11-Dec-2024

କୁଚିଣ୍ଡା:(ସଂଜୀବ ପାଣିଗ୍ରାହୀ) : ସମ୍ବଲପୁର ଜିଲ୍ଲା କୁଚିଣ୍ଡାସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ସଭା କକ୍ଷରେ ପ୍ରଧାନ ଆଚାର୍ଯ୍ୟ ପ୍ରଣବ କୁମା ଦ୍ଵିବେଦୀଙ୍କ ସଭାପତିତ୍ବରେ ଭାରତୀୟ ଭାଷା ଦିବସ  ଓ ବିଶିଷ୍ଟ ତାମିଲ କବି ,ସ୍ବାଧିନତା ସଂଗ୍ରାମୀ ସୁବ୍ରମଣ୍ୟମ ଭାରତୀ ଙ୍କ ଜୟନ୍ତୀ ପାଳିତ ହୋଇ ଯାଇଛି ।ଗତ ଚାରି ତାରିଖ ଠାରୁ ଆରମ୍ଭ ହୋଇ ଥିବା ସପ୍ତାହ ବ୍ୟାପୀ ଏହି କାର୍ଯ୍ୟକ୍ରମର ଆଜିର ଉଦଯାପନ ଦିବସରେ  ବିଶିଷ୍ଟ ସାହିତ୍ୟିକ ଓ ଭାଷାବିତ୍ ସୁବାସ ଚନ୍ଦ୍ର ନାୟକ ମୁଖ୍ୟ ଅତିଥି ଭାବରେ ଯୋଗ ଦେଇ ତାମିଲ ଭାଷାର କବି ସୁବ୍ରମ ନ୍ୟମ ଭାରତୀ ଭାରତ ଏକତାର ପ୍ରତୀକ ଥିଲେ ବୋଲି କହିଥିଲେ ।ସେ ତାଙ୍କ ଭାଷଣରେ ମାତୃ ଭାଷାକୁ ଅଗ୍ରାଧିକାର ଦେବା ସହ ଅନ୍ୟ ଭାରତୀୟ ଭାଷାକୁ ମଧ୍ୟ ସମ୍ମାନ ଦେବାକୁ ଆହ୍ବାନ ଦେଇଥିଲେ ।ପ୍ରାରମ୍ଭରେ ଗୁରୁମା ଲଳନା ସେନାପତି ପ୍ରାରମ୍ଭିକ ସୂଚନା ଓ ଅତିଥି ପରିଚୟ ସହ କାର୍ଯ୍ୟକ୍ରମ କୁ ସଂଯୋଜନା କରିଥିଲେ ।ଅବସର ପ୍ରାପ୍ତ ପ୍ରଧାନ ଆଚାର୍ଯ୍ୟ ସରୋଜ କୁମାର ଶତପଥୀ ଅତିଥି ଭାବରେ ଯୋଗ ଦେଇ ମୁଖ୍ୟ ଅତିଥି ଶ୍ରୀ ନାୟକଙ୍କୁ ଭାଷା ସମ୍ମାନ  ସୂଚକ ମାନପତ୍ର ପ୍ରଦାନ କରି ସମ୍ବର୍ଧନା ପ୍ରଦାନ କରିଥିଲେ । ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ଶ୍ରୀ ନାୟକ ଟ୍ରଫି ଦେଇ ପୁରସ୍କୃତ କରିଥିଲେ । ଶେଷରେ ବରିଷ୍ଠ ଶିକ୍ଷକ ପ୍ରଦୀପ କୁମାର ହାତୀ ଧନ୍ୟବାଦ ଅର୍ପଣ କରିଥିଲେ ।ଏହା ପରେ ଅତିଥି, ଗୁରୁ,ଗୁରୁମ ଓ ଶତାଧିକ ଛାତ୍ର,ଛାତ୍ରୀ ଓଡ଼ିଆରେ ସ୍ୱାକ୍ଷର କରିବା ସହ ମାତୃ ଭାଷାକୁ ସମ୍ମାନ ଦେବାକୁ ଶପଥ ନେଇଥିଲେ ।