02-Dec-2024

ସୋନପୁର (ମନୋରଞ୍ଜନ ତ୍ରିପାଠୀ )
ସୋନପୁର କଲେଜ୍ ପଡିଆ ଠାରେ ଜିଲ୍ଲା କୋର୍ଟ କର୍ମଚାରୀ ସଂଘ ଓ ଜିଲ୍ଲା ଓକିଲ ସଂଘ ମଧ୍ୟରେ ଏକ ବନ୍ଧୁତ୍ୱ ପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଟିତ ହୋଇ ଯାଇଛି l ଜିଲ୍ଲା  କୋର୍ଟ କର୍ମଚାରୀ ସଂଘ ଦଳ ପ୍ରଥମେ ଇନିଂସ୍ ବ୍ୟାଟିଂ କରି ଜିଲ୍ଲା ଓକିଲ ସଂଘ ଦଳ କୁ ୧୬୩ ରନ୍ ଟାର୍ଗେଟ ଦେଇଥିବା ବେଳେ ଦ୍ବିତୀୟ ଇନିଂସ ବ୍ୟାଟିଂ କରି ମାତ୍ର ୪୧ ରନ୍ ରେ ଜିଲ୍ଲା ଓକିଲ ସଂଘ ଦଳ ଖେଳାଳି ଅଲ୍ ଆଉଟ୍ ହୋଇ ଯାଇଥିଲେ l ଶିବାଶିଷ ମିଶ୍ର ଜିଲ୍ଲା ଜଜ୍ କୋର୍ଟ ଦଳ ର କ୍ୟାପଟେନ ଦାୟିତ୍ବ ତୁଲାଇ ଥିବା ବେଳେ ତାଙ୍କ ବିଜୟୀ ଦଳ ପକ୍ଷରୁ ରକି ମେହେର ସର୍ବାଧିକ ୫୭ ରନ ସ୍କୋର କରିଥିଲେ l ସେହିପରି ବିଜୟୀ ଜିଲ୍ଲା କୋର୍ଟ କର୍ମଚାରୀ ସଂଘ ଦଳ ର ସୁପ୍ରତୀକ ମିଶ୍ର ସର୍ବାଧିକ ଛଅ ଟି ୱିକେଟ ହାସଲ କରି ଜିଲ୍ଲା ଓକିଲ ସଂଘ ଦଳ କୁ ଧରାଶାୟୀ କରିଦେଇଥିଲେ l ମୁଖ୍ୟ ଅତିଥି ଭାବରେ ଜିଲ୍ଲା ଦୌରା ଜଜ୍ ଶ୍ରୀ ରଶ୍ମୀ ମୋହନ ଆଚାର୍ଯ୍ୟ ମ୍ୟାଚ୍ ର ଶୁଭ ଉଦ୍ଘାଟନ କରିଥିବା ବେଳେ ଫେମିଲି କୋର୍ଟ ଜଜ୍ ଶ୍ରୀ ପ୍ରଶାନ୍ତ ମିଶ୍ର ଓ ରେଜିଷ୍ଟ୍ରାର ଶଙ୍ଖ ଚକ୍ରବର୍ତ୍ତୀ ସମ୍ମାନୀତ ଅତିଥି ଭାବରେ ଯୋଗ ଦେଈ ଉଭୟ ଦଳ ର ଖେଳାଳି ଙ୍କୁ ଉତ୍ସାହିତ କରିଥିଲେ ଓ ବିଜୟୀ ଦଳ ଓ ଶ୍ରେଷ୍ଠ ଖେଳାଳି ମାନଙ୍କୁ ପୁରସ୍କୃତ କରିଥିଲେ l ନନ୍ଦ କିଶୋର ତ୍ରୀପାଠୀ ଜିଲ୍ଲା ଓକିଲ ସଂଘ  ଦଳ ପକ୍ଷରୁ କ୍ୟାପଟେନ ଦାୟିତ୍ବ ତୁଲାଇ ଥିବା ବେଳେ ଓକିଲ ସଂଘ ସଭାପତି ବିଧାନ ଚନ୍ଦ୍ର ପାଣିଗ୍ରାହୀ ଓ ସଂପାଦକ ଦାଶ ଦିପ୍ତ ମହାପାତ୍ର ଖେଳାଳି ଙ୍କୁ ଉତ୍ସାହିତ କରିଥିଲେ l