16-Jan-2025

ସୋନପୁର, ତା. ୧୬/୦୧ ( ପ୍ରେରଣା ଖବର)  : ଜାତୀୟ ରାଜପଥ-୨୬ ରେ ସକାଳ ସମୟରେ  ଡୁଙ୍ଗୁରିପାଲି  ଆରଏମସି ଛକ ପାଖରେ ମହୁଳପଲି ଗ୍ରାମର  ଅଶୋକ ପ୍ରଧାନ  (୫୩ ବର୍ଷ ବ) ଏକ ଦ୍ରୁତ ଗତିରେ ଥିବା ମଟରସାଇକେଲ ଧକ୍କାରେ ରାସ୍ତା ମଝିରେ ଗୁରୁତର  ଅବସ୍ଥାରେ ପଡିଯାଇଥିଲେ  । ସେହି ରାସ୍ତା ଦେଇ ମାୟାବର୍ହା ବିଦ୍ୟାଳୟକୁ ଯାଉଥିବା ରେଡକ୍ରସ କର୍ମୀ ତଥା ରକ୍ଷକ ଟ୍ରେନର ମାଷ୍ଟର ରବିଚନ୍ଦ୍ର ପାଶୟତ , ରାମ ନାରାୟଣ ଦାଶ, ପ୍ରଭାକର ଛାନ୍ଦ ଘଟଣା ସ୍ଥଳକୁ ଯାଇ ପ୍ରଥମେ ପ୍ରାଥମିକ ସହାୟତା ଦେବା ସହ ଆମ୍ବୁଲାନ୍ସ ସେବା  ପାଇଁ କଲ  କରିଥିଲେ  । ଆମ୍ବୁଲାନ୍ସ ଆସିବାର  ବିଳମ୍ବିତ ଯୋଗୁଁ ରବିଚନ୍ଦ୍ର ପାଶୟତ   ନିଜ ଗାଡ଼ିରେ ଉପସ୍ଥିତ ବ୍ୟକ୍ତି ବିଶେଷ ସହଯୋଗରେ ଦୁର୍ଘଟଣା ଆଘାତ ବ୍ୟକ୍ତିକୁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଡୁଙ୍ଗୁରିପାଲି ଡାକ୍ତରଖାନାକୁ ନେଇଥିଲେ । ଡ଼ାକ୍ତରୀ ଚିକିତ୍ସା ସମୟରେ ପରିବାର  ତଥା ସମ୍ପର୍କକୀୟ ଆସି ପହଁଚି ଥିଲେ । ଖବର ଲେଖା ବେଳକୁ ଉତ୍ତମ ଚିକିତ୍ସା ପାଇଁ ଆଘାତ ବ୍ୟକ୍ତିକୁ ବୁର୍ଲା ଡାକ୍ତରଖାନା ସ୍ଥାନାନ୍ତରିତ କରାଯାଇଛି  ।