11-Jan-2021

ବଲାଙ୍ଗୀର,(ପ୍ରେରଣା ଖବର): କୋଭିଡ କଟକଣା  ଯୋଗୁଁ ଏଚ ଆଇ ଭି/ ଏଡ୍ସ ର ଶିକାର ଅକ୍ରାନ୍ତ ଅକଥନୀୟ ଦୁର୍ଦଶା ର ଶିକାର ହେବ ସହ ଜଣେ ପରେ ଜଣେ ବିଭିନ୍ନ କାରଣ ରୁ ଓ ବିଶେଷ କରି ଏ ଆର ଟି ଔଷଧ ସେବନ କରି ନ ପାରି ମୃତ୍ୟୁ ବରଣ କରିବାକୁ ବାଧ୍ୟ ହେଉଛନ୍ତି ।  ପ୍ରକାଶ ଯେ, ଅନେକ ଅକ୍ରାନ୍ତ ହୋଇ ସୁଦ୍ଧା ଏହି ଏ ଆରଟି ଔଷଧ ସେବନ କରିପାରୁନାହାନ୍ତି । ସେହିପରି ନୂତନ ଅକ୍ରାନ୍ତ ଥିବା ସଂକ୍ରମିତ ଏହି ଔଷଧ ସେବନ କରିବେ କିପରି ଜାଣି ନ ପାରି ନିଜ ଭାଗ୍ୟ କୁ ଆଦରି ମରଣ କୁ ଅପେକ୍ଷା କରିବା ସହ ଅନ୍ୟ କିଛି ଉପାୟ ପାଇପାରୁ ନାହାନ୍ତି ।ସରକାରୀ ଭାବେ ଏହି ଅକ୍ରାନ୍ତ ଙ୍କୁ ଅନ୍ତଦୋୟ ଅନ୍ନ ଯୋଜନା ,ଟ୍ରେନ, ବସ ରେ ପାସ ତଥା ମାସିକ ଭତା ଟଙ୍କା ସରକାର ପ୍ରଦାନ କରିଛନ୍ତି । ଏହି ସବୁ ନିୟମ ଏହି ଜିଲ୍ଲାରେ କାର୍ଯ୍ୟକାରୀ କରିବା ନିମନ୍ତେ କେତେକ ଘରୋଇ ଏନ ଜି ଓ କୁ ଦୀର୍ଘ ବର୍ଷ ଧରି ଦାଇତ୍ଵ ପ୍ରଦାନ କରିଥିଲେ ସୁଦ୍ଧା,ସେ ସବୁ କେବଳ କାଗଜ କଲମରେ କାର୍ଯ୍ୟକାରି କରାଯାଉଛି । ସେହିପରି ଅନେକ ଏହି ଭୁତାଣୁ କଣ ବର୍ତ୍ତମାନ ସୁଦ୍ଧା ଜାଣି ପାରି ନାହାନ୍ତି । ସୂଚନାଯୋଗ୍ୟ, ଇତି ମଧ୍ୟରେ ମାତ୍ର ତିନି ମାସ ରେ ୧୩ ଜଣ ଅକ୍ରାନ୍ତ ଏଡ୍ସରେ ଶୋଚନୀୟ ମୃତ୍ୟୁ ବରଣ କରିଥିବା ବେଳେ ତାଙ୍କ ପରିବାରର ଅନ୍ୟ ସଦସ୍ୟ ସଦସ୍ୟା ଏବଂ ସନ୍ତାନଙ୍କ ଉପଯୁକ୍ତ ସମୟରେ ଚିକିତ୍ସା କରାଇବା ନିତାନ୍ତ ଜରୁରୀ ହୋଇଥିବା ବେଳେ ଉକ୍ତ ଦାୟିତ୍ୱ ରତ ଅଧିକାରୀ ଓ ଏନ ଜି ଓ କର୍ମଚାରୀ ନିରବଦ୍ରଷ୍ଟା ରହି ଦାଇତ୍ୱ ସମ୍ପନ୍ନ କରି ଲକ୍ଷଲକ୍ଷ ଟଙ୍କା ହରିଲୁଟ କରାଯିବା ପରି ଗୁରୁତର ଅଭିଯୋଗ ହୋଇଆସୁଛି । ଏ ନେଇ ବିଭାଗୀୟ ଉଚ୍ଚ ଶାସନ ସଚିବ ତୁରନ୍ତ ଦୃଷ୍ଟି ଦେବାକୁ ବିଭିନ୍ନ ମହଲରେ ଦାବି ପ୍ରକାଶ ପାଉଛି ।