16-Jan-2025

କଟକ*ପ୍ରେରଣା ଖବର): ସ୍ଥାନୀୟ ଗାନ୍ଧି ଭବନଠାରେ ପ୍ରଫେସର ଡକ୍ଟର ପାବକ କାନୁନଗୋଙ୍କର ୭୮ତମ ଜୟନ୍ତୀ ପାଳିତ ହୋଇଯାଇଛି । ଅଧ୍ୟାପକ ଡକ୍ଟର ହେମନ୍ତ କୁମାର ପରିଡାଙ୍କର ପୌରହିତ୍ୟରେ ଅନୁଷ୍ଠିତ ସଭାରେ ବହୁ ବିଶିଷ୍ଟ ବ୍ୟକ୍ତି ସ୍ବର୍ଗତ କାନୁନଗୋଙ୍କର ସ୍ମୃତି ଚାରଣ କରିଥିଲେ । ପ୍ରଥମେ ସ୍ବର୍ଗତ ଆତ୍ମାର ସଦଗତି ନିମନ୍ତେ ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା । ମୁଖ୍ୟ ଅତିଥି ଡାକ୍ତର ନିତ୍ୟାନନ୍ଦ ସ୍ବାଇଁ ତାଙ୍କର ବକ୍ତବ୍ୟରେ ବିନୋଦ ବାବୁ, ଜ୍ଞାନମଣ୍ଡଳ ଓ ପାବକ ବାବୁଙ୍କ ସହିତ ଦୀର୍ଘ ଦିନର ନିବିଡ ସଂପର୍କର ବର୍ଣ୍ନନା କରିଥିଲେ । ମୁଖ୍ୟବକ୍ତା ପ୍ରଫେସର ବିଜୟାନନ୍ଦ ସିଂହ କହିଲେ ଯେ ପାବକ ବାବୁଙ୍କର 'ଓଡିଶା ଓ ଗାନ୍ଧୀ' ପୁସ୍ତକ ଓଡିଆ ସାରସ୍ବତ ଜଗତକୁ ଏକ ମହାନ ଅବଦାନ । ଅନ୍ୟମାନଙ୍କ ମଧ୍ୟରେ ଶ୍ରୀଯୁକ୍ତ ଧନେଶ୍ବର ସାହୁ, ନଟବର ଖୁଣ୍ଟିଆ,

ବ୍ରଜକୁମାର ଶତପଥୀ, ଆଶୀଷ କର, ଡକ୍ଟର କଳ୍ପନା ଚୌଧୁରୀ, ପ୍ରଫେସର ନାରାୟଣ ମହାନ୍ତି, ପ୍ରଫେସର ବିକଳି ଚରଣ ଦାସ, ସେକ୍ ମସୁଦ ଅଲ୍ଲୀ, ମୀରା ବେଉରା, ଅରୁଣ କୁମାର ଅଗ୍ରଓ୍ବାଲ,

ଡକ୍ଟର ବିଭୂଦତ୍ତ ଖଣ୍ଡାୟତରାୟ, ବିମଳ କୁମାର ଦାସ, ପାବକ ବାବୁଙ୍କର ନାତୁଣୀ ଅନନ୍ୟା ମହାନ୍ତି ପ୍ରମୁଖ ସ୍ମୃତି ଚାରଣ କରିଥିଲେ । ଅୟସକାନ୍ତ କାନୁନଗୋ, ଚିତ୍ତରଂଜନ ସାହୁ ଓ ଆଡଭୋକେଟ୍ ଚିତ୍ତ ମହାନ୍ତି ସହଯୋଗ କରିଥିବାବେଳେ ଅନିର୍ବାଣ କାନୁନଗୋ ଧନ୍ୟବାଦ ଅର୍ପଣ କରିଥିଲେ  ଡକ୍ଟର ହେମନ୍ତ କୁମାର ପରିଡା, କଟକ