24-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ସମାଜର ଦୁର୍ବଳ ଶ୍ରେଣୀର ଲୋକଙ୍କୁ ଆର୍ଥିକ ଭାବେ ସ୍ୱାବଲମ୍ବୀ କରାଇବା ପାଇଁ ସରକାରଙ୍କ ବିଭିନ୍ନ ମହତକାଂକ୍ଷୀ ଯୋଜନା ମଧ୍ୟରେ " ବାଡ଼ି ଅଗଣାରେ କୁକୁଡ଼ା ପାଳନ " ହେଉଛି ଏକ ସଫଳ ଯୋଜନା l ଉକ୍ତ ଯୋଜନାରେ ଲାଭାର୍ଥୀ ମାନଙ୍କୁ ମାଗଣା କୁକୁଡ଼ା ଚିଆଁ  ସହିତ ଗୁହାଳ ନିର୍ମାଣ ପାଇଁ ଟଙ୍କା ପ୍ରଦାନ କରାଯାଇଥାଏ l ଏହି ପରିପ୍ରେକ୍ଷୀରେ ବରଗଡ଼ ଜିଲ୍ଲା ବିଜେପୁର ପ୍ରାଣୀ ଚିକିତ୍ସାଳୟ ଠାରେ ଉକ୍ତ ଯୋଜନାର ଶୁଭାରମ୍ଭ  ହୋଇଯାଇଛି l କାର୍ଯ୍ୟକ୍ରମକୁ ବିଜେପୁର ନିର୍ବାଚନ ମଣ୍ଡଳୀର ବିଧାୟକ ବିଧାୟକ ଶ୍ରୀଯୁକ୍ତ ସନତ କୁମାର ଗଡତୀୟା ଉଦଘାଟନ କରି ଚାଷୀମାନଙ୍କୁ କୁକୁଡ଼ା ଚିଆଁ ବଣ୍ଟନ କରିଥିଲେ l ତତ ସଙ୍ଗେ ସଙ୍ଗେ ବିଭାଗର ଅନ୍ୟ ଯୋଜନାଗୁଡିକର କାର୍ଯ୍ୟାନ୍ୱୟନ ଉପରେ ସମୀକ୍ଷା କରିବା ସହିତ ଉପସ୍ଥିତ ଚାଷୀମାନଙ୍କ ସୁବିଧା ଅସୁବିଧା ସମ୍ପର୍କରେ ପଚାରି ବୁଝିଥିଲେ । ଆଜିର କାର୍ଯ୍ୟକ୍ରମରେ ସମ୍ମାନିତ ଅତିଥିଭାବେ ବିଜେପୁର ଏନ ଏ ସି ଚେୟାରମ୍ୟାନ ଶ୍ରୀମତୀ ସୀତା ବାରିକ ଯୋଗଦାନ କରିଥିଲେ l ବିଜେପୁର ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡା ଗିରୀଶ ଚନ୍ଦ୍ର ମାଥୁରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସହକାରୀ ପ୍ରାଣୀ ଚିକିତ୍ସକ ଡା ସଂଯୁକ୍ତା ସାହୁ, ଏମ ଭି ୟୁ ଭି ଏ ଏସ ଡା ଦୀପାଲି ନାଏକ, ବୁଡ଼ାପାଲି ଭି ଟି ଦିଲ୍ଲୀପ କୁମାର ଦେବତା, ବାନ୍ଦୁପାଲି ଭି ଟି ଅଞ୍ଜଳି ପଧାନ ଲାଉମୁଣ୍ଡା ଏଲ ଆଇ ଜ୍ଞାନାନନ୍ଦ ସାହୁ ତଥା ବିଭାଗୀୟ କର୍ମଚାରୀ ସଞ୍ଜୀବ ସାହୁ,ବଳରାମ ପୁରୀ,ବୀରେନ୍ଦ୍ର ସାହୁ, ଗଙ୍ଗାଧର ଦୀପ ପ୍ରମୁଖ ସହଯୋଗ କରିଥିଲେ  l