11-Dec-2024

ବରଗଡ଼/ଅତାବିରା(ଆକାଶ ମିଶ୍ର): ସ୍ଥାନୀୟ ବାପୁଜୀ ସ୍ୱତନ୍ତ୍ର ବିଦ୍ୟାଳୟ ର ଛାତ୍ରଛାତ୍ରୀ ଙ୍କ ଦ୍ୱାରା ପ୍ରଥମ ଥର ପାଇଁ ବିଜ୍ଞାନ, ଗଣିତ,ପରିବେଶ ମେଳା ଓ ଶିକ୍ଷଣ ସହାୟକ ସାମଗ୍ରୀ  ପ୍ରଦର୍ଶନ ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା l ଉପଜିଲ୍ଲାପାଳ, ବରଗଡ ପ୍ରସନ୍ନ କୁମାର ପାଣ୍ଡେ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବରଗଡ଼ ତାହିର ହୁସେନ, ସହକାରୀ ଜିଲ୍ଲାପାଳ, ବରଗଡ଼ ମଦନଲାଲ ପଣ୍ଡା, ଜର୍ଜ ସରକାରୀ ଉଚ୍ଚବିଦ୍ୟାଳୟ, ବରଗଡ଼ର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ଶାଶ୍ଵତୀ ଦାଶ ଅନୁଷ୍ଠାନିକ ଭାବେ ଉଦଘାଟନ କରିଥିଲେ l ଅନ୍ୟ ଅତିଥି ମାନଙ୍କ ମଧ୍ୟରେ ସମାଜସେଵୀ ପ୍ରିତମ ସିଂ, ପ୍ରଧାନଶିକ୍ଷକ- ଅଭୟ କୁମାର ପଧାନ, କିଶୋର ଚନ୍ଦ୍ର ସାହୁ ଓ ମେଘନାଦ ସାହୁ ମଞ୍ଚାସୀନ ଥିଲେ l ଅତିଥିଗଣ ଦୃଷ୍ଟିହୀନ ଓ ବଧିର ଛାତ୍ରଛାତ୍ରୀଙ୍କ ଦ୍ୱାରା ପ୍ରସ୍ତୁତ ୩୩ ଗୋଟି ପ୍ରକଳ୍ପ ବୁଲି ଦେଖିବାସହ, ଏହାର ଭୂୟଶୀ ପ୍ରଶଂସା କରିଥିଲେ l ଏହା ଏକ ଐତିହାସିକ କାର୍ଯ୍ୟକ୍ରମ ବୋଲି ମୁଖ୍ୟ ଅତିଥି ଶ୍ରୀ ପାଣ୍ଡେ ମତବ୍ୟକ୍ତ କରିଥିଲେ l ଏହି। ଅବସରରେ ଦୃଷ୍ଟିହୀନ, ବଧିର ଓ ବୌଦ୍ଧିକ ଅକ୍ଷମତା ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀ ମାନକ ଦ୍ୱାରା ପ୍ରସ୍ତୁତ ଶିକ୍ଷଣ ସହାୟକ ସାମଗ୍ରୀ ପ୍ରଦର୍ଶନ କରାଯାଇଥିଲା l ଶିକ୍ଷକ ଓ

ଶିକ୍ଷୟତ୍ରୀ ସହାୟତାରେ ଛାତ୍ରଛାତ୍ରୀମାନେ ଖୁବ ସୁନ୍ଦର ଶିକ୍ଷଣୀୟ ସାମଗ୍ରୀ ସହ ପ୍ରକଳ୍ପ ମାନ ପ୍ରସ୍ତୁତ କରି ମେଳାରେ ପ୍ରଦର୍ଶନ କରିଥିଲେ l ସମସ୍ତ ପ୍ରକଳ୍ପରେ ଭାଗନେଇଥିବା ଛାତ୍ର ଛାତ୍ରୀ ମାନଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା l ମେଲା କୁ ନିଶାମଣି ଉଚ୍ଚ ବିଦ୍ୟାଳୟ ଓ ଶକ୍ତି ନଗର ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ ଓ ଛାତ୍ରଛାତ୍ରୀ ମାନେ ପରିଦର୍ଶନରେ ବିଦ୍ୟାଳୟକୁ ଆସିଥିଲେ l ଅନ୍ୟ ମାନଙ୍କ ମଧ୍ୟରେ କମିଟିର ବରିଷ୍ଠ ସଦସ୍ୟ ସମାରୁ ପଧାନ, ଗୋବିନ୍ଦ ପାଳି ଉଚ୍ଚପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସାର୍ତ୍ତିକ ସାହୁ,ପବିତ୍ର ଦେହେରୀ, ଦିବାକର ମାଝୀ, ନନ୍ଦିଘୋଷ ମହାପାତ୍ର, ରମେଶ ଦାଶ ଓ ଅନ୍ୟ ମାନ୍ୟଗଣ ବ୍ୟକ୍ତି ଉପସ୍ଥିତ ଥିଲେ l ପରିଶେଷରେ ଦୃଷ୍ଟିହୀନ ବିଦ୍ୟାଳୟର ପ୍ରଧାନ ଶିକ୍ଷକ ଅଭୟ କୁମାର ପଧାନ ଧନ୍ୟବାଦ ଅର୍ପଣ କରିଥିଲେ l