17-Jan-2025

ଫୁଲବାଣୀ(କ୍ଷୀରୋଦ କୁମାର ସାହାଣୀ) କନ୍ଧମାଳ ଜିଲ୍ଲାରେ କୁଇ ସମାଜ ଯୁବପରିଷଦ  ତରଫରୁ ଆୟୋଜିତ ଦୁଇଦିନିଆ ଫୁଟବଲ ପ୍ରତିଯୋଗିତା ଆଜି ଅନୁଷ୍ଠିତ ହୋଇଯାଇଛି | ଆଜିର ଉଦଘାଟନି ମ୍ୟାଚକୁ ଓଡିଶାର ପଂଚାୟତରାଜ ଓ ଗ୍ରାମ୍ୟ ଉନ୍ନୟନ,ଜଳ ଯୋଗାଣ ମାନ୍ୟବର ମନ୍ତ୍ରୀ ରବିନାରାୟଣ ନାଏକ ମୁଖ୍ୟ ଅତିଥି ଭାବେ ଯୋଗଦାନ କରି ଥିଲେ ଓ ସନମାନୀତ ଅତିଥିଭାବେ ଫୁଲବାଣୀ ବିଧାୟକ ଉମାଚରଣ ମଳିକ, ଫୁଲବାଣୀ ପଂଚାୟତ ସମିତି ଅଧକ୍ଷା ସସ୍ମିତା କହଁର, ଟିକାବାଲି ପଂଚାୟତ ସମିତି ଅଧକ୍ଷ ଦିଲୀପ କହଁର, ସମେତ କୁଇ ସମାଜ ସାଧାରଣ ସମ୍ପାଦକ ଅବନୀ କହଁର, ସମେତ କନ୍ଧମାଳ କୁଇ ସମାଜ ଯୁବପରିଷଦ ସଭାପତି ଶ୍ରୀଦେବାଶିଷ କହଁର ସମ୍ପାଦକ ଶ୍ରୀ ଅଚ୍ୟୁତ ଯାନୀ, କୋଷାଧକ୍ଷ ଭାବିନ୍ଦ୍ର କହଁର, ଜିଲ୍ଲା କ୍ରୀଡା ସଭାପତି ଅସିତ ମଳିକ ଉପସ୍ଥିତ ଥିବା ବେଳେ ଅନ୍ୟ ସମସ୍ତ କୁଇ ସମାଜ ର ବରିଷ୍ଠ କର୍ମକର୍ତ୍ତା ମାନେ ଉପସ୍ଥିତ ଥିଲେ | ମୋଟ ୧୨ ଗୋଟି ଆଦିବାସୀ ଫୁଟବଲ ଟିମ ଅଂଶ ଗ୍ରହଣ କରିବାକୁ ପଞ୍ଜିକରଣ କରାଯାଇଛି ଓ ବିଜେତା ଦଳକୁ ଆଦିବାସୀ କପ ସହିତ ୩୦ହଜାର ଟାଙ୍କାର ଅର୍ଥ ରାଶି ପୁରସ୍କାର ଓ ରନର୍ସ ବିଜେତା ଦଳକୁ  ଆଦିବାସୀ କପ ସହିତ ୨୦ ହଜାର ଟାଙ୍କାର ଅର୍ଥ ରାଶି ପୁରସ୍କାର ପ୍ରଦାନ କରାଯିବା ପାଇଁ ଜିଲ୍ଲା କୁଇ ସମାଜ ଯୁବ ପରିଷଦ ତରଫରୁ ନିର୍ଦ୍ଧାରିତ କରାଯାଇଛି | ଏହାଦ୍ୱାରା କନ୍ଧମାଳ ଜିଲ୍ଲାର ଆଦିବାସୀ ଯୁବକଯୁବତୀ ଛାତ୍ରଛାତ୍ରୀ ମାନଙ୍କ ମଧ୍ୟରେ କ୍ରୀଡା ପ୍ରତି ଏକ ସ୍ୱତନ୍ତ୍ର ଆଗ୍ରହ ସୃଷ୍ଟି ହୋଇପାରିବା ସହିତ ଆଗାମୀ ଭବିଷ୍ୟତରେ ନିଜକୁ ଜଣେ ଜଣେ ଉତ୍ତମ କ୍ରୀଡାବିତ ଭାବେ  ପ୍ରତିଷ୍ଠା କରିବାରେ ଏହି ପ୍ରତିଯୋଗିତା ସହାୟକ ହେବ ବୋଲି ସାଧାରଣରେ ଆଲୋଚନା ହେଉଛି |  