11-Dec-2024

ବଲାଙ୍ଗୀର: ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ହେବାକୁ ଯାଉଥିବା ପତିତପାବନ ଏକାଡେମୀ ର ହୀରକ ଜୟନ୍ତୀ ଅବସରରେ ଆଜି ବିଭିନ୍ନ୍ ସ୍କୁଲର ଛାତ୍ରଛାତ୍ରୀ ମାନଙ୍କୁ ନେଇ ଏକ ଯୋଗାସନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l

ପିପି ଏକାଡେମୀର ପ୍ରଧାନ ଶିକ୍ଷକ ସିନୁ ସୂନ୍ଦର ପାଢୀଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ପ୍ରତିଯୋଗିତାରେ ୧୦ଜଣ ଛାତ୍ରଛାତ୍ରୀ ଭାଗ ନେଇଥିଲେ l ବିଚାରକ ଭାବେ ପୂରାତନ ଛାତ୍ର ଶଶୀ ଶେଖର ପଣ୍ଡା,  ସଂଜୀବ ବାବୁ, ସଶ୍ମିତା ରାଣୀ ମିଶ୍ର

ଯୋଗଦେଇ କୃତୀ ପ୍ରତିଯୋଗୀମାନଙ୍କ ନାମ ଘୋଷଣା କରିଥିଲେ l ଯୋଗାସନ ବାଳକ ବିଭାଗରେ ପତିତପାବନ ଏକାଡେମୀ ର ରାହୁଲ ସୁନା ପ୍ରଥମ,  ପୃଥ୍ୱୀରାଜ ହାଇସ୍କୁଲର ମିଲନ ପୁଟେଲ ଦ୍ଵିତୀୟ  ଓ ପତିତପାବନ ଏକାଡେମୀର ଜନାର୍ଦ୍ଦନ ସେଠ୍  ତୃତୀୟ ସ୍ଥାନ ଅଧିକାର କରିଥିଲେ l ସେହିପରି ବାଳିକା ବିଭାଗରେ ଚିକଲବାହାଲ ହାଇସ୍କୁଲର ଚିନ୍ମୟୀ ପ୍ରଧାନ ପ୍ରଥମ, ସରକାରୀ ବାଳିକା ଉଚ୍ଚବିଦ୍ୟାଳୟର ତପସ୍ଵିନୀ ନାଏକ ଦ୍ଵିତୀୟ ସ୍ଥାନ ଅଧିକାର କରିଥିଲେ l ଏହି କାର୍ଯ୍ୟକ୍ରମକୁ ସଫଳ କରିବାରେ ଶିକ୍ଷୟିତ୍ରୀ ଅଂଶୁପା ଭୋଇ,  ଖୁସବୁ ବେଗମ୍  ଓ ଅନ୍ୟମାନେ ସହଯୋଗ କରିଥିଲେ l ସ୍କୁଲର ପୂରାତନ ଛାତ୍ର ହେମନ୍ତ ପଣ୍ଡା, ମନୋରଞ୍ଜନ ସାହୁ,  ମହେନ୍ଦ୍ର ଦର୍ଜି, ଅମିୟ ମିଶ୍ର ପ୍ରମୁଖ ଉପସ୍ଥିତ ଥିଲେ