09-Dec-2024

କଣ୍ଟାମାଳ(ଜୟ କୁମାର ମହାରଣା): ପଦାର୍ଥ ବିଜ୍ଞାନ ପ୍ରତିଷ୍ଠାନ, ଭୁବନେଶ୍ୱର ଏବଂ ପଞ୍ଚାୟତ ମହାବିଦ୍ୟାଳୟ, କଣ୍ଟାମାଳର ମିଳିତ ଆନୁକୂଲ୍ୟରେ କଲେଜ ପରିସରରେ ଦୁଇଦିନିଆ ବିଜ୍ଞାନ ସମ୍ପ୍ରସାରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ  ପଦାର୍ଥ ବିଜ୍ଞାନ ପ୍ରତିଷ୍ଠାନ, ଭୁବନେଶ୍ୱରର ନିର୍ଦେଶକ ପ୍ରଫେସର କରୁଣା କର ନନ୍ଦ ମୁଖ୍ୟଅତିଥି ଓ ସମ୍ମାନୀତ ଅତିଥି ଭାବେ ପ୍ରଫେସର ଏ. ଏମ. ଶ୍ରୀବାସ୍ତବ, ଡ଼ଃ. କେ. ସି. ପାତ୍ର,ପରିଚାଳନା ସମିତି ସଭାପତି ଭବାନୀ ଶଙ୍କର ରାଉତ ପ୍ରମୁଖ ଯୋଗଦେଇଥିଲେ। ଅଧ୍ୟକ୍ଷ ଡ. ବସନ୍ତ କୁମାର ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମର ପ୍ରଥମ ଦିନ ଉଚ୍ଚ ନିର୍ଦ୍ଧାରଣ ସମ୍ପନ୍ନ ଦୂରବିକ୍ଷଣ ଯନ୍ତ୍ର ଦ୍ୱାରା

ଛାତ୍ରଛାତ୍ରୀ ମାନେ ଚନ୍ଦ୍ର, ବୃହସ୍ପତି, ଶନି ଆଦି ବିଭିନ୍ନ ଗ୍ରହ ଓ ଉପଗ୍ରହ ମାନଙ୍କୁ ଅତି ନିକଟରୁ ଦେଖିବାର ସୁଯୋଗ ପାଇ ପାରିଥିଲେ। ସେହିପରି  ଦ୍ଵିତୀୟ ଦିନ ଅତିଥିମାନଙ୍କର ବିଜ୍ଞାନ ସମ୍ବଦ୍ଧିୟ ଅଭିଭାଷଣ ସହ ପ୍ରଫେସର କରୁଣା କର ନନ୍ଦ ଏବଂ ଡ଼ଃ. କେ. ସି. ପାତ୍ରଙ୍କ ଦ୍ୱାରା ଦୈନନ୍ଦିନ ଜୀବନରେ ବିଜ୍ଞାନ ର ଉପଯୋଗ ଉପରେ ଏକ ପାଠଚକ୍ର ଅନୁଷ୍ଠିତ ହୋଇଥିଲା। ଅଧ୍ୟାପକ ଶ୍ବସନ୍ତ କୁମାର ଖଟୁଆ ସଭା ପରିଚାଳନା ଓ ଅଧ୍ୟାପକ ଶିବଦତ୍ତ ପୁରୋହିତ ଅତିଥି ପରିଚୟ ପ୍ରଦାନ କରିଥିବାବେଳେ  ଅଧ୍ୟାପକ ଶ୍ସଂଶିତ କୁମାର ରଥ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମ ରେ ମହିଳା ମହାବିଦ୍ୟାଳୟ,ସୋନପୁର , ସରକାରୀ ଉଚ୍ଚବିଦ୍ୟାଳୟ କଣ୍ଟାମାଳ, ଓଡିଶା ଆଦର୍ଶ ବିଦ୍ୟାଳୟ କଣ୍ଟାମାଳ,ଶିଶୁମନ୍ଦିର

କଣ୍ଟାମାଳ , ପଲସାଗୋରା ଉଚ୍ଚ ବିଦ୍ୟାଳୟ, ବାଲାଜୀ ପବ୍ଲିକ ସ୍କୁଲ ପଲସାଗୋରା ସମେତ ଆଖ ପାଖା ଅଞ୍ଚଳର ବିଦ୍ୟାଳୟ ଏବଂ ମହାବିଦ୍ୟାଳୟ ର ଛାତ୍ର ଛାତ୍ରୀ, କର୍ମଚାରୀ ଏବଂ କଣ୍ଟାମାଳର ବିଜ୍ଞାନ ପ୍ରେମୀ ଜନସାଧାରଣ  ଯୋଗଦାନ କରି ଥିଲେ। ମହାବିଦ୍ୟାଳୟ ର ସମସ୍ତ ଅଧ୍ୟାପକ, ଅଧ୍ୟାପିକା, ଅଣଶିକ୍ଷକ କର୍ମଚାରୀ ଏବଂ ଛାତ୍ରଛାତ୍ରୀଙ୍କ ସହଯୋଗ କ୍ରମେ ଉକ୍ତ କାର୍ଯ୍ୟକ୍ରମଟି ସୁଚାରୁରୂପେ ସମ୍ପନ୍ନ ହୋଇଥିଲା।