25-Dec-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ଉମା ପ୍ରାଥମିକ କୃଷି ସମବାୟ ସମିତି ଅଧିନ ଖୁଣ୍ଟିଗୋରା ମଣ୍ତିଠାରେ ଖରିଫ ଋତୁ ନିମନ୍ତେ ଧାନକ୍ରୟ ଶୁଭାରମ୍ଭ ହୋଇଯାଇଛି । ପେକ୍ସ ସଂପାଦକ ସନ୍ତୋଷ ରାଉତଙ୍କ ତତ୍ତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଉଡେର ଗ୍ରାମର ଗୌନ୍ତିଆ ପିତାମ୍ବର ଭୋଇ ନଡିଆ ଭାଙ୍ଗି ଧାନମଣ୍ଡି ଶୁଭାରମ୍ଭ କରିଥିଲେ । ଏହି ଅବସରରେ ଧାନର ଉଚିତ ମୂଲ୍ୟ ପାଇବା ପାଇଁ ଏଫଏକ୍ୟୁ ମାନର ଧାନ ମଣ୍ଡିକୁ ଆଣିବା ପାଇଁ ଚାଷୀଙ୍କୁ ପରାମର୍ଶ ଦିଆଯାଇଥିଲା । ସେହିପରି ୨୪ ଘଣ୍ଟା ମଧ୍ୟରେ ଚାଷୀଙ୍କୁ ତାଙ୍କ

ପ୍ରାପ୍ୟ ସିଧାସଳଖ ବ୍ୟାଙ୍କ ଆକାଉଣ୍ଟ ମାଧ୍ୟମରେ ପ୍ରଦାନ କରା ଯିବ ବୋଲି ସ୍ରମ୍ପାଦକ ପ୍ରକାଶ କରିଥିଲେ । ପେକ୍ସ ସଭାପତି କାହ୍ନୁଚରଣ ରାଉତ, ସହକାରୀ ସଂପାଦକ ଯୁଧିଷ୍ଠିର ରଣା, ଡିଇଓ ସମୀର କୁମାର ରାଉତ, ଆରଏମସି କର୍ମଚାରୀ ଶଶିଭୁଷଣ ରଣା ଉପସ୍ଥିତ ଥିଲେ l ଆଜି ପ୍ରଥମ ଦିନରେ ୩ଜଣ ଚାଷୀଙ୍କ ନିକଟରୁ ୧୪୪.୩୩ କ୍ବିଣ୍ଟାଳ ଧାନ କ୍ରୟ କରାଯାଇ ଥିଲା । ଉମା ପେକ୍ପ କର୍ମଚାରୀ ରୋହନ ରଣା ଓ ପ୍ରଶାନ୍ତ କୁମ୍ଭାର କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।