09-Oct-2026

ଟିଟିଲାଗଡ(ପ୍ରେରଣା ଖବର)- ମାତ୍ର ୩୨ ଦିନର ଏକ ଶିଶୁକୁ ଆବଶ୍ୟକ ଥିଲା ଏକ ଅତ୍ୟନ୍ତ ବିରଳ ରକ୍ତ ଗ୍ରୁପ୍। ଦୁଇ ଦିନ ଧରି ପରିବାର ରକ୍ତ ପାଇଁ ଚିନ୍ତିତ ହୋଇ ଖୋଜାଖୋଜି କରୁଥିବା ବେଳେ, ଦେବଦୂତ ସାଜି ଆଗେଇ ଆସିଲେ ଟିଟିଲାଗଡ଼ ହାଇସ୍କୁଲ ପଡ଼ାର ଶିକ୍ଷା ବିଭାଗରେ କାର୍ଯ୍ୟ କରୁଥିବା ସୁଦୀପ କୁମାର ତ୍ରିପାଠୀ। 

ନିଜ ଖର୍ଚ୍ଚରେ ଟିଟିଲାଗଡ଼ରୁ ବରଗଡ଼ ଯାତ୍ରା କରି, ଅଚିହ୍ନା ଶିଶୁଟିର ଜୀବନ ରକ୍ଷା ପାଇଁ ରକ୍ତଦାନ କଲେ। ନା ଥିଲା କୌଣସି ପୁରସ୍କାରର ଆଶା, ନା କୌଣସି ବ୍ୟକ୍ତିଗତ ସ୍ୱାର୍ଥ—ଥିଲା କେବଳ ମାନବିକତା ଓ ଜୀବନ ବଞ୍ଚାଇବାର ମହାନ ଭାବନା।

ଏହି ମହତ୍ କାର୍ଯ୍ୟକୁ ଆଇପିଏସ୍ ଅଧିକାରୀ ଅରୁଣ ବୋଥ୍ରା ମଧ୍ୟ ପ୍ରଶଂସା କରିଛନ୍ତି। ଏହି ଖବର ପ୍ରଚାରିତ ହେବା ପରେ ଅଞ୍ଚଳବାସୀ ଏହି ସେବା ଯୋଗୁଁ ସୁଦୀପ କୁମାର ତ୍ରିପାଠୀଙ୍କୁ ଲୋକେ ସମାଜ ସେବା କ୍ଷେତ୍ରରେ ମାନବିକତାର ଉଦାହରଣ ବୋଲି ଆଲୋଚନା କରୁଛନ୍ତି।