25-Dec-2024

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ବେଶ୍ ପରିଚିତ ଥିବାବେଳେ ବର୍ତ୍ତମାନ ଦାଦନ ଚାଲାଣ ଜୋର ସୋର ରେ ଚାଲିଛି। ଦାଦନ ଶ୍ରମିକ ଚାଲାଣ ଏତେ ଯେ ବୃଦ୍ଧି ପାଇଛି ପଡୋଶୀ ଜିଲ୍ଲା ଯାହାକି ନୂଆପଡ଼ା,କଲାହାଣ୍ଡି, ସୋନପୁର, ବରଗଡ଼ ଜିଲ୍ଲାରୁ ଦାଦନ ଶ୍ରମିକ ଆଣି ବଲାଙ୍ଗିର ଜିଲ୍ଲାର ସର୍ଦ୍ଦାର ମାନେ ଚାଲାଣ କରୁଛନ୍ତି।ଶ୍ରମ ବିଭାଗ ପାଖରେ ପଞ୍ଜିକୃତ ସର୍ଦ୍ଦାର ସଂଖ୍ୟା କମ୍ ଥିବାବେଳେ ସର୍ବାଧିକ ସର୍ଦ୍ଦାର ସ୍ଥାନୀୟ ପୋଲିସ କୁ ହାତକରି ବେଆଇନ ଭାବେ ଚାଲାଣ କରୁଛନ୍ତି। ବଲାଙ୍ଗିର ଜିଲ୍ଲାର ଦାଦନ ଗଡ଼ ର ରାଜଧାନୀ କୁହାଯାଉଥିବା କଣ୍ଟାବାଞ୍ଜି ରେଲୱେ ଷ୍ଟେସନ ରେ ପ୍ରତିଦିନ ହଜାର ହଜାର ସଂଖ୍ୟାରେ ଦାଦନ ଚାଲାଣ କରାଯାଉଛି କିନ୍ତୁ କଣ୍ଟାବାଞ୍ଜି ଥାନା ପୋଲିସ ଓ ରେଲୱେ ପୋଲିସ ମୋଟା ଅଙ୍କର ପାଉଣା ନେଇ ଚୁପ୍ ବସିଥିବା ସାଧାରଣ ରେ ଚର୍ଚ୍ଚା ହେଉଛି।ଇତି ମଧ୍ୟରେ ବଲାଙ୍ଗିର ପୋଲିସ ପ୍ରଶାସନ ମଧ୍ୟରେ ତୁରେକେଲା ଥାନା ଅଧିକାରୀ ରମାକାନ୍ତ ସାହୁ ୧୫ ଥର ଦାଦନ ଶ୍ରମିକ ଉଦ୍ଧାର କରି ପ୍ରଥମ ସ୍ଥାନ ଅଧିକାର କରିଛନ୍ତି। ଦ୍ବିତୀୟ ରେ ବେଲ ପଡ଼ା ଥାନା ଅଧିକାରୀ ଅନନ୍ତ ପ୍ରଧାନ ଦାଦନ ଶ୍ରମିକ ଉଦ୍ଧାର କରି ନାଁ ରଖିଛନ୍ତି। ତୃତୀୟ ରେ ଖପ୍ରାଖୋଲ ଥାନା ଅଧିକାରୀ ନରେନ୍ଦ୍ର ଛତର ଦାଦନ ଶ୍ରମିକ ଉଦ୍ଧାର କରିବାରେ ସକ୍ଷମ ହେଇଛନ୍ତି । ଚତୁର୍ଥ ସ୍ଥାନରେ  ଲାଠୋର ଥାନା ଅଧିକାରୀ ରାକେଶ କୁମାର ବେହେରା ଦାଦନ ଶ୍ରମିକ ଉଦ୍ଧାର ମିଶନ ରଖିଛନ୍ତି। ପଞ୍ଚମରେ କଣ୍ଟାବାଞ୍ଜି ପୋଲିସ ରହିଛି ଯାହାକି ଆକଳନ କଲେ କଣ୍ଟାବାଞ୍ଜି ପୋଲିସ ପ୍ରଥମ ସ୍ଥାନ ଅଧିକାର କରିବା କଥା ଯେହେତୁ କଣ୍ଟାବାଞ୍ଜି ରେଲୱେ ଷ୍ଟେସନ ହେଉଛି ସର୍ଦ୍ଦାର ଙ୍କ ପେଣ୍ଠସ୍ଥଳୀ। ସୂଚନା ଅନୁସାରେ ୨୨/୧୨/୨୪ ରେ ନୂଆପଡ଼ା ଜିଲ୍ଲାର ତଳକୋଟ ଗାଁ ସର୍ଦ୍ଦାର ଭଜନ ମାଝୀ ଓ ସହଯୋଗୀ ନୂଆପଡ଼ା ଜିଲ୍ଲା ସିନାପାଲି ଥାନା ମାଲପଡା ଗାଁ ର ଡାଇମଣ୍ଡ ମାଝୀ ସୁଦୁର ରାଜ୍ୟ ଛତିଶଗଡ଼ ଗରିଆବନ୍ଦ ରୁ ୧୦ ଜଣ ଶ୍ରମିକଙ୍କୁ ଆଣୁଥିବା ସମୟରେ ତୁରେକେଲା ଥାନା ବଡ଼ ଡକଲା ଗାଁ ଠାରେ ଧରାପଡିଥିଲେ। ଉଭୟ ଙ୍କ ନାଁ ରେ ତୁରେକେଲା ଥାନା କେଶ୍ ନମ୍ବର ୩୮୯ ତା.