14-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ପ୍ରତିଟି ବିକାଶର ମୂଳରେ ଶକ୍ତିର ଆବଶ୍ୟକତା ରହିଥିବା ବେଳେ ଶକ୍ତି ସଂରକ୍ଷଣ ଏବେ ଆମ ସମସ୍ତଙ୍କ ପାଇଁ ଆହ୍ବାନରେ ପରିଣତ ହୋଇଛି ବୋଲି ବରଗଡ଼ ରାଣା ପ୍ରତାପ ସ୍କୁଲ ଠାରେ ସ୍କୁଲର ଏନର୍ଜି କ୍ଲବ ଆନୁକୁଲ୍ୟରେ ଅନୁଷ୍ଠିତ ଶକ୍ତି ସଂରକ୍ଷଣ ସପ୍ତାହ ଉଦଯାପନୀ ସମାରୋହରେ ମତ ପ୍ରକାଶ ପାଇଛି। ଏହି ଅବସରରେ ଆୟୋଜିତ ଶକ୍ତି ସଂରକ୍ଷଣ ଜନ ସଚେତନତା ଶୋଭାଯାତ୍ରା ,କୁଇଜ୍ ପ୍ରତିଯୋଗିତା,ତର୍କ ପ୍ରତିଯୋଗିତା ଓ ଚିତ୍ରାଙ୍କନ ପ୍ରତିଯୋଗିତାକୁ ଏଡିଇଓ ଜ୍ୟୋତି କାନ୍ତ ସାହୁ ମୁଖ୍ୟ ଅତିଥିଭାବେ ଯୋଗ ଦେଇ ଶୁଭ ଉଦ୍ଘାଟନ କରିଥିଲେ ।
ପୁରସ୍କାର ବିତରଣ ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷକ ସୂଦୀପ କୁମାର ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଧାଙ୍ଗେର ହାଇସ୍କୁଲର ପ୍ରଧାନ ଶିକ୍ଷୟିତ୍ରୀ ସ୍ମିତା ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରିବା ସହ ସଂପ୍ରତି ପ୍ରତିଟି ବିକାଶ ପାଇଁ ଶକ୍ତିର ଆବଶ୍ୟକତା ରହିଥିବା ବେଳେ ଏହାର ସଂରକ୍ଷଣ ଆମ ସମସ୍ତଙ୍କ ପାଇଁ ବଡ ଆହ୍ବାନ ବୋଲି ଉଲ୍ଲେଖ କରିଥିଲେ ।

ସମ୍ମାନିତ ଅତିଥି ଭାବେ ବରିଷ୍ଟ ଶିକ୍ଷୟିତ୍ରୀ ଜ୍ୟୋତ୍ସ୍ନା ତ୍ରିପାଠୀ,କେଦାର ନାଥ ବାବୁ ପ୍ରମୁଖ ଉପସ୍ଥିତ ରହି ଛାତ୍ର ଛାତ୍ରୀଙ୍କୁ ଉତ୍ସାହିତ କରିଥିଲେ ।କୁଇଜ୍ ପ୍ରତି ଯୋଗୀତାରେ କାହ୍ନା ବାରିକ,ଯୋଗେଶ୍ୱରୀ କୁମ୍ଭାର,ବୈଷ୍ଣବୀ ପ୍ରଧାନ ଚିତ୍ରାଙ୍କନରେ ସୋମେନ୍ଦ୍ର ବରାଡ,କାହ୍ନା ବାରିକ 
ଧରିତ୍ରୀ ରାଉତ,ଓ ତର୍କ ପ୍ରତିଯୋଗିତାରେ ଅଶ୍ଳେଷା ମହାନନ୍ଦ ,ପ୍ରାଚୀ ଭୋସାଗର , ଆଶିଷ ନାଏକ ଯଥାକ୍ରମେ ପ୍ରଥମ ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇ ଥିଲେ । ଶିକ୍ଷୟିତ୍ରୀ ସୀମା ଭୋଇ କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ  ଏନର୍ଜି କ୍ଲବର ଭାରପ୍ରାପ୍ତ ଶିକ୍ଷୟିତ୍ରୀ ନିଳୀମା ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।