16-Jan-2025

ଫୁଲବାଣୀ(ପ୍ରେରଣା ଖବର): କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଶିକ୍ଷା ବିଭାଗ ଅଧୀନରେ ଥିବା ଗୋଛାପଡା ପଂଚାୟତ ଅନ୍ତର୍ଗତ ପିପଲ ମାଳା ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ସୁକାନ୍ତ କୁମାର ବେହେରା ଙ୍କ ଜୀବନ ପ୍ରତି ବିପଦ ଥିବା ଆଶଙ୍କା କରି ସେ ସଂନିକଟ ଫୁଲବାଣୀ ବ୍ଲକ କୁ ବ୍ଲକ ଶିକ୍ଷା ଅଧିକାରୀ ଫିରିଙ୍ଗିଆ ଙ୍କ ଜରିଆରେ ଜିଲ୍ଲା ଶିକ୍ଷା ଅଧିକାରୀ କନ୍ଧମାଳ ଙ୍କ ନିକଟରେ ଆବେଦନ କରିଥିଲେ  ବହୁଥର ଯାଇ ପ୍ରତକ୍ଷ୍ୟ ଭାବେ ନିଜର ବ୍ୟକ୍ତିଗତ ଅସୁବିଧା ଥିବା ଯୋଗୁଁ ତାଙ୍କୁ ଅନ୍ୟତ୍ର ବଦଳି କରାଯିବା ପାଇଁ ବିନମ୍ର ଅନୁରୋଧ କରିଥିଲେ | ହେଲେ  ଜିଲ୍ଲା ଶିକ୍ଷା ଅଧିକାରୀ ପ୍ରଧାନ ଶିକ୍ଷକ ସୁକାନ୍ତ କୁମାର ବେହେରାଙ୍କ ଆବେଦନ କୁ ଅଣଦେଖା କରି ଥିଲେ, ଯାହା ଫଳରେ ପ୍ରଧାନ ଶିକ୍ଷକ ଜଣକ ନିଜ ଭବିଷ୍ୟତ ଜୀବନର ସୁରକ୍ଷା ପାଇଁ ଗତ ତା,୧୩/୦୧/୨୦୨୫ ରୁ ଆଜିକି ଚାରି ଦିନ ହେଲାଣି ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ସଂମ୍ମୁଖରେ ଦିବା ରାତ୍ର ଆମରଣ ଅନଶନ ରେ ବସିଥିବା ଦେଖିବାକୁ ମିଳିଛି |

        ପ୍ରଧାନ ଶିକ୍ଷକ ସୁକାନ୍ତ କୁମାର ବେହେରାଙ୍କ ଅଭିଯୋଗ ସୂଚନା ପ୍ରକାରେ ଉକ୍ତ ବିଦ୍ୟାଳୟ ର ପୂର୍ବତନ ପ୍ରଧାନ ଶିକ୍ଷକ ଟୁଟୁ ଦିଗାଲ ତାଙ୍କୁ ଜୀବନରେ ମାରିଦେବା ପାଇଁ ଧମକ ଚମକ ଦେଉଥିବାଯୋଗୁଁ ସେଇ ଶିକ୍ଷାନୁଷ୍ଠାନ ରେ ସୁଚାରୁରୂପେ କାର୍ଯ୍ୟ କରିବା ନିରାପଦ ନୁହଁ ଓ ତାଙ୍କ ଜୀବନ ପ୍ରତି ବିପଦ ଆଶଙ୍କା କରି ସେ ଅନ୍ୟତ୍ର ବଦଳି ପାଇଁ ବ୍ଲକ ଶିକ୍ଷା ଅଧିକାରୀ ଫିରିଙ୍ଗିଆ ଓ ଜିଲ୍ଲା ଶିକ୍ଷା ଅଧିକାରୀ କନ୍ଧମାଳ ଙ୍କ ନିକଟରେ ଆବେଦନ କରିଥିଲେ, ଏବଂ ଫିରିଙ୍ଗିଆ ବ୍ଲକ ଶିକ୍ଷା ଅଧିକାରୀ ପ୍ରଧାନ ଶିକ୍ଷକ ଙ୍କ ଆବେଦନ ଉପରେ ତଦନ୍ତ କରି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ମଧ୍ୟ୍ୟ ଜିଲ୍ଲା ଶିକ୍ଷା ଅଧିକାରୀଙ୍କୁ ତଦନ୍ତ ରିପୋର୍ଟ ପ୍ରଦାନ କରିଛନ୍ତି ଓ ଜିଲ୍ଲା ଶିକ୍ଷା ଅଧିକାରୀ ତାଙ୍କ ପ୍ରତି ଅନ୍ୟାୟ କରି ବଦଳି କରୁନ ଥିବା ଅଭିଯୋଗ କରି ଶେଷରେ ସେ ବାଧ୍ୟ ହୋଇ ଆମରଣ ଅନଶନ କରିଥିବା ଗଣ ମାଧ୍ୟମ ନିକଟରେ ପ୍ରକାଶ କରିଛନ୍ତି | ପ୍ରଧାନ ଶିକ୍ଷକ ଙ୍କ ଆମରଣ ଅନଶନ କରୁଥିବା ବିଷୟରେ ଜିଲ୍ଲା ଶିକ୍ଷା ଅଧିକାରୀ ଶ୍ରୀ ପ୍ରମୋଦ କୁମାର ଷଡ଼ଙ୍ଗୀ ଙ୍କ ସହିତ ସାକ୍ଷାତ କରି ପଚାରିବାରୁ ସେ କହିଥିଲେ କି, ଆମେ ପ୍ରଧାନ ଶିକ୍ଷକ ସୁକାନ୍ତ କୁମାର ବେହେରା ଙ୍କୁ ଅନଶନ ନ କରିବା ପାଇଁ ବହୁତ ବୁଝାଇଥିଲୁ, ଆଗରେ ପିଲାଙ୍କ ପରୀକ୍ଷା ଥିବାରୁ ବର୍ତ୍ତମାନ କାହାକୂ ଅନ୍ୟତ୍ର ବଦଳି ନ କରିବା ପାଇଁ ଜିଲ୍ଲାପାଳ କନ୍ଧମାଳମନା କରିଛନ୍ତି, ତେଣୁ ପରୀକ୍ଷା ପରେ ପ୍ରଧାନ ଶିକ୍ଷକ ଙ୍କ ବଦଳି କରାଯିବା ପାଇଁ ଜିଲ୍ଲା ପାଳ ଙ୍କୁ ଅନୁରୋଧ କରିବେ ବୋଲି ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଷଡ଼ଙ୍ଗୀ ତାଙ୍କ ପ୍ରତିକ୍ରିୟାରେ ପ୍ରକାଶ କରିଥିଲେ ଓ ତାଙ୍କୁ ଅନଶନ ରୁ ଉଠିଯିବାକୁ ଅନୁରୋଧ କରିଥିଲେ ବୋଲି ମଧ୍ୟ୍ୟ କହିଥିଲେ |  