୨୨.୧୨.୨୪ ୟୁ ଏସ ୩୧୮ (୨)/୧୪୩/୧୪୬ ବି ଏନ୍ ଏସ ଆର୍ ଡବ୍ଳୁ ସେକ୍ସନ ୨୫ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିଲା। ପୁଣି ୨୩/୧୨/୨୪ ରେ ତୁରେକେଲା ଥାନା କୁଶପାଳି ଗାଁ ର ସର୍ଦ୍ଦାର ଗୋକୁଳ ମେହେର (୪୦) ୧୨ ଜଣ ଦାଦନ ଶ୍ରମିକ ଙ୍କୁ ବେଆଇନ ଭାବେ ଚାଲାଣ କରୁଥିବା ବେଳେ ମହୁଳପାଟି ଠାରେ ତୁରେକେଲା ପୋଲିସ ଦ୍ବାରା ଧରାପଡିଥିଲା। ଉକ୍ତ ସର୍ଦ୍ଦାର ନାଁ ରେ ତୁରେକେଲା ଥାନା କେଶ୍ ନମ୍ବର ୩୯୦ ତା.୨୩.୧୨.୨୦୨୪ ୟୁ ଏସ ୩୧୮(୨)/୧୪୩/୧୪୬ ବି ଏନ୍ ଏସ ଆର୍ ଡବ୍ଳୁ ଧାରା ୨୫ ରେ ଗୋକୁଳ ମେହେର କୁ କୋର୍ଟ ଚାଲାଣ କରାଯାଇଛି।ଆଜି ପୁଣି ଥରେ ନୂଆପଡ଼ା ଜିଲ୍ଲା ସିନାପାଲି ଥାନା ଟିମନପୁର ଗାଁ ର ସର୍ଦ୍ଦାର ଲେବନୀ ସୁନାନୀ (୪୪) ଏବଂ ସହଯୋଗୀ ଲିଙ୍ଗେଶ୍ବର ଦଣ୍ଡସେନା (୨୭) ନୂଆପଡ଼ା ଜିଲ୍ଲା ସିନାପାଲି ଥାନା ମହେଶ୍ବର ଗାଁ ର ୨୫ ଜଣ ଦାଦନ ଶ୍ରମିକ ଙ୍କୁ ଚାଲାଣ କରିବା ପାଇଁ ଆଣୁଥିବା ବେଳେ ତୁରେକେଲା ଥାନା ପଖନମୁଣ୍ଡା ଗାଁ ଠାରେ ତୁରେକେଲା ପୋଲିସ ଧରିଥିଲେ। ଦାଦନ ଶ୍ରମିକ ଙ୍କ ମଧ୍ୟରେ ୧୦ ଜଣ ପୁରୁଷ,୧୧ ଜଣ ମହିଳା ଓ ୪ ଟି ଶିଶୁ ଥିବା ବେଳେ ଉକ୍ତ ସର୍ଦ୍ଦାର ଦ୍ବୟର ନାଁ ରେ ତୁରେକେଲା ଥାନା କେଶ୍ ନମ୍ବର ୩୯୧ ତା.୨୪/୧୨/୨୪ ୟୁ ଏସ ୩୧୮(୨)/୧୪୩/୧୪୬(୩(୫) ବି ଏନ୍ ଏସ/ ଆର୍ ଡବ୍ଳୁ ସେକ୍ସନ ୨୫ ଧାରା ୧୯୭୯ ଧାରା ଅନୁସାରେ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି। ରମାକାନ୍ତ ସାହୁ ଙ୍କ ଭଳି ସମସ୍ତ ଅଧିକାରୀ ଯଦି ସଚ୍ଚୋଟ ଭାବେ ଦାଦନ ଶ୍ରମିକ ଉଦ୍ଧାର କରନ୍ତେ ତାହେଲେ ବଲାଙ୍ଗିର ପୋଲିସ ପ୍ରଶାସନ ର ମିଶନ ଉଦ୍ଧାର କାର୍ଯ୍ୟକ୍ରମ ର ସଫଳ ରୂପାୟନ ହୁଅନ୍ତା ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।