09-Dec-2024

ନର୍ଲା (ଚିନ୍ତାମଣି ନାଏକ)
କଳାହାଣ୍ଡି ଜିଲ୍ଲା ନର୍ଲା ତହସିଲ ଅନ୍ତର୍ଗତ ଘୋଡ଼ାବନ୍ଧ ପଂଚାୟତ ଧଅଁରାମାଲ ଗ୍ରାମର ସାନ୍ଦୂଲ୍ ନଦୀରୁ ଦୀର୍ଘ ମାସ ମାସ ଧରି ବଲାଙ୍ଗୀର ଜିଲ୍ଲାର ଆକାଶ ଅଗ୍ରୱାଲ ନାମକ ଜଣେ ଠିକାଦାର ଉକ୍ତ ବାଲିଘାଟ ରୁ ପ୍ରତିଦିନ ଲକ୍ଷ ଲକ୍ଷ ଟଙ୍କାର ଚୋରା ବାଲି ଚାଲାଣ କରୁଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି ଅଭିଯୋଗ କୁ ଭିତ୍ତି କରି ଆଜି ସକାଳ ୧୦ ଘଣ୍ଟା ସମୟରେ ନର୍ଲା ତହସିଲଦାର ତଥା ଏକଜୁକେଟିଭ ମାଜିଷ୍ଟ୍ରେଟ ଶ୍ରୀଯୁକ୍ତ ବଳଦେବ ବେହେରା ନର୍ଲା ଭାରପ୍ରାପ୍ତ ଥାନା ଅଧିକାରୀଣୀ ଶ୍ରୀମତୀ ମମତା ପାଣିଗ୍ରାହୀ ଙ୍କ ସମେତ ଥାନାର  ଏଏସଆଇ ମଳୟ ରଣା ଓ ସବ ଇନ୍ସପେକ୍ଟର ସଦବଳେ ଯାଇ ଘଟଣା ସ୍ଥଳରେ ପହଞ୍ଚି ଚୋରା ବାଲି ବୋଝେଇ ହାଇୱା OD 08 4573 ଗାଡ଼ି ସହ ଏକ ବଡ ପୋକ୍ଲିନ ଜେଶିବି ଗାଡିକୁ ଜବତ କରିଛନ୍ତି ଅପର ପକ୍ଷରେ ଗ୍ରାମବାସୀ ଙ୍କ ଅଭିଯୋଗ ଅନୁଯାୟୀ ସମୃକ୍ତ ବାଲି ମାଫିଆ ଠିକାଦାର ଆକାଶ ଅଗ୍ରୱାଲ ମାସ ମାସ ଧରି ବେଆଇନ ଚୋରା ବାଲି ଚାଲାଣ ସମୟରେ ଗ୍ରାମବାସୀ ଙ୍କ ବାରଣ ସତ୍ତ୍ୱେ ସମସ୍ତଙ୍କୁ ନାଲି ଆଖି ଦେଖାଇ ଭୟଭୀତ କରି ବାଲି ଚାଲାଣ କରୁଥିବା ଅଭିଯୋଗ ହୋଇଛି

ଏବଂ ପ୍ରତି ରାତିରେ ଦଶରୁ ପନ୍ଦର ହାଇୱା ଏକାଧିକ ବାର ଓଭର ଲୋଡ କରି ଯିବା ଆସିବା ସମୟରେ ଗ୍ରାମର ଶିଶି ରୋଡ ମାନ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ୱାର୍ଡ ସଭ୍ୟ ଅଭିଯୋଗ ଆଣିଛନ୍ତି ତତ୍ ସଙ୍ଗେ ସଙ୍ଗେ ଚାଷୀଙ୍କ ପାଇଁ ଜଳସେଚନ ନିମନ୍ତେ ବିଛଯାଇଥିବା ଉଠା ଜଳ ସେଚନ ପଏଣ୍ଟ ର ପାଣି ପାଇପ ଓଭର ଲୋଡ ଗାଡ଼ି ର ଚାପରେ ଭାଙ୍ଗି ଯାଇ ଚଳିତ ବର୍ଷ ଶତାଧିକ ଚାଷୀ ଙ୍କ ଧାନବିଲରେ ପାଣି ନ ପାଇ ଧାନ ମରିଯାଇଥିବା ଅଭିଯୋଗ ହୋଇଛି ଖାଲି ସେତିକି ନୁହେଁ ବେଆଇନ ବାଲି ଘାଟ କୁ ରାସ୍ତା ନିମନ୍ତେ ସଂପୃକ୍ତ ବାଲି ମାଫିଆ ଅନେକ ଚାଷୀଙ୍କ ରଇତି ଜମିର ହୁଡ଼ା ଭଙ୍ଗିଦେଇଥିବା ସହ ଅନେକ ଅର୍ଥକାରୀ ମହୁଲ ଗଛ ମାନ ଜେସିବି ରେ ଭାଙ୍ଗି ଦେଇ ଲୋକଙ୍କୁ ନାଲିଆଖି ଦେଖାଉଥିବା କିଛି ନିରୀହ ମହିଳା ଅଭିଯୋଗ ଆଣିଛନ୍ତି ଏବଂ ଗ୍ରାମରୁ ନଦୀକୁ ସଂଯୋଗ କରୁଥିବା ଏକ ପଞ୍ଚୟତ ମାଟି ରାସ୍ତାକୁ ମଧ୍ୟ ଠିକାଦାର ଭାଙ୍ଗି ଦେଇ ତାଙ୍କର ବ୍ୟକ୍ତିଗତ ସ୍ବାର୍ଥ ସାଧନ କରୁଛନ୍ତି ବୋଲି ୱାର୍ଡ ମେମ୍ବର ଅଭିଯୋଗ ଆଣିଛନ୍ତି ଏଣୁ ଏହି ବେଆଇନ ବାଲି ଚୋରା ଚାଲାଣ ବାଲି ମାଫିଆ ଆକାଶ ଅଗ୍ରୱାଲ ଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଗ୍ରାମବାସୀ ଜିଲ୍ଲାପାଳ ଙ୍କ ଦୃଷ୍ଟି ଆକର୍ଷଣ କରିଛନ୍ତି