17-Jan-2025

ତରଭା ବ୍ଲକ କଟାପାଲି ପଞ୍ଚାୟତ  ପଣ୍ଡକିମାଲ ସ୍ଥିତ ତେଳ ନଦୀ କୂଳରେ ଥିବା ମେଗା ଲିଫ୍ଟପଏଣ୍ଟକୁ ସୁବର୍ଣ୍ଣପୁର ଜିଲ୍ଲାପାଳ ଅନ୍ୟା ଦାସ ପରିଦର୍ଶନ କରିଯାଇଥିବା ଜଣାଯାଇଛି I ମିଳିଥିବା ସୂଚନା ଅନୁଯାୟୀ ପଣ୍ଡକିମାଳ ମେଗା ଲିଫ୍ଟ ପଏଣ୍ଟ ରୁ ଚାଷୀ ମାନଙ୍କ ଧାନକ୍ଷେତକୁ ଜଳସୋଚନ ଆବଶ୍ୟକ ମୁତାବକ ଜଳ ଯୋଗାଣହୋଇପାରୁ ନଥିବାରୁ ବିଭିନ୍ନ ସମୟରେ ଜିଲ୍ଲାପାଳଙ୍କ ଠାରେ ଅଭିଯୋଗ ହୋଇ ଆସୁଥିଲା I ଅଭିଯୋଗକୁ ଭିତ୍ତି କରି ଜିଲ୍ଲାପାଳ ଅନ୍ୟା ଦାସ, ତରଭା ବିଡ଼ିଓ ଗଙ୍ଗାରାମ ବୁଡ଼େକ, ଜିଲ୍ଲାପରିଷଦ ପିଡି  ଅଶ୍ୱନୀ ମେହେରଙ୍କ ସହ ଅନ୍ୟ ଅଧିକାରୀ ମେଗା ଲିଫ୍ଟ ପଏଣ୍ଟ ପରିଦର୍ଶନ କରିଥିଲେ I ଏହି ସମୟରେ ମେଗାପଏଣ୍ଟର କନିଷ୍ଟ ଯନ୍ତ୍ରୀ ପ୍ରଦ୍ୟୁମ୍ନ ମଲ୍ଲିକ ଉପସ୍ଥିତ ରହି ଲିଫ୍ଟ ପଏଣ୍ଟର ସୁବିଧା ଅସୁବିଧା ଜଣାଇ ଥିଲେ I ଏହି ମେଗା ଲିଫ୍ଟ ପଏଣ୍ଟରୁ ୬୫୩୮ ଚାଷୀ ତଥା ୧୬ଶହ ହେକ୍ଟର ଜମିରେ ଜଳସେଚନ ହେବାର ଲକ୍ଷ ଧାର୍ଯ୍ୟ ରହିଛି I କେବଳ ଋତୁ ସମୟରେ ଖରିପ ଚାଷରେ ଜଳ ଯୋଗାଣ ହେଉଛି I ହେଲେ କେବଳ ବର୍ଷା ସମୟରେ ପଏଣ୍ଟ ରୁ ଜଳଯୋଗାଣ ହୋଇ ପାରି ଥାଏ I ଧାନଚାଷ ତଥା ମରୁଡି ସମୟରେ ଜଳ ଯୋଗାଣ ହୋଇ ପାରୁ ନ ଥିବାରୁ ଚାଷୀ ମାନଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି I ଚାଷୀ ମାନଙ୍କ ଅଭିଯୋଗ ଅନୁଯାୟୀ ଗରାମହୁଲ ଓ କଟାପାଳି ଅଞ୍ଚଳରେ ୨ ଟି ପଏଣ୍ଟ ଦିଆଯାଇଛି I ୫୦ଏକର ଜମିରେ ନାମକୁମାତ୍ର ଜଳଯୋଗାଣ ହେଉଛି ବୋଲି ଅଭିଯୋଗ ରହିଛି  I ପଣ୍ଡକିମାଳ ମେଗା ପଏଣ୍ଟରୁ ପାଇପଲାଇନ କେନ୍ଦୁମୁଣ୍ଡା ଦେଇ ଜଳଯୋଗାଣ ହେଲେ କନକଡା, ଅରଖ ପଦର, ବଗିହା ବାହାଳୀ, ଶତ୍ରୁପାଲି, କଟାପାଲି ଅଞ୍ଚକର ଶତାଧିକ ଚାଷୀ ଜଳ ସୋଚନର ସୁବିଧା ପାଇପାରିବେ ବୋଲି ସମ୍ପୃକ୍ତ ଅଞ୍ଚଳର ଚାଷୀଙ୍କ ଠାରୁ ଜଣାଯାଏ I 
(କପିଳାସ ସେଠ, ତରଭା)