21-Dec-2024

 ଅତାବିରା ( ଆକାଶ ମିଶ୍ର).ବରଗଡ଼ ଜିଲ୍ଲା ଅତାବିରା ୫୩ନଂ ଜାତୀୟ ରାଜପଥ କଡରେ ଥିବା ଅତାବିରା ମହା ବିଦ୍ୟାଳୟ ପକ୍ଷରୁ ୪୩ତମ ବାର୍ଷିକ କ୍ରୀଡା ସମ୍ପର୍ଣ୍ଣ ହୋଇ ଯାଇଛି।ମହା ବିଦ୍ୟାଳୟ ର ଅଧ୍ୟକ୍ଷ ଅଶ୍ୱିନୀ କୁମାର ପ୍ରଧାନ ଙ୍କ ତତ୍ୱାବଧାନରେ ଅନୁଷ୍ଟିତ ବାର୍ଷିକ କ୍ରୀଡା ରେ ଅତିରିକ୍ତ ତହସିଲଦାର ଅଙ୍କିତ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ କ୍ରୀଡା ପତାକା କୁ ଉତ୍ତୋଳନ କରିଥିଲେ ।  ମଶାଲ ଦୌଡ଼ ସହ କ୍ରୀଡା ର ଶୁଭାରମ୍ଭ ହୋଇଥିଲା।ଏହି କ୍ରୀଡା ରେ ବାଳକ ଓ ବାଳିକା ଙ୍କୁ ନେଇ ୧୦୦,୨୦୦,୪୦୦, ୮୦୦ମିଟର ଦୌଡ଼,ଲମ୍ବ ଡିଆଁ,ଉଚ୍ଚ ଡିଆଁ,ସଟ ଫୁଟ ଥ୍ରୋ,ଡିସ କସ ଥ୍ରୋ ଆଦି ଖେଳ ଗୁଡିକ ସକାଳ ୮ଟା ରୁ ସନ୍ଧ୍ୟା ୫ଟା ପର୍ଯ୍ୟନ୍ତ ପ୍ରତିଯୋଗିତା ହୋଇଥିଲା।ପ୍ରତି ବିଭାଗରୁ ପ୍ରଥମ,ଦ୍ଵିତୀୟ,ତୃତୀୟ ସ୍ଥାନରେ ଅଧିକାର କରିଥିବା ୧୦୮କୃତି ଛାତ୍ରଛାତ୍ରୀ ମାନଙ୍କୁ ଟ୍ରଫି ମାନ ପତ୍ର ଓ ମେଡାଲ ରେ ପୁରସ୍କୃତ କରାଯାଇଥିଲା।ଏହି ଖେଳକୁ ଖେଳ ଶିକ୍ଷକ ସୁଭକାନ୍ତ ମେହେର,ପିତାମ୍ବର ସୁନା,ଲବ ସାହୁ ଙ୍କ ପରିଚାଳନା କରିଥିବା ବେଳେ ପ୍ରାଧ୍ୟାପକ ପରମାନନ୍ଦ ରଥ ଧନ୍ୟବାଦ ଅର୍ପଣ କରିଥିଲେ।ଅଧ୍ୟାପକ ସୂର୍ଯ୍ୟ ନାରାୟଣ ବିଶ୍ୱାଳ,ଦିଲୀପ ବୋହିଦର,ଧର୍ମେନ୍ଦ୍ର ପ୍ରଧାନ ସମସ୍ତ ଅଧ୍ୟାପକ,ଅଧ୍ୟାପିକା, କର୍ମଚାରୀ ସକ୍ରିୟ ସହଯୋଗ କରିଥିଲେ।