16-Jan-2025

(ଡୋଲେଶ୍ଵର  ବାଗ )
ରାଜା ଆର୍ତ୍ତତ୍ରାଣ ସରକାରୀ ଉଚ୍ଚ ବିଦ୍ୟାଳୟ  ଓ ସରକାରୀ ବାଳିକା ଉଚ୍ଚ ବିଦ୍ୟାଳୟର ୪୩ତମ ମିଳିତ ବାର୍ଷିକ କ୍ରୀଡ଼ା  ଉଦଘାଟିତ ହୋଇଯାଇଛି । ଅନୁଷ୍ଠିତ ସଭାରେ ରାଜା ଆର୍ତ୍ତତ୍ରାଣ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୋଷ କୁମାର ସାହୁ ଅଧ୍ଯକ୍ଷତା କରିଥିବା ବେଳେ ମୁଖ୍ୟ ଅତିଥି ଭାବରେ ଖଡ଼ିଆଳ ପଞ୍ଚାୟତ ସମିତି ଅଧ୍ୟକ୍ଷା ପୁଷ୍ପାଞ୍ଜଳି ନନ୍ଦ, ସମ୍ମାନିତ ଅତିଥି ଭାବରେ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ମହେଶ କୁମାର ଦଣ୍ଡସେନା , ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଗୀତାରାଣୀ ଯୋଷୀ , ସାଙ୍ଗଠନିକ ସଂପାଦକ ଗୌରୀ ଶଙ୍କର ଦୁବେ , ଉଭୟ ବିଦ୍ୟାଳୟର ପରିଚାଳନା କମିଟି ଅଧ୍ଯକ୍ଷ ସମ୍ରାଟ ପାତ୍ର ଓ ନରୋତ୍ତମ ସିଂହ ଠାକୁର ମଞ୍ଚାସୀନ ରହି  ଶାରୀରିକ ଶିକ୍ଷାର ଗୁରୁତ୍ୱ ସଂପର୍କରେ ଛାତ୍ର ଛାତ୍ରୀ ମାନଙ୍କୁ  ଉଦବୋଧନ ଦେଇଥିଲେ। ଶିକ୍ଷକ ଗୌରାଙ୍ଗ କୁମାର ସାହୁ ମଞ୍ଚ ପରିଚାଳନା କରିଥିବାବେଳେ ଯୁଗ୍ମ ସାଂଗଠନିକ ସଂପାଦକ ପ୍ରଣବ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ। ପ୍ରାରମ୍ଭରେ ଶାରୀରିକ ଶିକ୍ଷା ଶିକ୍ଷକ ରତନ ସିଂ ବାରିକ , କୃପାସିନ୍ଧୁ ମେହେର ,  ଶିକ୍ଷକ ଧନଞ୍ଜୟ ଦଣ୍ଡସେନା ଓ ଗଜିନ୍ଦ୍ର ହରିଜନଙ୍କ ନେତୃତ୍ୱରେ ମଶାଲ ଯାତ୍ରା ମା ସମଲେଶ୍ବରୀଙ୍କ ପୀଠରୁ ଆଣି ପଡିଆରେ ସ୍ଥାପନ କରିଥିଲେ। ଦୁଇ ଦିନ ବ୍ୟାପୀ କ୍ରୀଡା ଉତ୍ସବ ଅନୁଷ୍ଠିତ ହେବ।