05-Dec-2024

ବଲାଙ୍ଗୀର(ପ୍ରେରଣା ଖବର): ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ସ୍ଥାନୀୟ ପି.ପି. ଏକାଡେମୀର ହୀରକ ଜୟନ୍ତୀ ପାଳନ ହେବ l ଏଥିପାଇଁ ସ୍କୁଲର ଆଲୁମିନି ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା l ହୀରକ ଜୟନ୍ତୀ କମିଟି ସଭାପତି ଶଶୀଭୂଷଣ ପୁରୋହିତଙ୍କ ସଭାପତିତ୍ବରେ ଜୟନ୍ତୀ ପାଳନର ଅଗ୍ରଗତି ସଂପର୍କରେ କମିଟି ପକ୍ଷରୁ ସୂଚନା ଦିଆଯାଇଥିଲା l ମହାମହିମ ରାଜ୍ୟପାଳ, ବାଚସ୍ପତି, ପୂର୍ବତନ ମୁଖ୍ୟମନ୍ତ୍ରୀ, କେନ୍ଦ୍ର ଓ ରାଜ୍ଯ ଶିକ୍ଷା ମନ୍ତ୍ରୀ, ସ୍ଵତନ୍ତ୍ର ସଚିବ ନିହାର ଦାସ, ଲେଖିକା ଡ.ପ୍ରତିଭା ରାୟ ପ୍ରମୁଖଙ୍କୁ ଅତିଥି ପାଇଁ ନିମନ୍ତ୍ରଣ କରାଯାଇଛି ବୋଲି ଆଲୁମିନି  କମିଟି ସଭାପତି ଅଫତlବ ହୁସେନ୍ କହିଥିଲେ l ଏହି ଅବସରରେ ଏକ ସ୍ମରଣିକା ପ୍ରକାଶ ପାଉଛି l ସ୍ମରଣିକର ସଂଯୋଜକ ମନୋରଞ୍ଜନ ସାହୁ ସ୍ମରଣିକାର ଅଗ୍ରଗତି ଓ ଗୁଣାତ୍ମକ ଲେଖା ଉପରେ ସୂଚନା ଦେଇଥିଲେ l ଆଜିର ସାମ୍ବାଦିକ ସମ୍ମିଳନୀରେ ପ୍ରଧାନଶିକ୍ଷକ ସିନୁସୁନ୍ଦର ପାଢୀ ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା ବୋଲି ସୂଚନା ଦେଇଥିଲେ l ଜୁବୁଲି କମିଟିର ଉପସଭାପତି ହେମନ୍ତ ପଣ୍ଡା, କୋଷାଧ୍ୟକ୍ଷ ଦତ୍ତାନନ୍ଦ ପଣ୍ଡା,  ସ୍ମରଣିକା କମିଟିର ମୁଖ୍ୟ ସମ୍ପାଦକ ଅଖିଳ ଚଂଦ୍ର ହୋତା, ଯୁଗ୍ମ ସମ୍ପାଦକ ରଘୁନନ୍ଦନ ସିଂହ, କମିଟିର ସମ୍ପାଦକ ପ୍ରଦୀପ ସାହୁ,  ନାସିର ଖାନ୍ ଓ ଲକ୍ଷ୍ମଣ ଅଗ୍ରୱାଲ ମଞ୍ଚାସୀନ ଥିଲେ l