16-Jan-2025

 ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଫରସରା ଝାଙ୍କର ପଡାରେ ରାଜ୍ୟ ପ୍ରାଚୀନ କଳା ଓ ସଂସ୍କୃତି ପୁନରୁଦ୍ଧାର ପରିଷଦର ସଭାପତି ତ୍ରିମନ ମାଝୀଙ୍କ ସଭାପତିତ୍ବରେ ଆୟୋଜିତ ରାମ କାଠି ଦଳର ଶୁଭ ଉଦଘାଟନ ଉତ୍ସବରେ ମୁଖ୍ୟ ଅତିଥି ରୂପେ ରାଜ୍ୟସଭା ସାଂସଦ ନିରଞ୍ଜନ ବିଶି,ମୁଖ୍ୟ ବକ୍ତା ଭାବରେ ପ୍ରାଧ୍ୟାପକ ଗୟାଧର ମହାନ୍ତି,ବିଶିଷ୍ଟ ଅତିଥି ଭାବେ ଆଦିବାସୀ ନେତା ତଥା ଖରୀଆର ବ୍ଲକ ପୂର୍ବତନ ଅଧ୍ୟକ୍ଷ ବାଳକୃଷ୍ଣ ଶବର, ସମ୍ମାନିତ ଅତିଥି ଭାବରେ ବୋଡ଼େନ ବ୍ଲକ ଉପାଧ୍ୟକ୍ଷା
ସଙ୍ଗୀତା  ମାଝୀ, ପ୍ରଶାସନିକ ଅଧିକାରୀ ଜୟସେନ ଧରୁଆ,ଜିଲ୍ଲାପରିଷଦ ଭାନୁପ୍ରତାପ ସିଂ ମାଝୀ,ସମିତି ସଭ୍ୟା ବାଳିକା ମାଝୀ,ବ୍ଲକ କଳା ଓ ସଂସ୍କୃତି ସଂଘ ଉପ ସଭାପତି ଉପେନ୍ଦ୍ର ସଲମା,ଆଇନଜୀବି ଗୌତମ ନିଆଲ,ସମାଜ ସେବୀ ସୌଦାଗର ସାହୁ,ଆଦିବାସୀ ସଂଘ ବ୍ଲକ ସଭାପତି ମଝିଆ ମାଝୀ, ସିଆରପିଏଫ ଯବାନ ଭୀମ ସେନ ଧରୁଆ ପ୍ରମୁଖ ମଞ୍ଚା ସିନ ଥିଲେ ।ସଂସ୍କୃତି ଓ ପରମ୍ପରାକୁ ବଜାୟ ରଖିବା ସହିତ ପ୍ରାଚୀନ କଳା,ଲୋକ ନୃତ୍ୟ,ଲୋକ ସଙ୍ଗୀତକୁ ଲୋକ ଲୋଚନକୁ ଆଣିବା ପାଇଁ ୨୦୧୧ ମସିହାରୁ ଗୁରୁ ଶ୍ରୀ ତ୍ରିମନ ମାଝୀ ଓଡ଼ିଶାର ବିଭିନ୍ନ ପ୍ରାନ୍ତରେ ଅହରହ ପ୍ରୟାସ ଜାରି ରଖିଛନ୍ତି ।ରାମ କାଠି ଏକ ଏମିତି ନୃତ୍ୟ ଯାହାକି ଆଦିବାସୀଙ୍କ ବିବାହ ବନ୍ଧନ,ମାଙ୍ଗଳିକ କାର୍ଯ୍ୟ ଓ ବିଭିନ୍ନ ସାମାଜିକ କାର୍ଯ୍ୟକ୍ରମରେ ମୁଖ୍ୟ ଭୂମିକା ଗ୍ରହଣ କରିବା ସହିତ କ୍ଳାନ୍ତ ଜୀବନରେ ଆନନ୍ଦ ଭରିଦେଇଥାଏ ।