23-Jan-2025

ବଲାଙ୍ଗୀର, ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ ଆଜି ସ୍ଥାନୀୟ ଗାନ୍ଧୀ ଷ୍ଟେଡିୟମ୍ ଠାରେ ବଲାଙ୍ଗୀର ଜିଲ୍ଲା ଓକିଲ ସଂଘ ଏକାଦଶ ଓ ଜୁଡିସିଆଲ୍ ଏକାଦଶ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଥିଲା। ଟସ୍ ଜିଣି ପ୍ରଥମେ ଜୁଡିସିଆଲ ଏକାଦଶ ବେଟିଂ ଆରମ୍ଭ କରିଥିଲା । ବଲାଙ୍ଗୀର ଜିଲ୍ଲା ଦୌରା ଜଜ୍ ଡ. ପବିତ୍ର ସାମଲଙ୍କ ଅଧିନାୟକତ୍ୱରେ ଖେଳ ଆରମ୍ଭ ହୋଇଥିଲା । ନିର୍ଦ୍ଧାରିତ ୧୫ ଓଭରରେ ଜୁଡିସିଆଲ୍ ଏକାଦଶ ୧୫୩ ରନ୍ କରିଥିଲା । ଏହାର ଜବାବରେ ଓକିଲ ସଂଘ ଏକାଦଶ ମାତ୍ର ୬୫ ରନ୍ କରି ୮୮ରନ୍ ରେ ପରାସ୍ତ ହୋଇଥିଲା । ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠୀ ଅଧିନାୟକ ଦାୟିତ୍ୱ ତୁଲାଇ ଥିଲେ । ରୂପକ ବରାଳ କ୍ରିକେଟ ମ୍ୟାଚ୍ ର ଧାରାବିବରଣୀ ପ୍ରଦାନ କରିଥିଲେ । ଡିଷ୍ଟିକ୍ଟ ଏଥିଲେଟିକ୍ ଏସୋସିଏସନ୍ ର ସଂପାଦକ ହରିନାରାୟଣ ପୂଝାରୀ ଏଥିରେ ମୁଖ୍ୟ ଅତିଥି ଭାବରେ ଯୋଗ ଦେଇ ବିଜେତା ଜୁଡିସିଆଲ ଏକାଦଶ ଓ ରନରର୍ସଅଫ୍ ଦଳ ଜିଲ୍ଲା ଓକିଲ ସଂଘକୁ ପୁରସ୍କୃତ କରିଥିଲେ । ଓକିଲ ସଂଘ ପକ୍ଷରୁ ଶିବ୍'ରାଜ୍ ପତି ଓ ମହିଳା ଦଳରୁ ସବିତାରାଣୀ ମିଶ୍ର ବେଷ୍ଟ ପ୍ଲେୟାର ଭାବରେ ପୁରସ୍କୃତ ହୋଇଥିଲେ । ଜୁଡିସିଆଲ୍ ଏକାଦଶ ତରଫରୁ ଆକାଶ ତ୍ରିପାଠୀଙ୍କୁ ଟ୍ରଫି ପ୍ରଦାନପୂର୍ବକ ମେନ୍ ଅଫ୍ ଦ ମ୍ୟାଚ୍ ଘୋଷଣା କର।ଯାଇଥିଲେ । ଏଥିରେ ଜିଲ୍ଲା ଓକିଲ ସଂଘର ବହୁ ସଭ୍ୟସଭ୍ୟ। ଓ ଜୁଡିସିଆଲ ଷ୍ଟାଫ୍ ଯୋଗ ଦେଇ ଖେଳକୁ ଉପଭୋଗ କରିଥିଲେ ।  ଆଡଭୋକେଟ୍ ଓ ବିଚାରପତି ମାନଙ୍କ ମଧ୍ୟରେ ସୁସମ୍ପର୍କ ସ୍ଥାପନ ଉଦ୍ଦେଶ୍ୟରେ ପ୍ରଥମ ଥର ପାଇଁ ଜିଲ୍ଲା ଓକିଲ ସଂଘ ର ଉଦ୍ୟମରେ ଏପରି ଏକ ପ୍ରୟାସ କରାଯାଇଥିବାରୁ ଏହାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି l