01-Dec-2024

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ଅନ୍ତର୍ଗତ କଲାପଥର ସ୍ଥିତ ସତ୍ୟବାଦୀ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ରେଡ୍ ରିବିନ୍ କ୍ଳବ ଓ ଯୁବ ରେଡକ୍ରସ୍ ମିଳିତ ଆନୁକୁଲ୍ୟରେ ବିଶ୍ୱ ଏଡ଼ସ ଦିବସ ପାଳିତ ହୋଇଯାଇଛି। ଏହି ଅବସରରେ ପର୍ଯ୍ୟଟନସ୍ଥଳି ପାତାଳି ଶ୍ରୀକ୍ଷେତ୍ର ଠାରେ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହେଇଥିଲା । ଏଥିରେ ରେଡ୍ କ୍ରସ୍ ସଭ୍ୟ ମାନେ  କୋଟସମଲାଇ ଗ୍ରାମରୁ ଏକ ସଚେତନତା ଶୋଭାଯାତ୍ରାରେ ବାହାରି ତ୍ରିକୁଟ  ପାହାଡର ପାଦ ଦେଶ ପର୍ଯ୍ୟନ୍ତ ଯାଇଥିଲେ । ରେଡ୍ କ୍ରସ୍ କାଉନ୍ ସେଲର୍  ଅଧ୍ୟାପକ ଶ୍ରୀ କିଶୋର ସାହୁ ଙ୍କ ସଭାପତିତ୍ୱରେ ଏକ ସଭାର ଆୟୋଜନ  କରାଯାଇଥିଲା। ଉକ୍ତ କାର୍ଯ୍ୟକ୍ରମର ଉଦ୍ଦେଶ୍ୟ ଓ ଏଡ଼ସ ଦିବସ ଉପରେ ଆଲୋକପାତ କରିଥିଲେ । ସଂସ୍କୃତ ଶିକ୍ଷକ  କାଳିଆ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଏଡସ ର କାରଣ ,ଭୟାବହତା ଓ ସଚେତନତା ବିଷୟରେ ଆଲୋଚନା କରିବା ସହ ଅନୁଷ୍ଠାନର ପ୍ରଚେଷ୍ଟାକୁ ଭୁରିଭୁରି ପ୍ରଶଂସା କରିଥିଲେ ।ପାତାଳି ଶ୍ରୀକ୍ଷେତ୍ର ତ୍ରଷ୍ଟର ସଭାପତି ପୁର୍ଣ୍ଣଚନ୍ଦ୍ର ପାଢୀ ମୁଖ୍ୟବକ୍ତା ଭାବେ ପ୍ରଭୁ ଶ୍ରୀ ଜଗନ୍ନାଥଙ୍କ ପାତାଳି ଉପାଖ୍ୟାନ ସହ ଜଗନ୍ନାଥ ସଂସ୍କୃତିର ଆଲୋଚନା କରିଥିଲେ । ଏଡସ୍ ଦିବସ ଉପଲକ୍ଷେ ପୁର୍ବରୁ ଅନୁଷ୍ଠିତ ହେଇଥିବା ପ୍ରବନ୍ଧ ଓ ଚିତ୍ରାଙ୍କନ ପ୍ରତିଯୋଗିତାର କୃତି ଛାତ୍ରଛାତ୍ରୀ ମାନଙ୍କୁ ପୁରଷ୍କାର ପ୍ରଦାନ କରାଯାଇଥିଲା ।ସଭା ସମାପ୍ତି ପରେ ବିଭିନ୍ନ ସମୟରେ ପାତାଳି  ଶ୍ରୀକ୍ଷେତ୍ର କୁ ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ପର୍ଯ୍ୟଟକ ମାନେ ବଣଭୋଜି ଓ ଦର୍ଶନ ପାଇଁ ଆସିବା ଦ୍ୱାରା ତାଙ୍କ ବର୍ଯ୍ୟବସ୍ତୁରେ ଅପରିଷ୍କୃତ ପରିବେଶକୁ ସଫାକରି ସଫେଇ କାମ ମାଧ୍ୟମରେ ପରିବେଶକୁ ସୁସ୍ଥ , ପଲିଥିନ ମୁକ୍ତ ରଖିବାକୁ ଉଦାହରଣ ସୃଷ୍ଟିକରିବା ସହ  ପରିସର ରେ ପ୍ଲା କାର୍ଡ ଛାପି ସଚେତନ ହେବାକୁ ନିବେଦନ କରିଥିଲେ ।  କଳାପଥର କଲେଜର ଏପରି ଅଭିନବ  ଉଦ୍ୟମକୁ ଅଞ୍ଚଳବାସି ସାଧୁବାଦ ଜଣାଇଥିଲେ  ଏବଂ ଆଗାମି ଦିନରେ ପାତାଳି ମହୋତ୍ସବ ଓ ରଥଯାତ୍ରା ସମୟରେ ସହଯୋଗ ଦେବାକୁ ଅନୁରୋଧ କରିଥିଲେ ।  ଶେଷରେ ଅଧ୍ୟପିକା  ପ୍ରତିମା ବାରିକ୍ ଧନ୍ୟବାଦ ଅର୍ପଣ କରିଥିବା ବେଳେ  ଦେବଯାନୀ ମେଶୁଆ ,ଶଶାଙ୍କ ସୁଆର ,  ଶାନ୍ତନୁ ପଧାନ,ବସୁଦେବ ରଣା ,ସଂଜୟ କର୍ଣ୍ଣ ,ଶିବବ୍ରତ କର୍ଣ୍ଣ ,ବିଷ୍ଣପ୍ରସାଦ ବେହେରା ଓ ବ୍ରଜକିଶୋର ମହାକୁର କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ ।