24-Dec-2024

ଜମନକିରା ପୋଲିସ ମାନବିକତା ଦେଖାଇ ଏକ ମାନସିକ ବ୍ୟକ୍ତି କୁ ମୃତ୍ୟୁ ମୁଖରୁ ଉଦ୍ଧାର କରି ସଚେତନ ମହଲରେ ପ୍ରଶଂସନୀୟ ପାଉଛି। ସୂଚନା ଅନୁଯାଇ ଜମନକିରା ଥାନା ଅନ୍ତର୍ଗତ ବଡ଼ରମା ଅଭୟାରଣ୍ୟ ଘଞ୍ଚ ପାହାଡ଼ ଭିତରେ ଥିବା ପଥୁରିଆ ଗ୍ରାମରୁ ଜଣେ ମାନସିକ ବିକୃତ ବ୍ୟକ୍ତିଙ୍କୁ ଉଦ୍ଧାର କରିଛି। ଉକ୍ତ ବ୍ୟକ୍ତି ଜଣକ ପଥୁରିଆ ଗ୍ରାମରେ ରାତିରେ ଏଣେ ତେଣେ ବୁଲୁଥିବାରୁ ଗ୍ରାମରେ ଭୟର ବାତାବରଣ ସୃଷ୍ଟି ହୋଇଥିଲା। ଏହାକୁ ଦେଖି ଗ୍ରାମବାସୀ ବ୍ୟକ୍ତି କୁ ଶିଶୁ ଚୋର ଭାବି ଜମନକିରା ଥାନା କୁ ସୋମବାର ରାତିରେ ଜଣାଇଥିଲେ। ଜମନକିରା ଆଇ.ଆଇ.ଶୀ ପଦ୍ମାଳୟା ସାହୁଙ୍କ ନେତୃତ୍ୱ ରେ ଏକ ଟିମ ଘଟଣା ସ୍ଥଳକୁ ପହଞ୍ଚି ଥିଲେ ହେଲେ ଘଟଣା ସ୍ଥଳକୁ ପହଂଚି ସେଠାରେ ଦେଖିବାକୁ ପାଇଲେ ଯେ ଘଟଣା ପୁରା ଭିନ୍ନ ଓ ବ୍ୟକ୍ତି ଜଣକ କୌଣସି ଚୋର ନୁହେଁ ସେ ଜଣେ ମାନସିକ ବିକୃତ ବ୍ୟକ୍ତି।  ଉକ୍ତ ଗ୍ରାମଟି ଘଞ୍ଚ ଜଙ୍ଗଲ ରେ ଥିବାରୁ ସେଠାରେ ପ୍ରତିଦିନ ହାତୀ ଉପଦ୍ରଵ ହେଉଛି ଓ ଉକ୍ତ ସମୟରେ ମଧ୍ୟ ଗ୍ରାମର ପାଖରେ ୩୦ ପଲ ହାତୀ ମାନେ ବୁଲୁଥିବା ଓ ବନ ବିଭାଗ ତାଙ୍କୁ ଘଉଡ଼ାଉ ଥିବା ଜାଣିବାକୁ ପାଇଥିଲେ ଏଭଳି ପରିସ୍ଥିତିରେ ରାତ୍ରି ପ୍ରାୟ ୧୦ ଟାରେ ଘଞ୍ଚ

ଜଙ୍ଗଲରେ ଉକ୍ତ ବ୍ୟକ୍ତି କୁ ଛାଡିବା ଠିକ ନ ଭାବି ସାହସ ସହିତ ହାତୀକୁ ଭୟ ନ କରି ଉକ୍ତ ବ୍ୟକ୍ତିକୁ ଜମନକିରାକୁ ନେଇ ଆସିଥିଲେ। ବ୍ୟକ୍ତି କୁ ଜମନକିରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ଓ ଜମନକିରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଡାକ୍ତର ସିଦ୍ଧାର୍ଥ ବେହେରା ଙ୍କୁ ଫୋନ କରି ଘଟଣା ସମ୍ପର୍କ ରେ ଜଣାଇ ବ୍ୟକ୍ତି ର ପ୍ରାଥମିକ ଚିକିତ୍ସା କରିବାକୁ କହିଥିଲେ ଯାହାର ଉତ୍ତରରେ ଶ୍ରୀ ବେହେରା ମୋ ଦେହ ଖରାପ ଅଛି କହି ଫୋନ ଅଫ କରିଦେଇଥିଲେ। ପରେ ଉକ୍ତ ବ୍ୟକ୍ତି କୁ ଦୁଇ ଜଣ ଜଗୁଆଳି ସହିତ ସେଠାରେ ରଖି ମଙ୍ଗଳବାର ଦିନ ସମ୍ବଲପୁର ଡ଼ି.ଏସ.ଏସ.ଓ ଙ୍କ ସାହାଯ୍ୟରେ ଥଇଥାନ କରାଯାଇଥିଲା।
(ଜମନକିରାରୁ ନଗମା ବେଗମ ଙ୍କ ରିପୋର୍ଟ)