କନ୍ଧମାଳ ଜିଲ୍ଲା କୁଇ ସମାଜ ଯୁବପରିଷଦ ଜିଲ୍ଲାରେ ପ୍ରଥମ କରି ଏହି ଫୁଟବଲ ପ୍ରତିଯୋଗିତା ଆୟୋଜନ କରାଯାଇଛି ଓ ଏହି ପ୍ରତିଯୋଗିତା ଚଳିତ ବର୍ଷ ଠାରୁ ଆଗାମୀ ଦିନରେ ନିୟମିତ ଭାବେ ଅନୁଷ୍ଠିତ କରାଯିବ ବୋଲି ସଭାପତି ଶ୍ରୀ କହଁର ପ୍ରକାଶ କରିଥିଲେ |  
       ଆଜିର ଉଦ୍ଘାଟନୀ ଦିବସରେ ବାଲିଗୁଡା ବ୍ଲକ ଓ ଫୁଲବାଣୀ ବ୍ଲକ ମଧ୍ୟରେ ପ୍ରଥମ ପର୍ଯ୍ୟାୟ ମ୍ୟାଚ ଅନୁଷ୍ଠିତ ହୋଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ମ୍ୟାଚ ଖଜୁରୀପଡା ପଡା ଓ କ ନୂଆଗାଁ ମଧ୍ୟରେ ଅନୁଷ୍ଠିତ ହୋଇଯାଇଛି  | ପ୍ରଥମ ପର୍ଯ୍ୟାୟ ମ୍ୟାଚରେ ଫୁଲବାଣୀ ବ୍ଲକ ୧-୦ଗୋଲରେ ବାଲିଗୁଡା ବ୍ଲକ କୁ ହରାଇ ବିଜୟୀ ହାସଲ ହୋଇଥିବା ବେଳେ ଦ୍ୱିତୀୟ ପର୍ଯ୍ୟାୟ ମ୍ୟାଚରେ କ ନୂଆଗାଁ ବ୍ଲକ  ପେନାଲଟିକ ୩ - ୨ ଗୋଲ ରେ ଖଜୁରୀପଡା ବ୍ଲକକୁ ହରାଇ ସେମି ଫାଇନାଲ ମ୍ୟାଚ ଖେଳିବାର ସୌଭାଗ୍ୟ ହାସଲ କରିପାରିଛି | ଏହାପରେ ଆଜିର ପ୍ରଦର୍ଶନୀ ମ୍ୟାଚ ଆରମ୍ଭରୁ ଶେଷ ପର୍ଯ୍ୟନ୍ତ ଅତି ସୁନ୍ଦର ଭାବେ ଆଦିବାସୀ ନେତା ରଘୁପତି କହଁର ସଭା ପରିଚାଳନା କରିଥିଲେ | ଉକ୍ତ ସଭାରେ କୁଇ ସମାଜ ସାଂସ୍କୃତିକ ପରିଷଦର ସମ୍ପାଦକ ବୀରେନ୍ଦ୍ର କହଁର ସକ୍ରିୟ ଅଂଶ ଗ୍ରହଣ କରିଥିବା ବେଳେ ଯୁବନେତା ବିଚିତ୍ରବୀର୍ଯ୍ୟ ପ୍ରଧନ, ରମାକାନ୍ତ କହଁର, ବରିଷ୍ଠ ଆଦିବାସୀ ନେତା ଗୌତମ ପ୍ରଧାନ, ବିଶ୍ଵାମିତ୍ର କହଁର, ଗୋଲକ କହଁର, ଅର୍ଜୁନ କହଁର ଶମ୍ଭୁନାଥ କହଁର ପ୍ରମୁଖ କ୍ରୀଡା ପରିଚାଳନାରେ ସକ୍ରିୟ ଅଂଶ ଗ୍ରହଣ କରିଥିଲେ, ଏହି ପ୍ରତିଯୋଗିତା ଆସନ୍ତା ଜାନୁଆରୀ ୧୯ ତାରିଖ ପର୍ଯ୍ୟନ୍ତ ଚାଲୁରହିବ ଓ ଉଦଯାପନୀ ମ୍ୟାଚ ଆଗାମୀ ୧୯ ତାରିଖରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଥିବା ଜଣା ପଡିଛି |