09-Jan-2021

ବଲାଙ୍ଗିର,(ସନ୍ତୋଷ କୁମାର ଠାକୁର)-ସାମ୍ବାଦିକ ଭବନ ବଲାଙ୍ଗିର ଠାରେ ରାଜ୍ୟ ସଭାପତି ଦିନେଶ ନାଗଙ୍କ ସଭାପତିତ୍ୱରେ ଆମ୍ବେଦକ୍ରାଇଟ୍ ପାର୍ଟି ଅଫ୍ ଇଣ୍ଡିଆ (ଏପିଆଇ) ର ଏକ ଦିବସୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ଓଡିଶାର ସମସ୍ତ ଜିଲ୍ଲାର ସଭାପତିଙ୍କ ସହିତ ରାଜ୍ୟ କାର୍ଯ୍ୟକାରିଣୀର ସମସ୍ତ ସଦସ୍ୟ ଉପସ୍ଥିତ ଥିଲେ । ବୈଠକରେ ଆଗାମୀ ୨୦୨୨ ପଂଚାୟତ ନିର୍ବାଚନରେ ଓଡିଶାର ସମସ୍ତ ଜିଲ୍ଲାରେ ନିର୍ବାଚନ ଲଢିା ପାଇଁ ନିତି ନିର୍ଦ୍ଧାରଣ କରାଗଲ । ତତ୍ ସହିତ ଆଗାମୀ ୨୦୨୪ ସାଧାରଣ ନିର୍ବାଚନ ପାଇଁ ବୁଥ ସ୍ତରରେ ସଂଗଠନକୁ ମଜଭୁତ କରିବା ପାଇଁ ରଣନିତି ତିଆରି କରାଯାଇଥିଲା । ବୈଠକରେ ନୂତନ ଭାବେ ବଲାଙ୍ଗିର ଜିଲ୍ଲା ସଭାପତି ଭାବେ ତରଣୀସେନ ଦୀପଙ୍କୁ ଦାୟିତ୍ୱ ଅର୍ପଣ କରାଗଲା । ବୈଠକରେ ଜାତୀୟ ସାଧାରଣ ସଂପାଦକ ବିଜୟ କୁମାର ବେହେରା, ରାଜ୍ୟ ପ୍ରଭାରୀ ଛବିଲାଲ ନିହାଲ, ଜିତେନ୍ଦ୍ର ସାହୁ, ବନମାଳି ମାଝି, ରାଜୁ କୂଳଦୀପ, ରମେଶ ମେହେର, ସନ୍ତୋଷ ଅଂଶଗ୍ରହଣ କରିଥିଲେ । ଶେଷରେ ବାଳ ଗୋପାଳ ବାରିକ ଧନ୍ୟବାଦ ଅର୍ପଣ କରିଥିଲେ ।