05-Dec-2024

ସୁବର୍ଣ୍ଣପୁର - (ମନୋରଞ୍ଜନ ତ୍ରିପାଠୀ )
ଆଜି ସହରର ବୁଢ଼ାରଜା ଛକ ପାଖରୁ ଜିଲ୍ଲା ଅବକାରୀ ବିଭାଗ ଚୋରା ଚାଲାଣ କରୁଥିବା ଦୁଇ ଜଣ ଗଞ୍ଜେଇ ବେପାରୀଙ୍କୁ ଗିରଫ କରିବାରେ ସଫଳ ହୋଇଛି। ଅବକାରୀ ବିଭାଗ କୌଣସି ସୁତ୍ରରୁ ଖବର ପାଇ ସୋନପୁର -ବୌଦ୍ଧ ରାସ୍ତାରେ ଯାଞ୍ଚ କରୁଥିବା ବେଳେ ବୌଦ୍ଧ ପଟରୁ ଆସୁଥିବା ଏକ ମାହିନ୍ଦ୍ରା ସ୍କର୍ପିଓ ଗାଡ଼ି ନଂ OD17L-3490 କୁ ଅଟକାଇ ଯାଞ୍ଚ କରିବାରୁ ସେଥିରୁ ୨ ଟି ଜରି ଅଖାରେ ଭର୍ତ୍ତି ଥିବା ୨୨କେଜି ଗଞ୍ଜେଇ ଜବତ କରିବା ସହ ଗାଡିରେ ଥିବା ୨ ଜଣ ବେପାରୀ ଝାରସୁଗୁଡ଼ା  ଜିଲ୍ଲା ଗୋଲାପଡା, ବ୍ରଜରାଜନଗର ନିବାସୀ ଅନିଲ କୁମାର ପ୍ରସାଦ (୩୨), ବିଦ୍ୟା ସାଗର ସାହୁ   (୨୬)    ସେହିପରି ବିନିକା ବ୍ଲକ ଅବକାରୀ ବିଭାଗ ପକ୍ଷରୁ ଚୌକି ଜୋର ଛକରେ ସୋନପୁର ପଟରୁ ଏକ ଏକଟିଭା  ସ୍କୁଟିକୁ OD 17 Z 7762 ଅଟାକାଇ ଥିଲେ ।  ଅବକାରୀ ବିଭାଗ ପକ୍ଷରୁ ଚଢ଼ାଉ କରି ଏଥିରୁ ୧୦କେଜି ଗଞ୍ଜେଇ ଜବତ କରିଥିଲେ । ଓ ବରଗଡ଼ ଜିଲ୍ଲା କୃଷ୍ଣପୁର , ଭଟଲି ନିବାସୀ ଅଲେଖ ମେହେର (୩୪), କିରଣ ମାଝୀ  (୩୦)  କୁ ଗିରଫ କରିଛି ଅବକାରୀ ବିଭାଗ। ଅବକାରୀ ଏସପି ପ୍ରବୀର ସାମଲ ଙ୍କ ନିର୍ଦ୍ଦେଶରେ ଏହି ଚଢାଉ ରେ ଅବକାରୀ ଇନ୍ସପେକ୍ଟର ପ୍ରକାଶ ସା ଙ୍କ ନେତୃତ୍ଵରେ ବିଭାଗ ର କର୍ମଚାରୀମାନେ ବୁଢ଼ାରଜା ଛକ ପାଖରେ ସକାଳ ୯.୩୦ମିସମୟରେ  ଏହି ଚଢାଉ କରିଥିବା ବେଳେ   ସେହି ପରି ବିନିକା ବ୍ଲକ ଚୋକିଜୋର ଛକରେ ସକାଳ ୭ ଟା ବେଳେ ଅନ୍ୟ କେଶ୍ ରେ ଅଭିଯୁକ୍ତ ମାନଙ୍କୁ ଗିରଫ କରିଥିଲେ। ତେବେ ଆଜି ଅଭିଯୁକ୍ତ ମାନଙ୍କୁ  କୋର୍ଟ ଚଲାଣ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।