08-Dec-2024

ଜୟପୁର:- ଷ୍ଟେଟ୍ ୟୁନୀୟନ୍ ଅଫ ଜର୍ଣାଳିଷ୍ଟ (ଏସ୍ ୟୁ ଜେ)ର କାର୍ଯ୍ୟକାରିଣୀ ବୈଠକ କୋରାପୁଟ ଜିଲ୍ଲାର ଜୟପୁର ଠାରେ ଥିବା ଉଡ୍ସ୍ ହୋଟେଲ ଠାରେ ଅନୁଷ୍ଠିତ ହୋଇଯାଇଛି।ରାଜ୍ୟର ୨୫ ଗୋଟି ଜିଲ୍ଲାରୁ ଶତାଧିକ ସାମ୍ବାଦିକ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ।ପ୍ରଥମ ଅଧିବେଶନରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ମାନଙ୍କୁ ନେଇ ରାଜ୍ୟ ସଭାପତି କୈଳାସ ନାୟକଙ୍କ ଅଧ୍ୟକ୍ଷତାରେ ସଭା ଅନୁଷ୍ଠିତ ହୋଇଥିଲା। ସଂଘକୁ କିଭଳି ସୁଦୃଢ କରାଯିବ ସେ ସମ୍ପର୍କରେ ରାଜ୍ୟ କର୍ମକର୍ତ୍ତା ମାନେ ତାଙ୍କର ସୁଚିନ୍ତିତ ମତାମତ ଦେଇଥିଲେ।କୋରାପୁଟ ଜିଲ୍ଲା ଏସୟୁଜେ ଶାଖା ତରଫରୁ ଓଡ଼ିଶାର କୋଣ ଅନୁକୋଣରୁ 

ଆସିଥିବା ସାମ୍ବାଦିକ ମାନଙ୍କୁ ପୁଷ୍ପଗୁଛ ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ।ଏଭଳି ନିଆରା ପରମ୍ପରାକୁ ସଭିଏଁ ପ୍ରଶଂସା କରିଥିଲେ।
ଦ୍ଵିତୀୟ ପର୍ଯ୍ୟାୟରେ ସ୍ଥାନୀୟ ରାଜନେତା ଏବଂ ବୁଦ୍ଧିଜୀବିଙ୍କୁ ନେଇ ଏକ ବୌଦ୍ଧିକ ଆଲୋଚନା ହୋଇଥିଲା।ଏହି କାର୍ଯ୍ୟକ୍ରମ ରେ ଜୟପୁର ବିଧାୟକ ତାରା ପ୍ରସାଦ ବାହିନୀପତି (ଭାଲୁ ଭାଇନା) ମୁଖ୍ୟ ଅତିଥି ଭାବେ ଯୋଗଦେଇ ସାମ୍ବାଦିକ ମାନଙ୍କ ଉନ୍ନତି ମୂଳକ ଯୋଜନା ଉପରେ ବିଶଦ ଭାବେ ଆଲୋଚନା କରିବା ସହ ସାମ୍ବାଦିକ ମାନଙ୍କ ସୁଖଦୁଃଖର ସାଥୀ ହୋଇ ସବୁଦିନ ପାଇଁ ରହିବେ ବୋଲି କହିଥିଲେ।ରାଜ୍ୟ ସାମ୍ବାଦିକ ସଂଘ ସଭାପତି କୈଳାସ ନାୟକ ସାମ୍ବାଦିକ ମାନଙ୍କ ବିଭିନ୍ନ ସମସ୍ୟା ଉପସ୍ଥାପନ କରିଥିଲେ।ସେ ଦୃଢୋକ୍ତି ର ସହ କହିଥିଲେ ଯେତେବେଳେ ମଧ୍ୟ ଯେକୌଣସି ସାମ୍ବାଦିକ ବିପଦରେ ପଡେ,ସେ ଯେକୌଣସି ସଂଘର ହୋଇଥାଉ ଏହି ସଂଘ ତାକୁ ସାହାଯ୍ୟ କରିବା ପାଇଁ ପଛଘୁଞ୍ଚା ଦେଵ ନାହିଁ ବୋଲି  ସର୍ବସମ୍ମୁଖରେ ପ୍ରକାଶ କରିଥିଲେ।

ଏହି କାର୍ଯ୍ୟକ୍ରମ ରେ ବଲାଙ୍ଗିର ଏସ ୟୁ ଜେ ଶାଖା ର ନବ ନିର୍ବାଚିତ ସଭାପତି ଶରତ କୁମାର ମହାକୁର ଏବଂ ସାଧାରଣ ସମ୍ପାଦକ ରଘୁ ନନ୍ଦନ ସିଂ ଙ୍କୁ ପୁସ୍ଫଗୁଛ ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରିଥିବା ବେଳେ ଏସ ୟୁ ଜେ ରାଜ୍ୟ ଉପସଭାପତି ମହେନ୍ଦ୍ର କୁମାର ଦର୍ଜି, ରାଜ୍ୟ ଉପଦେଷ୍ଟା ସଦସ୍ୟ ଗୋପବନ୍ଧୁ ଶତପଥୀ ଏବଂ ରାଜ୍ୟ କାର୍ଯ୍ୟକାରୀ ସଦସ୍ୟ ବିମଳ ଚରଣ ହୋତା ଙ୍କୁ ମଧ୍ୟ ପୁଷ୍ପଗୁଚ୍ଛ ଏବଂ ଉପଢୌକନ ଦେଇ ସମ୍ମାନିତ କରାଯାଇଥିଲା।