ଏହି ରାମ କାଠି ନାମକ ଲୋକ ନୃତ୍ୟ ବହୁ ବର୍ଷ ପୂର୍ବେ ଦେଖିବାକୁ ମିଳୁଥିଲା କିନ୍ତୁ ତାହା ଧୀରେ ଧୀରେ ଲୁପ୍ତ ହୋଇଯାଇଛି କିନ୍ତୁ ତ୍ରିମନ ମାଝୀଙ୍କ ନେତୃତ୍ବ ଓ ପ୍ରୟାସ ବଳରେ ବର୍ତ୍ତମାନ ବୋଡ଼େନ ବ୍ଲକରେ ୧୨ ଟି ଦଳ ଗଠନ ହୋଇ ଉଭୟ ସରକାରୀ ଓ ବେସରକାରୀ କାର୍ଯ୍ୟକ୍ରମ ତଥା ଉତ୍ସବରେ ନୃତ୍ୟ ପରିବେଷଣ କରି ସୁନାମ ଅର୍ଜନ କରିଚାଲିଛନ୍ତି ବୋଲି ଦେବୋଭାବାପନ୍ନ ମଞ୍ଚାସିନ ଅତିଥିଗଣ ନିଜ ନିଜ ବକ୍ତବ୍ୟରେ ମତ ପ୍ରଦାନ କରିଛନ୍ତି ।ବାସ୍ତବରେ ଏହି ଲୋକ ନୃତ୍ୟ ରାମକାଠି ପରିବେଷଣ ସହିତ
ପୁରାତନ ମହୁରୀ ବାଜାର ମଧ୍ୟ ପୁନରୁଦ୍ଧାର ହୋଇପାରୁଛି ଏବଂ ନୃତ୍ୟ ମଧ୍ୟରେ କୁମାରୀ ବ୍ରତ ଉପସ୍ଥାପନ କରି ଲୋକ ନୃତ୍ୟକୁ ଉଜ୍ଜୀବିତ କରିବା ସହ ଲୋକଙ୍କ ମନରେ ଶାନ୍ତି ପ୍ରଦାନ କରିବାରେ ଏହି ରାମକାଠି ମୁଖ୍ୟ ଭୂମିକା ଗ୍ରହଣ କରିପାରିଛି ।ମୁଖ୍ୟ ଅତିଥି ସାଂସଦ ମହୋଦୟ ପ୍ରାଚୀନ କଳାର ପୁନଃରୁଦ୍ଧାର ନିମିତ୍ତ ସଂସଦରେ ପ୍ରତ୍ୟେକ କଥା ଉପସ୍ଥାପନ କରିବେ ଏବଂ ଜିଲ୍ଲା ଓ ବ୍ଲକରେ କଳାକାର ମାନଙ୍କ ସଂଘ ପାଇଁ ବୈଠକ ଗୃହ ଯୋଗାଇବାକୁ ସରକାରଙ୍କ ଆଗରେ ଉପସ୍ଥାପନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।ମୁଖ୍ୟ ବକ୍ତା ସମସ୍ତ କଳାର ଗୁଣ ଗାନ କରି କଳାକାର ଓ କଳାକୁ ଲୋକ ଲୋଚନକୁ ଆଣିବା ପାଇଁ ପ୍ରୟାସ କରୁଥିବା ତ୍ରିମନ ମାଝୀଙ୍କ ଉତ୍ତରୋତ୍ତର କାମନା କରିଛନ୍ତି ।ଆଦିବାସୀ ନେତା ବାଳକୃଷ୍ଣ ଶବର ଅତୀତ ଓ ବର୍ତ୍ତମାନର ସଂଘର୍ଶମୟ ଜୀବନ ବିତାଉ ଥିବା କଳାକାର ମାନଙ୍କ ଜୀବନ ଉପରେ ଆଲୋକପାତ କରି ଏମାନଙ୍କ ଭବିଷ୍ୟତ ଉଜ୍ଜଳମୟ ହେଉ ବୋଲି ମତବ୍ୟକ୍ତ କରିଥିଲେ ।ରାମ କାଠି ଗାୟକ ବିଜୟ କୁମାର ବଘେଲ ସୁନ୍ଦର ଶବ୍ଦ ସଂଯୋଜନା ମାଧ୍ୟମରେ ଅତିଥି ପରିଚୟ,ମଞ୍ଚ ପରିଚାଳନା ଓ ଶେଷରେ ଧନ୍ୟବାଦ ଅର୍ପଣ କରିଥିଲେ ।(ପରମେଶ୍ୱର ମେହେର)