08-Dec-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ସରକାର ଅନେକ ଗୁଡ଼ିଏ ସାହି ଭଳି ଥିବା ଗାଁ କୁ ରାଜସ୍ବ ଗାଁ ର ମାନ୍ୟତା ଦେଇ ଆସୁଥିବା ବେଳେ ଆଜି ମଧ୍ୟ କିଛି ଗାଁ ରାଜସ୍ବ ଗାଁ ର ମାନ୍ୟତା ପାଇନଥିବା ଦେଖିବାକୁ ମିଳୁଛି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ବ୍ଳକ ଧୁମାଭଟା ଠାରୁ ୩ କି.ମି ଦୂରରେ ଅବସ୍ଥିତ କଲ୍ଛିକଚାର ବୋଲି ଛୋଟ ଗାଁ ଟିଏ ଥିବା ବେଳେ ତାହା ଧୁମାଭଟା ଗାଁ ଅଂଶ ହୋଇ  ରହିଛି। ଉକ୍ତ ଗ୍ରାମରେ ୫୦୦ ରୁ ଉର୍ଦ୍ଧ୍ବ ଲୋକ ବସବାସ କରୁଥିବା ବେଳେ ଗୋଟିଏ ଅଙ୍ଗନବାଡ଼ି କେନ୍ଦ୍ର ଓ ପ୍ରାଥମିକ ବିଦ୍ୟାଳୟ ଅଛି। ଉକ୍ତ ଗ୍ରାମରେ ଧୁମାଭଟା ଗ୍ରାମ ର ୭ ଓ ୮ ନମ୍ବର ଓ୍ବାର୍ଡ ର ଅଧା ଅଂଶ ମିଶିଛି।ନିର୍ବାଚନ ସମୟରେ ଅନେକ ବୃଦ୍ଧବୃଦ୍ଧା ଧୁମାଭଟା ୩ କିଲୋମିଟର ଦୂରରେ ଥିବା ଯୋଗୁଁ ନିଜ ମତଦାନ ଦେବାକୁ ଅସମର୍ଥ ହେଉଛନ୍ତି।ନିଜ ମୌଳିକ ଅଧିକାର ରୁ ମଧ୍ୟ ବଞ୍ଚିତ ରହୁଥିବା ବେଳେ ଗ୍ରାମବାସୀ ମାନେ ଅସନ୍ତୋଷ ପ୍ରକାଶ କରିଛନ୍ତି। ଅନେକ ଦିନରୁ ଉକ୍ତ ଗ୍ରାମକୁ ରାଜସ୍ବ ଗ୍ରାମର ମାନ୍ୟତା ପ୍ରଦାନ କରିବାକୁ ଚାହୁଁଥିଲେ ସୁଦ୍ଧା ପାଇପାରୁ

ନାହାନ୍ତି। ଏବେକାର ସରପଞ୍ଚ ବନମାଳୀ ନାଏକ ଙ୍କ ନେତୃତ୍ୱରେ ଆଜି ବେଲପଡା ତହସିଲଦାର ଙ୍କ ଜରିଆରେ ରାଜସ୍ବ ବିଭାଗ, ଓଡ଼ିଶା ସରକାର ଏବଂ ପଞ୍ଚାୟତିରାଜ ଓ ଗ୍ରାମ୍ୟ ଉନ୍ନୟନ ବିଭାଗ କୁ ଏକ ଦାବିପତ୍ର ପ୍ରଦାନ କରିଛନ୍ତି। ଉକ୍ତ ଦାବି ପତ୍ର ପ୍ରଦାନ ସମୟରେ ସରପଞ୍ଚ ବନମାଳୀ ନାଏକ, ବରୁଣ ରାଉତ, ଚୈତନ୍ୟ ବୁଡେକ, ନାରାୟଣ ପସାୟତ, ବାଲେଶ୍ଵର ରାଉତ,ଶମ୍ଭୁ ମଲ୍ଳିକ,ଧର୍ମରାଜ ଠାକୁର ପ୍ରମୁଖ ଉପସ୍ଥିତ ଥିଲେ।