09-Dec-2024

ଜମନକିରା: ସମ୍ବଲପୁର ଜିଲ୍ଲା ନିଖିଳ ଉତ୍କଳ କଲ୍ୟାଣ ଶିକ୍ଷକ ଓ ଶିକ୍ଷା ନିରୀକ୍ଷକ ସଂଘ ପକ୍ଷରୁ ଷଣ୍ଢପଥର ଆଶ୍ରମ ସ୍କୁଲରେ ରବିବାର ଜିଲ୍ଲା ମଙ୍ଗଳ ବିଭାଗ ଅନ୍ତର୍ଗତ ବିଭିନ୍ନ ସ୍କୁଲର ୮ ଜଣ ଶିକ୍ଷକଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି। ଜିଲ୍ଳା ସଂଘର ସଭାପତି ବିରେନ୍ଦ୍ର ପଟେଲ୍ ଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ରାଜ୍ଯ ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟ ଜଳଯୋଗାଣ ମନ୍ତ୍ରୀ ରବିନାରାୟଣ ନାଏକ ମୁଖ୍ୟଅତିଥି ଏଵଂ ଦେବଗଡ଼ ରାଜାବାସୁଦେବ ସୁଢଲ ଦେବ ଉଚ୍ଚ ମାଧ୍ୟମିକ ସ୍କୁଲର ଅଧ୍ୟକ୍ଷ ଡା. ସୁଦାମ ଚରଣ ପରିଡ଼ା ମୁଖ୍ୟବକ୍ତା ଭାବେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ସ୍ଥାନୀୟ ବିଡ଼ିଓ ରବିନ୍ଦ୍ର ସେଠୀ, ନିଖିଳ ଉତ୍କଳ କଲ୍ୟାଣ ଶିକ୍ଷକ ଓ ଶିକ୍ଷା ନିରୀକ୍ଷକ ସଂଘର ରାଜ୍ୟ ମୁଖପାତ୍ର ରାଜେନ୍ଦ୍ର ଜଗତ, ସମ୍ବଲପୁର ସହକାରୀ ଜିଲ୍ଲା ମଙ୍ଗଳ ଅଧିକାରୀ ବିଜୟା ମେହେର, କୁଚିଣ୍ଡା ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଅନିଭା ନାଏକ, ଜମନକିରା ଡବୁଇଓ ଐଶ୍ବର୍ଯ୍ୟ ନାୟକ, ବାମରା ଡବ୍ଲୁଇଓ ରଞ୍ଜନ ରାମ, ଯୋଗ ଦେଇଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ସମ୍ବଲପୁର ଜିଲ୍ଲା ର ବିଭିନ୍ନ ବ୍ଲକ ଅନ୍ତର୍ଗତରେ ଥିବା ବିଦ୍ୟାଳୟରୁ ଆସିଥିବା ଶିକ୍ଷକ ଶିକ୍ଷୟତ୍ରୀ ମାନେ ନିଜ ନିଜ ଅଭିଭାଷଣ ପ୍ରଦାନ କରିଥିଲେ। ମନ୍ତ୍ରୀ ଶ୍ରୀ ନାଏକ ମୁଖ୍ୟ ଅତିଥିଭାବେ ଯୋଗ ଦେଇ ପ୍ରଥମେ ମା ସମଲେଇ ଙ୍କ ଫୋଟୋ ଚିତ୍ର ରେ ମାଲ୍ୟାପଣ କରି ଥିଲେ। ପରେ ନିଜ ଅଭିଭାଷଣ ରେ ଶିକ୍ଷକ ଙ୍କ କାର୍ଯ୍ୟ ଅତୁଳନୀୟ ଓ ଜଣେ ଭଲ ସମାଜ ସହିତ ଜଣେ ଭଲ ମଣିଷ ଗଠନ ରେ ଶିକ୍ଷକ ଙ୍କ ମୁଖ୍ୟ ଅବଦାନ ବୋଲି କହିଥିଲେ। କାର୍ଯ୍ୟକ୍ରମ ଶେଷରେ ମନ୍ତ୍ରୀଙ୍କ ଦ୍ୱାରା ସମ୍ବଲପୁର ଜିଲ୍ଲା ଅନ୍ତର୍ଗତ ସୁଧୀର ପ୍ରଧାନ, ସଥେସିନୀ ପୃଷେଠ, ସନ୍ତୋଷ ଶତପଥୀ, ତରୁଲତା ସୁନାନୀ, ରାଧେଶ୍ୟାମ ବାରିକ, ଅନିତାରାଣୀ ଦାସ, ଚୈତନ୍ୟ ସାହୁ ଓ ସ୍ମୃତିରେଖା ସାସମଲ ପ୍ରମୁଖ ୮ ଜଣ ଶିକ୍ଷକ ଶିକ୍ଷୟତ୍ରୀ ପୁଷ୍ପଙ୍କୁ ପୁଷ୍ପ ଗୁଚ୍ଛ ଓ ମାନ ପତ୍ର ପ୍ରଦାନ କରି ତାଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଥିଲା। କାର୍ଯ୍ୟକ୍ରମ ଶେଷରେ ଟିକିଲିପଡ଼ା ପ୍ରଧାନ ଶିକ୍ଷକ ପଙ୍କଜ ବେହେରା ସମସ୍ତଙ୍କୁ ଧନ୍ୟବାଦ ପ୍ରଦାନ କରି ଥିଲେ।
(ଜମନକିରା ରୁ ଅବଦୁଲ ଗୁଲାମ କାଦିର)