19-Jan-2025

କଣ୍ଟାମାଳ(ଜୟ କୁମାର ମହାରଣା): ଓଡିଶା ପାଇଁ ଏକ ଗୌରବମୟ  ମୁହୂର୍ତ୍ତରେ ବର୍ଲିନ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ସମ୍ମାନଜନକ ପ୍ରତିଭା ବିକାଶ କାର୍ଯ୍ୟକ୍ରମ ବର୍ଲିନାଲେ ଟ୍ୟାଲେଣ୍ଟସ୍ ୨୦୨୫ ପାଇଁ ମନୋନୀତ ହୋଇଛନ୍ତି  ଜଣେ ଓଡ଼ିଆ ପୁଅ l ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ୍ ଶିମିଳପଦର ଗ୍ରାମର ଅବସରପ୍ରାପ୍ତ ଶିକ୍ଷକ ବିନାୟକ ଖେତୀ ଓ ଗୀତାଞ୍ଜଳୀ ଖେତିଙ୍କ ସୁପୁତ୍ର ଶିତିକଣ୍ଠ ଖେତୀ ଏହି ବିରଳ ସୁଯୋଗ ଲାଭ କରିବାରେ ସେ ହେଉଛନ୍ତି ଓଡ଼ିଶାର ପ୍ରଥମ ଫିଲ୍ମ ନିର୍ମାତା l  ସେ ଜଣେ ସ୍ଵଶିକ୍ଷିତ ନିର୍ଦେଶକ, ସମ୍ପାଦକ ଓ ସିନେମୋଟୋଗ୍ରାଫର l    ଶିତିକଣ୍ଠ ତାଙ୍କ ନିର୍ଦେଶିତ ଡକୁମେଣ୍ଟାରୀ ଜି-୨୦ ଭଳି ସମ୍ମାନଜନକ ସମ୍ମିଳନୀରେ ପ୍ରଦର୍ଶିତ ହୋଇ ଉଚ୍ଚ ପ୍ରଶଂସିତ ହୋଇଛି l ସେ ଆଗରୁ ମିଳିତ ଜାତିସଂଘ, ୟୁଏନଡିପି , ୟୁଏନ- ଓମେନ, ୟୁନିସେଫ, ନ୍ୟାସନାଲ ଜିଓଗ୍ରାଫିକ ଚ୍ୟାନେଲ, ଡ଼ିସକଭରୀ, ବିବିସି, ଅଲଜାଜୀରା ଭଳିଆ ସଂସ୍ଥାରେ କାମ କରିଛନ୍ତି l ତାଙ୍କର ସଦ୍ୟତମ ପ୍ରୋଜେକ୍ଟ, ଚିଙ୍ଗାରି- ଦି ସ୍ପାର୍କ, ଯେଉଁଠାରେ ସେ ସହକାରୀ ନିର୍ଦ୍ଦେଶକ, ସମ୍ପାଦକ ଏବଂ ସାଉଣ୍ଡ ଡିଜାଇନର୍ ଭାବରେ କାର୍ଯ୍ୟ କରିଥିଲେ, ବୁସାନ୍ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ୨୦୨୩ ରେ ପ୍ରିମିୟର୍ ହୋଇଥିଲା | ତାଙ୍କ ସମ୍ପାଦିତ ଆଇଜ ଅଫ ଡାରକନେସ ୨୦୧୭ ରେ ଜାତୀୟ ପୁରସ୍କାର ଲାଭ କରିଛି  | ଏଥିସହ, ୨୩ ଉଇଣ୍ଟର, ଯେଉଁଠାରେ ସେ ସହକାରୀ ନିର୍ଦ୍ଦେଶକ ଏବଂ ସମ୍ପାଦକ ଭାବରେ କାର୍ଯ୍ୟ

କରିଥିଲେ, l IFFK କେରଳ, ଦକ୍ଷିଣ ଏସୀୟ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ନ୍ୟୁୟର୍କ ଏବଂ IFFI ଗୋଆ ଭଳି ପ୍ରମୁଖ ଉତ୍ସବରେ ସ୍କ୍ରିନ କରାଯାଇଥିଲା | ତାଙ୍କ ଚୟନ ଉପରେ ସେ କୁହନ୍ତି, "ବର୍ଲିନାଲେ ପ୍ରତିଭା ଏକ ବିରଳ ସୁଯୋଗ ଏବଂ ମୁଁ ଏହି ବିଶ୍ୱସ୍ତରୀୟ ପ୍ଲାଟଫର୍ମରେ ଓଡିଶାର ପ୍ରତିନିଧିତ୍ୱ କରି ଅତ୍ୟନ୍ତ ଆନନ୍ଦିତ ଅଟେ।" ଏହି ପ୍ରତିଭା କାର୍ଯ୍ୟକ୍ରମ ରେ ବିଶ୍ୱ ର ବଛା ବଛା ୨୦୦ ଜଣ ନିର୍ଦେଶକ, ଲେଖକ କେମେରାମ୍ୟାନ ଆଦି ଯୋଗ ଦେବେ l