19-Jan-2025

 ଡୁଙ୍ଗୁରିପାଲି କବି ଓ କଳାକାର ସଂଘ ଅନୁକୂଲ୍ଯରେ ସ୍ଥାନୀୟ ବସ୍ତି କଲ୍ୟାଣ ମଣ୍ଡପଠା ଠାରେ ପାଞ୍ଚଦିନ ଧରି ଚାଲିଥିବା ୧୬ତମ ନାଟକ ମହୋତ୍ସବ ଗତକାଲି ଉଦଯାପିତ ହୋଇ ଯାଇଛି। ସଂଘର ସଭାପତି ବିପ୍ରଚରଣ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ଉଦ୍‌ପନା ଦିବସରେ ଡୁଙ୍ଗୁରିପାଲି ବ୍ଳକ ଉପାଧ୍ଯକ୍ଷ ମକରଧ୍ଵଜ ସାହୁ, ବିଡିଓ ଦିଲ୍ଲୀପ କୁମାର ବାରା ଅତିଥି ଭାବେ ଯୋଗଦେଇଥିଲେ । ପ୍ରଥମ ପର୍ଯ୍ୟାୟରେ ବଡ଼କର୍ତ୍ତେ ବୀଣାପାଣି ସାହିତ୍ୟ କଳା ସଂସଦ ପକ୍ଷରୁ ସମିର ସାହୁଙ୍କ ନିର୍ଦ୍ଦେଶନା, ସୁମନ୍ତ୍ର ସାହୁଙ୍କ ରଚିତ ଓ ହୃଷୀକେଶ ଭୋଇଙ୍କ ସଙ୍ଗୀତ ନିର୍ଦ୍ଦେଶନାରେ ସମ୍ବଲପୁରୀ ନାଟକ ‘ବଳଦ’ ମଞ୍ଚସ୍ଥ ହୋଇଥିଲା। ଦ୍ଵିତୀୟ ପର୍ଯ୍ୟାୟରେ ଅମୃତଲାଲଙ୍କ ରଚିତ ଓ ଶିଶୁପାଳ କଲେତଙ୍କ ନିର୍ଦ୍ଦେଶନାରେ ସମ୍ବଲପୁରୀ ନାଟକ ‘ବୁହେନ୍’ ମଞ୍ଚସ୍ଥ ହୋଇଥିଲା। କାର୍ଯ୍ୟକ୍ରମ ପରିଚାଳନାରେ ଘନଶ୍ୟାମ ମେହର, ଅମୂଲ୍ୟ ବେହେରା, ନରୋତ୍ତମ ବରିହା, ଜୟ ପଧାନ, ବିଭୁଦତ୍ତ ବିଶ୍ଵାଳ ପ୍ରମୁଖ ସହଯୋଗ କରିଥିଲେ ।