21-Dec-2024

ଅତାବିରା(ଆକାଶ ମିଶ୍ର): ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶ କ୍ରମେ ଅତାବିରା ମହାବିଦ୍ୟାଳୟରେ ୨୦ ଦିନ ଧରି  ଚାଲିଥିବା ଯୁକ୍ତ ତିନି ପ୍ରଥମ ବର୍ଷ ର ଛାତ୍ରୀମାନଙ୍କ ପାଇଁ ଆତ୍ମ ସୁରକ୍ଷା ତାଲିମ ଶିବିର  ଆଜି ଉଦଯାପିତ ହୋଇଯାଇଛି । ମହାବିଦ୍ୟାଳୟ ର ଅଧ୍ୟକ୍ଷ ଅଶ୍ଵିନୀ କୁମାର ପ୍ରଧାନ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଟିତ ହୋଇଥିବା ଏହି

ତାଲିମ୍ କାର୍ଯ୍ୟକ୍ରମ ର ଉଦଯାପନୀ ଅବସରରେ  ଅତାବିରା ସି ଡି ପି ଓ ଉର୍ମିଳା ପରିଡ଼ା  ମୁଖ୍ୟ ଅତିଥି ଭାବରେ ଯୋଗ ଦେଇ ଯୌନ ନିର୍ଯ୍ୟାତନା  ଉପରେ  ଆଲୋକପାତ କରିଥିଲେ । ମାଙ୍ଗଲିକା ଦାଶ ମୁଖ୍ୟ ବକ୍ତା ଭାବରେ ଯୋଗ ଦେଇ ଛାତ୍ରୀ ମାନଙ୍କୁ  ଯୌନ ନିର୍ଯ୍ୟାତନା ଏବଂ ତାର ନିରାକରଣ ଦିଗ ଉପରେ ପାୱାର ପଏଣ୍ଟ ମାଧ୍ୟମରେ ସୂଚନା ପ୍ରଦାନ କରିଥିଲେ ।ମାଷ୍ଟର ଟ୍ରେନର ଭାବରେ ସନେନା ବେସ୍ରା ତାଲିମ ପ୍ରଦାନ କରିଥିଲେ। ସାଂପ୍ରତିକ ପରିସ୍ଥିତିରେ ଝିଅ ମାନେ ନିଜର ସୁରକ୍ଷା ପାଇଁ ଆତ୍ମ ସୁରକ୍ଷା କୌଶଳ ଶିକ୍ଷାଲାଭ କରି ମାନସିକ ଓ ଶାରିରୀକ ସ୍ତରରେ ବଳଶାଳୀ ହୋଇ ନିଜେ ନିଜର ରକ୍ଷକ ସାଜି ପାରିବା ରେ ସକ୍ଷମ ହୋଇପାରିବେ ବୋଲି ଏହି ତାଲିମ ପ୍ରଦାନ କରାଯାଇଥିଲା 
। ମହାବିଦ୍ୟାଳୟ ରେ ଅନୁଷ୍ଟିତ ହୋଇଥିବା ଏହି ଛାତ୍ରୀ ଆତ୍ମ ସୁରକ୍ଷା ତାଲିମ ଶିବିରରେ ଯୁକ୍ତ ତିନି ପ୍ରଥମ ବର୍ଷ ର ୨୫୦ ଜଣ ଛାତ୍ରୀ ପ୍ରଶିକ୍ଷଣ ନେଇଥିବା ଜଣାପଡିଛି ।ଏହି ଶିବିରରେ ଆତ୍ମ ସୁରକ୍ଷା ତାଲିମ ଶିବିରରେ ଏରୋବିକ୍ ବ୍ୟାୟାମ ମଧ୍ୟ ସିଖାଯାଇଥିଲା ।  ଏହା ପରେ  ପାଞ୍ଚଟି ଦଳ ରେ ଛାତ୍ରୀ ମାନଙ୍କ ମଧ୍ୟରେ ଏରୋବିକ୍ ବ୍ୟାୟାମ ଉପରେ ପ୍ରତିଯୋଗିତା ହୋଇଥିଲା ।ଏଥିରେ  ପ୍ରଥମ, ଦ୍ଵିତୀୟ  ଓ ତୃତୀୟ ସ୍ଥାନ ଅଧିକାର କରିଥିବା ତିନି ଦଳଙ୍କୁ ଟ୍ରଫି ଓ ମାନପତ୍ର  ସହ ମୁଖ୍ୟ ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଥିଲା ।ଏହି କାର୍ଯ୍ୟକ୍ରମ ରେ ଅଧ୍ୟାପକ ସୂର୍ଯ୍ୟନାରାୟଣ ବିଶ୍ଵାଳ, ଦିଲୀପ ବହିଦାର , ସନ୍ଧ୍ୟାରlଣୀ ଜେନା,ଗିରିଜା ବରିହା, ଅପର୍ଣ୍ଣା ସାହୁ, ରେଣୁକା ପ୍ରଧାନ, ଅସ୍ମିତା ଛୁରିଆ,, ଗାୟତ୍ରୀ ପାଣ୍ଡିଆ , ପ୍ରମୁଖ ଭୂମିକା ଗ୍ରହଣ କରିଥିବା ବେଳେ କର୍ମଚାରୀ ଶେଫାଳୀ ଘୋଷ, ବ୍ୟାସ ରଣା , ଯlଜ୍ଞସିନି ବଗର୍ତ୍ତି  ଓ  ଯୁବରାଜ  ଭୁଏ ,ଚିନ୍ତାମଣି  ପ୍ରଧାନ, ପ୍ରମୋଦ ପ୍ରଧାନ  ସହଯୋଗ  କରିଥିଲେ।   ସଭା କାର୍ଯ୍ୟକୁ  ରେଡକ୍ରସ ଜିଲ୍ଲା ସଂଯୋଜକ ତଥା ଅଧ୍ୟାପକ ପରମାନନ୍ଦ ରଥ  ପରିଚାଳନା କରିବା ସହ ଧନ୍ୟବାଦ୍ ଅର୍ପଣ କରିଥିଲେ ।