17-Jan-2025

କୁଚିଣ୍ଡା; କୁଚିଣ୍ଡା ମହାବଦ୍ୟାଳୟରେ ଏନ୍ ଏସ୍ ଏସ, ଏନ୍ ସିସି, ଯୁବ ରେଡକ୍ରସ ଏବଂ ନେହେରୁ ଯୁବକେନ୍ଦ୍ର ସମ୍ବଲପୁର ତରଫରୁ ଟ୍ରାଫିକ ସଚେତନତାରେ ସ୍ଵେଚ୍ଛାସେବୀଙ୍କ ଭୂମିକା ଉପରେ ଏକ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଟ୍ରାଫିକ ର ବିଭିନ୍ନ ସମସ୍ୟାକୁ ଆଖି ଆଗରେ ରଖି ଯୁବପିଢୀଙ୍କ ସହଯୋଗରେ ସଚେତନତା ସୃଷ୍ଟି କରିବା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ। ଏହି କାର୍ଯ୍ୟକ୍ରମ ଜାନୁଆରୀ ୧୭ ରୁ ଆରମ୍ଭ ହୋଇ ୨୩  ତାରିଖ ପର୍ଯ୍ୟନ୍ତ କୁଚିଣ୍ଡା ମହାବିଦ୍ୟାଳୟର ଏନ୍ ଏସ୍ ଏସ୍, ଏନ୍ ସି ସି  ଏବଂ ୱାଇ ଆର ସି  ମିଶି ୨୫ ଜଣ ସ୍ଵଚ୍ଛାସେବୀ ତାଲିମ୍ ନେଇ କୁଚିଣ୍ଡାର ବିଭିନ୍ନ ଛକରେ ପୋଲିସ କର୍ମଚାରୀଙ୍କ ସହିତ ମିଶି କାମ କରିବେ। ଏହି ପରିପରେକ୍ଷୀ ରେ ଅଧ୍ୟକ୍ଷା ସୁଶ୍ରୀ ସୁଚିତ୍ରା ମିଶ୍ର ସଭାର ସଭାପତିତ୍ବ କରି ଯୁବପିଢୀଙ୍କୁ ଗାଡ଼ି ଚଳାଇବା ସମୟରେ ସତର୍କତା ଅବଲମ୍ବନ ତଥା ଟ୍ରାଫିକ ନିୟମକୁ ମାନିବା ପାଇଁ ପରାମର୍ଶ ଦେଇଥିଲେ। ଏଥିରେ ସମ୍ମାନିତ ଅତିଥି ନେହେରୁ ଯୁବ କେନ୍ଦ୍ର ସମ୍ବଲପୁର ଅଧିକାରୀ ମାରିଆନୁସ ବିଲୁଙ୍ଗ, କୁଚିଣ୍ଡା ଥାନା ସବ୍- ଇନସ୍ ପେକ୍ଟର୍  ହାଡୁ ବେହେରା ଯୋଗଦେଇ ଟ୍ରାଫିକର ବିଭିନ୍ନ ନିୟମ ଏବଂ ଯୁବ ପିଢିଙ୍କୁ ସଚେତନତା ମୂଳକ ବାର୍ତ୍ତା ପ୍ରଦାନ କରିଥିଲେ। ଏହି କାର୍ଯ୍ୟକ୍ରମକୁ ଏନ୍ ଏସ୍ ଏସ୍  ପ୍ରୋଗ୍ରାମ ଅଫିସର୍ ସୁଶ୍ରୀ ବେଲମତି କୁମୁରା ସଂଯୋଜନା କରିଥିବା ବେଳେ ୱାଇ ଆର ସି  ଅଧିକାରୀ ଭିକାରି ଓରାମ ଧନ୍ୟବାଦ୍ ଅର୍ପଣ କରିଥିଲେ।
(ସମ୍ବଲପୁର କୁଚିଣ୍ଡାରୁ ସିଲୁ ସୁନାନୀଙ୍କ ରିପୋର୍ଟ)