19-Jan-2025

(ଚିନ୍ତାମଣି ନେତାମ )
ନବରଙ୍ଗପୁର  ଜିଲ୍ଲା ଉମରକୋଟ ବ୍ଲକ ଗତିଗୁଡା ନିବାସୀ ଶ୍ରୀଯୁକ୍ତ ଖଗେଶ୍ୱର ଗୌଡ଼ଙ୍କ ଏକ ମାତ୍ର ଝିଅ ବର୍ଷାଙ୍କର ପ୍ରଥମ ରଜଦର୍ଶନର ସପ୍ତମ ଦିବସରେ ସାମାଜିକ ବିଧିବିଧାନ ସହ ପୁଷ୍ପବତୀ ହୋମ ତାଙ୍କ ବାସଗୃହରେ ଅନୁଷ୍ଠିତ ହୋଇଯାଇଛି। କନ୍ୟାଙ୍କୁ ସୁଦ୍ଧସ୍ନାନ କରାଇ ନବବସ୍ତ୍ର ପିନ୍ଧାଇ ଏହିଦିନ ମା ଝିଅକୁ କୋଳରେ ବସାଇ ବନ୍ଧାଇ ଥାନ୍ତି ଓ ନିମନ୍ତ୍ରିତ ବନ୍ଧୁମାନଙ୍କର ତଥା  ଜ୍ଞାତି କୁଟୁମ୍ବ ସ୍ତ୍ରୀଲୋକ ବନ୍ଧୁବାନ୍ଧବ ଓ ଜ୍ଞାତିକୁଟୁମ୍ବଙ୍କର ସ୍ତ୍ରୀଲୋକ ମାନେ ଚାଉଳ, ଚନ୍ଦନ, ତିଳକ ଲଗାଇ ବନ୍ଧାପନା କରିଥାନ୍ତି । ଝିଅକୁ  ସାବୁନ, ପାଉଡର, ମୁଣ୍ଡ ବାଳ ତେଲ, ଅତର,ନକପାଲିଶ, ଅଳତା,ପୋଷାକ ଓ ଟଙ୍କା ଆଦି ଉପହାର ଦେଇଥିଲେ।   ପୁଷ୍ପବତୀ ହୋମ ବନ୍ଧାପନା ପରେ  ଅତିଥିଗଣଙ୍କୁ ଭୁରି ଭୋଜନ ଦ୍ୱାରା  ଆପ୍ୟାୟିତ କରାଯାଇଥିଲା।  ଓ ବି ଶି,  ଆଦିବାସୀ ଓ ହରିଜନ ଜାତିରେ ଏହି ପରମ୍ପରା ବହୁ ଦିନରୁ ଚାଲି ଆସିଛି। ଏହିପରି ଝିଅ କର୍ମ  ହୋଇ ସାତ ଦିନ ପରେ  ଘରୁବାହାର କରାଯାଏ। ସାତ ଦିନ ଝିଅ କୌଣସି ପୁରୁଷର ମୁହଁକୁ ଦେଖି ନ ଥାଏ । ଘରବାଡ଼ିପଟେ ସ୍ନାନ ଶୌଚ ହୋଇ ଘର କୋଣରେ ବିଶ୍ରାମ ନେଇଥାଏ । ଏହି ଦିନ ଠାରୁ ତିନି ଚାରି ବର୍ଷ ପରେ  ବିବାହ ଯୋଗ୍ୟା ହେଲା ବୋଲି  ଧରାଯାଏ। କର୍ମ ସମୟ ର ନକ୍ଷତ୍ର ଓ ଲଗ୍ନ ସହିତ ବରପାତ୍ରର ଜନ୍ମ କୋଷ୍ଟି ମେଳଖୁଆଇ ବିବାହ ସ୍ଥିର କରାଯାଇଥାଏ । ଏହି ଦିବସ ଓ ସମୟ ଝିଅ ଜୀବନର ଗୁରୁତ୍ୱପୂର୍ଣ୍ଣ ଏବଂ ଭବିଷ୍ୟତ ନିର୍ଣ୍ଣାୟକ ହୋଇ ଥାଏ ।