01-Dec-2024

ଏଡ଼ସ ହେଉଛି ଗୋଟିଏ ରୋଗ । ଏଡ଼ସ ର ପୁରା ନାମ Acquired Immune Deficiency Syndrome । ଏହାର ଅର୍ଥ ଅର୍ଜିତ ରୋଗ ପ୍ରତିରୋଧକ ଶକ୍ତି ଅଭାବଜନିତ ବିବିଧ ଲକ୍ଷଣ । ୧୯୮୧ ମସିହାରେ ଯୁକ୍ତରାଷ୍ଟ୍ର ଆମେରିକାର ଜର୍ଜିଆ ପ୍ରଦେଶରେ ପ୍ରଥମେ ଏଡ଼ସ ରୋଗ ଦେଖାଦେଇଥିଲା ।

■■■◇◇◇◇■■■■◇◇◇◇■■■

ବଲାଙ୍ଗିର(ପ୍ରେରଣା ଖବର): ଆୟୁଷ୍ମାନ ଆରୋଗ୍ୟ ମନ୍ଦିର, ଶାସ୍ତ୍ରୀ ନଗର ବଲାଙ୍ଗିର ପକ୍ଷରୁ ବିଶ୍ୱ ଏଡସ ଦିବସ ଓ ରକ୍ତଦାନ ଶିବିର ଆୟୋଜନ କରାଯାଇଥିଲା l
 ପ୍ରତିବର୍ଷ ଭଳି ଡିସେମ୍ବର ୧ ତାରିଖକୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ ‘ବିଶ୍ୱ ଏଡସ୍ ଦିବସ’ ଭାବେ ପାଳନ କରାଯାଉଛି l ଏଡସ ନିୟନ୍ତ୍ରଣ ଓ ନିରାକରଣ ଉଦ୍ଦେଶ୍ୟରେ ଏହି ଦିବସ ସମର୍ପିତ। ଏହି ଦୂରାରୋଗ୍ୟ ବ୍ୟାଧିରୁ ଦୂରେଇ ରହିବା ପାଇଁ ଲୋକଙ୍କୁ ସଚେତନ କରିବା ଏହି ଦିବସର ମୂଳ ଲକ୍ଷ୍ୟ l କେବଳ ସଚେତନତା ହିଁ ଏଡସ୍ କବଳରୁ ବର୍ତ୍ତିବାର ଏକମାତ୍ର ଉପାୟ ବୋଲି ବଲାଙ୍ଗୀର ସି ଡି ଏମ୍ ଓ  ଡ଼ା ରମେଶ ଚନ୍ଦ୍ର ସାହୁ ମତାମତ ଦେଇଛନ୍ତି l ସି ଡି ଏମ୍ ଓ  ଶ୍ରୀ ସାହୁ  ଶାସ୍ତ୍ରୀ ନଗର ଆୟୁଷ୍ମାନ ଆରୋଗ୍ୟ ମନ୍ଦିର ମଧ୍ୟରେ ଚାଲିଥିବା ରକ୍ତଦାନ 

ଶିବିରକୁ ବୁଲି ଦେଖିଥିଲେ । 
ଏଡ଼ସ ରୋଗ ଓ ଏହାର ଭୟାବହତା ବିଷୟରେ ଲୋକଙ୍କୁ ସଚେତନ କରାଇବା ଉଦ୍ଦେଶ୍ୟରେ ୧୯୮୮ ମସିହାରୁ ପ୍ରତିବର୍ଷ ବିଶ୍ୱ ଏଡ଼ସ ଦିବସ ପାଳନ କରାଯାଉଛି ଓ ‘ବିଶ୍ୱ ଏଡସ ଦିବସ’ ଓ ଏହାର ସଚେତନତା ହିଁ ଏକମାତ୍ର ବିକଳ୍ପ ବୋଲି ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ ଡ଼ା ଦିବ୍ୟ କିଶୋର ପତି ଜଣାଇ ଥିଲେ l ପ୍ରତିବର୍ଷ ହଜାର ହଜାର ଲୋକ ଏଚଆଇଭି ସଂକ୍ରମିତ ହେଉଛନ୍ତି । ଏଡ୍‌ସ ସମ୍ପର୍କରେ ଲୋକଙ୍କୁ ବିଭିନ୍ନ ପ୍ରକାର ବିଜ୍ଞାପନ, ହୋର୍ଡ଼ିଂ, ଗଣମାଧ୍ୟମ ଜରିଆରେ ସଚେତନ କରିବା, ଗାଁ ଠୁ ନେଇ ସହରକୁ ଏଡସ ମୁକ୍ତ କରିବା ଓ ଏକ ସୁସ୍ଥ ସମାଜ ଗଢିବାକୁ ସମସ୍ତେ ଯତ୍ନବାନ ହେବା ଦରକାର ବୋଲି ଜିଲ୍ଲା ଜାତୀୟ ମିଶନ ଡ଼ି.ପି.ଏମ  ମୃତ୍ୟଞ୍ଜୟ ମୁଣ୍ଡ ଜଣାଇ ଥିଲେ l 
ଏହି ରୋଗ ପ୍ରତି ସଚେତନ ହେବା ଓ ଏହାକୁ ଉତ୍ତମ ଚିକିତ୍ସା ପ୍ରଣାଳୀ ଯୋଗାଇ ଦେଇ ପାରିବା ଏଥିରେ ସନ୍ଦେହ ନାହିଁ, କେବଳ ଡିସେମ୍ବର ୧ କାହିଁକି ପ୍ରତି ଦିନ ଏଡସ ବିରୋଧରେ ସଚେତନତା ଦରକାର । ଆଉ ଏହି ସଂଗ୍ରାମ ପାଇଁ  ସଭିଙ୍କ  ସହଯୋଗ ଆଉ ପ୍ରୋତ୍ସାହନ ଲୋଡ଼ା ବୋଲି ନେସନାଲ ପିସ ୟୁନିସନ ନିର୍ଦ୍ଦେଶକ ସତ୍ୟ ରଞ୍ଜନ ମିଶ୍ର ଜଣାଇଥିଲେ 

୧୯୮୬ ମସିହାରେ ଭାରତରେ ଓ ୧୯୯୨ ମସିହାରେ ଆମ ଓଡିଶାରେ ଏଡ଼ସ ରୋଗୀର ଚିହ୍ନଟ ହୋଇଥିଲା । ଏହି ରୋଗରେ ପୀଡିତ ବ୍ୟକ୍ତିଙ୍କ ପ୍ରତିରକ୍ଷା ପ୍ରଣାଳୀ ସମ୍ପର୍କ ରେ ଜିଲ୍ଲା ଏଡ଼ସ ନିୟନ୍ତ୍ରଣ ପ୍ରଜେକ୍ଟ ମ୍ୟାନେଜର ରାଜେନ୍ଦ୍ର ମହାରଣା ଜଣାଇଥିଲେ l ବିଶ୍ୱ ଏଡ଼ସ ଦିବସ ଅବସରରେ ସଦର ଭୀମ ଭୋଇ ମେଡିକାଲ କଲେଜ,ଜିଲ୍ଲା ମୁଖ୍ୟ ଚିକିତ୍ସାଳୟ ମଧ୍ୟରେ ସ୍ୱାସ୍ଥ୍ୟକର୍ମୀ, ଆଶା, ଏ.ଏନ.ଏମ, ସ୍ୱାସ୍ଥ୍ୟ ଯୋଗାଣକାରିଙ୍କୁ ନେଇ ଏକ ସଚେତନତା ପଦଯାତ୍ରା କରାଯାଇଥିଲା ଯାହାକୁ ଜିଲ୍ଲା ଡେପୁଟି ଜିଲ୍ଲାପାଳ ଶ୍ରୀ ପ୍ରଶାନ୍ତ କୁମାର ମହାପାତ୍ର ସବୁଜ ପତାକା ଦେଖାଇ ଏହାକୁ ଶୁଭ ଉଦଘାଟନ କରାଇଥିଲେ l