24-Jan-2025

କଣ୍ଟାମାଳ(ଜୟ କୁମାର ମହାରଣା): ନେତାଜୀ ସୁଭାଷ ଚନ୍ଦ୍ର ବୋଷ  ଜୟନ୍ତୀ ଉପଲକ୍ଷେ ଆୟୋଜିତ ପରାକ୍ରମ ଦିବସ ଅବସରରେ କେନ୍ଦ୍ର ସରକାରଙ୍କ ଯୁବ ଓ କ୍ରୀଡା ବ୍ୟାପାର ବିଭାଗ ଏବଂ ଆମ ପ୍ରୟାସ ବୌଦ୍ଧ ଜ଼ିଲ୍ଲା ଶାଖାର ମିଳିତ ଅନୁକୂଲ୍ୟରେ ଏକ ରକ୍ତଦାନ ଶିବିର ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଖଟଖଟିଆ ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି l ଉକ୍ତ ଶିବିରରେ ମୁଖ୍ୟଅତିଥି ଭାବେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ଓ ସମ୍ମାନୀତ ଅତିଥିଭାବେ

ଜ଼ିଲ୍ଲା ପରିଷଦ ଉପାଧ୍ୟାକ୍ଷ ଶଙ୍କର୍ଷଣ ପ୍ରଧାନ ଯୋଗଦେଇ ଶିବିରକୁ ଉଦଘାଟନ କରିଥିଲେ l  ଆୟୋଜକ ଆମ ପ୍ରୟାସ ଅନୁଷ୍ଠାନର ସଭାପତି ଅରୁଣ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ କଣ୍ଟାମାଳ ବିଧାୟକ ଶ୍ରୀ ଡାଙ୍ଗ ମୁଖ୍ୟଅତିଥି ଓ ଜିଲ୍ଲାପରିଷଦ ଉପାଧ୍ୟକ୍ଷ ଶ୍ରୀ ପ୍ରଧାନ, ସମାଜସେବୀ ବିଜିତ ପ୍ରଧାନ, ଜିଲ୍ଲା ବିଜେପି ଯୁବମୋର୍ଚା ସଭାପତି ଅଟଳ ପ୍ରଧାନ, ଆମ ପ୍ରୟାସ ସମ୍ପାଦକ ସଚ୍ଚିଦାନନ୍ଦ ମିଶ୍ର ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ ରକ୍ତଦାନ ଏକ ମହତ ଦାନ ଓ ରକ୍ତର ବିକଳ୍ପ ନାହିଁ କହିବା ସହ ରକ୍ତଦାନ ଶିବିରର ଆୟୋଜନ ସମ୍ପର୍କରେ ବକ୍ତବ୍ୟ ରଖିଥିଲେ l  ଉକ୍ତ ଶିବିରରୁ ମୋଟ ୩୧ୟୁନିଟ ରକ୍ତ ସଂଗୃହିତ ହୋଇଥିଲା l  ବୌଦ୍ଧ ରକ୍ତ ଭଣ୍ଡାରରୁ ଆସିଥିବା ଡକ୍ଟର ସଞ୍ଜୟ କୁମାର ଦଳେଇ ସମେତ ଲାବ ଟେକନିସିଆନ ଦିଲ୍ଲୀପ କୁମାର ଭୋଇ, ନର୍ସିଂ ଅଫିସର ଜୁଡ ଶବର, ଆଟେଣ୍ଡାଣ୍ଟ ସୁରଜ ଶେଖର ଭୁକ୍ତା ଓ ଡିଇଓ ଅମୀୟ ରଞ୍ଜନ ଧଳ ପ୍ରମୁଖ ରକ୍ତ ସଂଗ୍ରହ ଦାୟିତ୍ୱ ତୁଲାଇ ଥିଲେ  l ରଞ୍ଜନ ପାତ୍ର କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଆମ ପ୍ରୟାସ ଅନୁଷ୍ଠାନର ସଭାପତି, ସମ୍ପାଦକ ଓ ସମସ୍ତ ସଭ୍ୟ ସଭ୍ୟା ତଥା  ଖଟଖଟିଆ ଗ୍ରାମର ସମସ୍ତ ଯୁବକମାନେ ସହଯୋଗ କରିଥିଲେ  l