      ହେଲେ  ପ୍ରଧାନ ଶିକ୍ଷକ ସୁକାନ୍ତ କୁମାର ବେହେରାଙ୍କ ଅନ୍ୟତ୍ର ବଦଳି ଆବେଦନ କୁ ଜିଲ୍ଲା ଶିକ୍ଷା ଅଧିକାରୀ ସମ୍ପୂର୍ଣ୍ଣ ଅଣଦେଖା କରି ମୋ ପ୍ରତି ଅନ୍ୟାୟ କରୁଥିବା କହିଛନ୍ତି ଅନଶନ ରେ ବସିଥିବା ପ୍ରଧାନ ଶିକ୍ଷକ, ଜିଲ୍ଲା ଶିକ୍ଷା ଅଧିକାରୀ ନିକଟ ଅତୀତରେ ଦାରିଙ୍ଗବାଡି ବ୍ଲକ ରୁ ଦୁଇଜଣ ଶିକ୍ଷକ ଙ୍କୁ କେମିତି ବଦଳି କରି ଆଣିଛନ୍ତି ବୋଲି ଅନ୍ୟ ଶିକ୍ଷକ ମାନେ ମଧ୍ୟ୍ୟ ନିଜ ନିଜ ପ୍ରତିକ୍ରିୟାରେ କହିଛନ୍ତି ଯେ ସୁକାନ୍ତ କୁମାର ବେହେରା ଙ୍କ ପ୍ରତି ଜିଲ୍ଲା ଶିକ୍ଷା ଅଧିକାରୀ ଅନ୍ୟାୟ କରୁଛନ୍ତି ବୋଲି | ଜାଡରେ କନ୍ଧମାଳ ଜିଲ୍ଲା ଥରୁଥିବା ବେଳେ ଆମରଣ ଅନଶନ ରେ ବସିଛନ୍ତି ପ୍ରଧାନ ଶିକ୍ଷକ, ହେଲେ ଦେଖାଯାଉ କେବେ ତାଙ୍କର ଅନ୍ୟତ୍ର ବଦଳି ଦାବୀକୁ ପୂରଣ କରୁଛନ୍ତି ଜିଲ୍ଲା ଶିକ୍ଷା ଅଧିକାରୀ ନା ତାଙ୍କୁ ପୋଲିସ ଲଗେଇ ଜୋର ଜବରଦସ୍ତ ଅନଶନ ରୁ ଉଠେଇବାକୁ ଚେଷ୍ଟା କରିବେ, ତାହା ଆଗାମୀ ଦିନରେ ଜଣାପଡିବ, ଆମରଣ ଅନଶନ ପରି ଏକ ସମ୍ବେଦନ ଶିଳ ଘଟଣା ରେ ତୁରନ୍ତ ଜିଲ୍ଲାପାଳ କନ୍ଧମାଳ ହସ୍ତ କ୍ଷେପ କରିବାକୁ ଶିକ୍ଷକ ସମାଜ ଓ ବୁଦ୍ଧିଜୀବୀ ମହଲରେ ଆଲୋଚନା ହେଉଥିବା ଦେଖିବାକୁ ମିଳିଛି | ଆଉ ଏକ ବଡ଼ କଥା ହେଉଛି ପ୍ରଧାନ ଶିକ୍ଷକଙ୍କ ଅନ୍ୟତ୍ର ବଦଳି କରିବା ପାଇଁ କନ୍ଧମାଳ ମାନ୍ୟବର ସାଂସଦ ଶ୍ରୀ ସୁକାନ୍ତ କୁମାର ପାଣିଗ୍ରାହୀଙ୍କ ସୁପାରିଶ କୁ ମଧ୍ୟ୍ୟ ଜିଲ୍ଲା ଶିକ୍ଷା ଅଧିକାରୀ ଅଗ୍ରାହ୍ୟ କରିଥିବା ବର୍ତ୍ତମାନ ବାହାରେ ବେଶ ଚର୍ଚ୍ଚାର ଖୋରାକ ଯୋଗାଉଛି, ଯେ ଜିଲ୍ଲା ଶିକ୍ଷା ଅଧିକାରୀ ଏମପି ଙ୍କ କଥାକୁ ଵି ମାନୁନାହାନ୍ତି ବୋଲି, ଦେଖାଯାଉ ମାନ୍ୟବର ସାଂସଦ ଏହା ଉପରେ କିଭଳି ପଦକ୍ଷେପ ଗ୍ରହଣ କରୁଛନ୍ତି ତାହା ଵି ଦେଖିବାକୁ ବାକି ରହିଲା |