୁର, ଉମା ପ୍ୟାକ୍ସ ସମ୍ପାଦକ ସନ୍ତୋଷ କୁମାର୍ ରାଉତ, ଭି.ଏ.ଡବ୍ଲୁ  କ୍ଷୀରୋଦ

କୁମାର୍ ତାଣ୍ଡି, ଉଭୟ ଉମା ଓ ଖୁଣ୍ଟିଗୋରା ପଞ୍ଚାୟତର ସରପଞ୍ଚ ମହୋଦୟ ଏବଂ କଣ୍ଟାମାଳ ବ୍ଲକ୍ ଶ୍ରୀ ଅନ୍ନ ଅଭିଯାନ କାର୍ଯ୍ୟକ୍ରମର ସମସ୍ତ  କର୍ମଚାରୀ ମାନେ ଉପସ୍ଥିତ ଥିଲେ ।  ଟି.ଡି.ସି.ସି. ର ଜିଲ୍ଲା ପରିଚାଳକ ଶ୍ରୀ ବଳବନ୍ତରାୟ ମଣ୍ଡିରେ ମାଣ୍ଡିଆ ବିକ୍ରୀ କରିବାର ନିୟମାବଳୀ ସମ୍ପର୍କରେ ଚାଷୀ ମାନଙ୍କୁ ବୁଝାଇବା ସହ ଚାଷୀମାନେ ଆଣିଥିବା ମାଣ୍ଡିଆ ସବୁର ଏଫ୍.ଏ.କ୍ୟୁ ମାନ ଯାଞ୍ଚ କରିଥିଲେ । ଉମା ଏବଂ ଖୁଣ୍ଟିଗୋରା ପଞ୍ଚାୟତ ର ୫୩ ଜଣ ଚାଷୀ ତାଙ୍କର ମାଣ୍ଡିଆ ବିକ୍ରୀ ପାଇଁ ଆଣିଥିଲେ।