09-Jan-2021

କଳାହାଣ୍ଡି(ପ୍ରେରଣା ଖବର) କଳାହାଣ୍ଡି ଜିଲ୍ଲା ଜୟପାଟଣା ବ୍ଳକ ମୁଖୀଗୁଡା ଇନ୍ଦ୍ରାବତୀ ମେଗାଲିଫ୍ ଜଳସେଚନ ଚୂଡ଼ାନ୍ତ ପର୍ଯ୍ୟାୟରେ ପହଁଞ୍ଚି ସାରିଛି।ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଉପସ୍ଥିତିରେ ଏହାକୁ ଲୋକାର୍ପଣ କରାଯିବ ବୋଲି ମଙ୍ଗଳପୁର ପମ୍ପ ହାଉସ୍ ପରିସରରେ ବ୍ୟାପକ ପ୍ରସ୍ତୁତି ଚାଲିଛି। ଶୁକ୍ରବାର ସକାଳ ୮ଟା ସମୟରେ କଳାହାଣ୍ଡି ଜିଲ୍ଲାପାଳ ଓ ଏପି ପ୍ରକଳ୍ପ ସ୍ଥଳରେ ପହଞ୍ଚି ପ୍ରାକ୍ ପ୍ରସ୍ତୁତି ସମ୍ପର୍କରେ ଅଧିକାରୀଙ୍କ ସହ ବ୍ୟାପକ ଆଲୋଚନା ଓ ଅଞ୍ଚଳର ସ୍ଥିତି ଅନୁଧ୍ୟାନ କରିଛନ୍ତି।କିପରି ସୁରକ୍ଷିତ ଭାବେ କାର୍ଯ୍ୟକ୍ରମ ସଫଳ ହେବ ସେ ଦିଗରେ ବିଶେଷ ଭାବରେ ଉଦ୍ୟମ ଜାରି କରାଯାଇଛି କଳାହାଣ୍ଡି ଜିଲ୍ଲାପାଳ ଡଃ ଗାଭାଳି ପରାଗ ହର୍ଷଦ, ଏସପି ଡଃ ଶ୍ରବଣା ବିବେକ ଏମ, ଲୋକାର୍ପଣକୁ ନେଇ ଅସ୍ଥାୟୀ ହେଲିପ୍ୟାଡ୍ ପଡ଼ିଆ ଏବଂ ବ୍ୟବସ୍ଥା ସମ୍ପର୍କରେ ସବିଶେଷ ଆଲୋଚନା କରି ଫେରିଛନ୍ତି। ଆଲୋଚନାରେ ଅନ୍ୟମାନଙ୍କ ମଧ୍ୟରେ ମୁଖ୍ୟ ନିର୍ମାଣ ଯନ୍ତ୍ରୀ ପଦ୍ମନାଭ ପଣ୍ଡା, ବିଡିଓ ଐଶ୍ବର୍ଯ୍ୟା ସାମନ୍ତରାୟ, ତହସିଲ୍‌ଦାର ସୁଭଦ୍ରା ମୁଣ୍ଡିକା, ଥାନାଧିକାରୀ ରଶ୍ମିତା ପ୍ରଧାନ ନିର୍ବାହୀ ଯନ୍ତ୍ରୀ ରାଜକୁମାର ବେହେରା, ଅଜିତ ପାତ୍ର, ପୂର୍ବ ବିଭାଗର ନିର୍ବାହୀ ଯନ୍ତ୍ରୀ ଅଜିତ ବାବୁ ସମେତ ପଦାଧିକାରୀ ମାନେ ଉପସ୍ଥିତ ଥିଲେ। ସୂଚନା ଥାଉକି ଏଲଆଣ୍ଡଟି ଦ୍ଵାରା ୭୫୬ କୋଟି ଟଙ୍କା ବ୍ୟୟରେ ନିର୍ମିତ ହେଉଛି ଇନ୍ଦ୍ରାବତୀ ମେଗାଲିଫ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚଳିତ ମାସ ୧୪ ତାରିଖରେ ଇନ୍ଦ୍ରାବତୀ ମେଗା ଲିଫ୍ଟର ଲୋକାର୍ପଣ କାର୍ଯ୍ୟକ୍ରମ ରଖିଥିବାରୁ ସମସ୍ତଙ୍କ ମନରେ ଅହେତୁକ ଉତ୍ସାହ ଲାଗି ରହିଥିବା ଦେଖିବାକୁ ମିଳୁଛି ଏବଂ ୨୫ହଜାର ୨୭୫ ହେକ୍ଟର ଜମିରେ ପାଣି ଲାଗିବ ନେଇ ଚାଷୀଙ୍କ ମନରେ ଉତ୍ସାହ ର ଲହରି ଦେଖିବାକୁ ମିଳିଛି।