01-Dec-2024

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଉପର ବାହାଲ ପଞ୍ଚାୟତ ଅନ୍ତର୍ଗତ ଫଟାମୁଣ୍ଡା ରେ ଏକ ମହିଳା ନିମ୍ବଗଛ ରେ ନିଜ ଶାଢ଼ୀ  ଲଗାଇ ଆତ୍ମହତ୍ୟା କରିଥିବା ପୁଲିସ ଠାରୁ ସୂଚନା ମିଳିଛି l ଫଟାମୁଣ୍ଡା ଗ୍ରାମର ମହେନ୍ଦ୍ର ସା 5 ବର୍ଷ ହେବ ଲୋଇସିଂହା ଥାନା ଅନ୍ତର୍ଗତ ଲୁଚୁକିବାହାଲ୍ ଗ୍ରାମ ର ଢ଼େକଲ ସାହୁ ଙ୍କ ଝିଅ ସୀମା ସାହୁ ଙ୍କୁ  ହିନ୍ଦୁ ରୀତିନୀତି ଅନୁସାରେ ମନ୍ଦିର ରେ ବିବାହ କରିଥିଲେ ଓ ବର୍ତ୍ତମାନ ଏକ କନ୍ୟା ସନ୍ତାନ ଟିଏ ମଧ୍ୟ ଅଛି l ଅନେକ ସମୟରେ ମହେନ୍ଦ୍ର ସୀମାକୁ ଯୌତୁକ ଓ ଶାରୀରିକ ନିର୍ଯାତନା ଦେଇ ଆସୁଥିବା ମହିଳା ଜଣକ ନିଜ ବାପ ଘରେ ଜଣାଇ ଆସୁଥିଲେ l ହଟାତ୍ ଏକ ଦିନ ଆଗରୁ ମହେନ୍ଦ୍ର ତୁମ ଝିଅ କୁଆଡେ ନିଖୋଜ ହୋଇ ଯାଇଛି ବୋଲି ମହିଳା ର ବାପା ଢ଼େକଲ୍ ସାହୁ କୁ ଫୋନ ରେ କହିଥିଲେ l ଖବର ପାଇ ବାପା ଘର ପରିବାର ଲୋକେ ଫଟାମୁଣ୍ଡା କୁ ଆସି ଖୋଜାଖୋଜି  କଲାପରେ ନ ପାଇବାରୁ ପୁଣି ନିଜ ଗାଁ ଲୁଚୁକିବାହଲ କୁ ଫେରି ଯାଇଥିଲେ l ପୁଣି ପରବର୍ତ୍ତୀ ଦିନ ଝିଅ ଶ୍ୱଶୁର ଘର ଠାରୁ ଖବର ପାଇଲେ ଯେ ନିମ୍ବଗଛ ରେ ଝୁଲି ଆତ୍ମହତ୍ୟା କରିଛି ବୋଲି l ପରିବାର ସମସ୍ତ ଲୋକେ ଫଟାମୁଣ୍ଡା ଆସି  ଘଟଣା ଦେଖିଲା ପରେ  ଆଗଲପୁର ଥାନାରେ  ମହିଳା ର ବାପା ହତ୍ୟା କରିଥିବା ନେଇ ଲିଖିତ ଅଭିଯୋଗ କରିଛନ୍ତି l ହତ୍ୟା ରେ ମହେନ୍ଦ୍ର ସା, ବେଣୁଧର ସା, ଲୋଚନ ସା ସଂଶ୍ଳିଷ୍ଟ ଥିବା ଦର୍ଶାଇଛନ୍ତି l ଆଗଲପୁର ପୋଲିସ ଘଟଣା ସ୍ଥାନକୁ ପହଂଚି ତଦନ୍ତ ଚଳାଇଥିବା ବେଳେ ଏହି ଘଟଣା ର ତଦନ୍ତ କରି ଉଚିତ୍ ପଦକ୍ଷେପ ନେବା କୁ ସୀମାର ପରିବାର ଲୋକେ ଦାବି କରିଛନ୍ତି l ପ୍ରକୃତ ଘଟଣା ଟି ତଦନ୍ତ ପରେ ଜଣା ପଡିବ l