08-Dec-2024

ଅତାବିରା(ଆକାଶ ମିଶ୍ର): ପ୍ରଜ୍ଞାନ ମିଶନ, ଜଗତସିଂପୁର ,କଟକ ପକ୍ଷରୁ  ପରମହଂସ ପ୍ରଜ୍ଞାନନ୍ଦ ଗିରି ମହାରାଜଙ୍କ ମାର୍ଗଦର୍ଶନ ରେ ତଥା ସ୍ବାମୀ ଅନିର୍ବାଣ ନନ୍ଦଙ୍କ ନିର୍ଦ୍ଦେଶକ୍ରମେ   ଅତାବିରା ମହାବିଦ୍ୟାଳୟରେ ବ୍ଲକସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା  ଅନୁଷ୍ଠିତ ହୋଇଯାଇଛି। ବ୍ଲକ୍ ସଂଯୋଜକ ବନମାଳୀ କଠାର ଙ୍କ ସଭାପତିତ୍ବରେ ଆୟୋଜିତ ଏହି ପ୍ରତିଯୋଗିତା ରେ ଦେବରାଜ ପାଣିଗ୍ରାହୀ ମୁଖ୍ୟ ଅତିଥି ଭାବରେ ଯୋଗ ଦେଇ ଗୀତା ପଠନର ଉପକାରିତା ଉପରେ ଆଲୋଚନା କରିଥିଲେ। ଜିଲ୍ଲା ସଂଯୋଜକ ସୁଜିତ୍ ନାଏକ  ମଞ୍ଚ ପରିଚାଳନା କରିଥିବା ବେଳେ କୀର୍ତ୍ତନ ବେହେରା , ପ୍ରଜ୍ଞାନ ମିଶନ, ଅନୁଗୁଳ କାର୍ଯ୍ୟକ୍ରମ ପରିଚାଳନା କରିଥିଲେ । ସମବେତ ଗାୟତ୍ରୀ ମନ୍ତ୍ର ଉଚ୍ଚାରଣ କରି ପ୍ରତିଯୋଗିତାକୁ ଆରମ୍ଭ କରାଯାଇଥିଲା ।
ଏହି ପ୍ରତିଯୋଗିତାରେ ତୃତୀୟରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ  "କ" ବିଭାଗ, ଷଷ୍ଠରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ "ଖ" ବିଭାଗ ଓ ନବମ ,ଦଶମ ଶ୍ରେଣୀ ପାଇଁ "ଗ" ବିଭାଗ  ଏହିପରି ତିନୋଟି ବିଭାଗରେ ଶ୍ରୀମଦ୍ ଭଗବତ ଗୀତା ର  ଚତୁର୍ଥ ଅଧ୍ୟାୟ ର ଜ୍ଞାନ କର୍ମ ସନ୍ନ୍ୟାସ ଯୋଗ ଶ୍ଳୋକ ଆବୃତ୍ତି ଉପରେ ପ୍ରତିଯୋଗିତା ହୋଇଥିଲା ।ବିଚାରକ ଭାବରେ ଟୋପ ଉଚ୍ଚ ବିଦ୍ୟାଳୟର ଶିକ୍ଷୟିତ୍ରୀ ଅନୁସୂୟା୍ ଦେବତା, ପରମାନ ପୁର ଉଚ୍ଚପ୍ରାଥମିକ ବିଦ୍ୟାଳୟର ଶିକ୍ଷକ ସୁଶାନ୍ତ ତ୍ରିପାଠୀ ଓ ବାବେବିରା ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ଦିପାଞ୍ଜଳି ବାରିକ ଦାୟିତ୍ଵ ତୁଲାଇଥିଲେ । " କ "ବିଭାଗରେ  ସଂସ୍କୃତି ବାଗ, ପ୍ରତୀକ୍ଷା କାଠର,  ପୁନ୍ୟାଶ୍ରି ମିଶ୍ର, "ଖ 'ବିଭାଗରେ ଶ୍ରେୟଂସୀ ସଂସିତା ଜେନା,ପ୍ରତୀକ ରଞ୍ଜନ ଦନ୍ତା,ସମୀକ୍ଷା ଦାଶ, ନବ୍ୟଶ୍ରୀ  ପ୍ରଧାନ, " ଗ" ବିଭାଗରେ  ସାଧନା ଦାଶ, ଜିଜ୍ଞାସା ବାରିକ ଓ ରୋସଂ ମେହେର  ଯଥାକ୍ରମେ    ପ୍ରଥମ ,ଦ୍ଵିତୀୟ ଓ  ତୃତୀୟ ସ୍ଥାନ  ହାସଲ କରି   ଜିଲ୍ଲା ସ୍ତର ରେ ପ୍ରତିଯୋଗିତା କରିବା ପାଇଁ  ମନୋନୀତ ହୋଇଛନ୍ତି । କୃତି ଛାତ୍ରଛାତ୍ରୀ ମାନଙ୍କୁ ମାନପତ୍ର ସହ ଆଧ୍ୟାତ୍ମିକ ପୁସ୍ତକ ପ୍ରଦାନ ପୂର୍ବକ ପୁରସ୍କୃତ କରାଯାଇଥିଲା । ଏଥିରେ ୧୦୦ ରୁ ଉର୍ଦ୍ଧ୍ବ ପ୍ରତିଯୋଗୀ ଅଂଶଗ୍ରହଣ କରିଥିଲେ ।