01-Dec-2024

ନର୍ଲା (ଚିନ୍ତାମଣି ନାଏକ ) ନର୍ଲା-ରୁପ୍ରା-ପଲମ ର ରାସ୍ତା କାମ ପାଇଁ ସରକାରୀ ଅନୁମତି ଓ ଅନୁଦାନ ମିଳିଛି । ରୁପ୍ରାରୋଡ ରୁ ନର୍ଲା ପଟକୁ ରାସ୍ତା କାମ ଆରମ୍ଭ ହୋଇନଥିବା ବେଳେ,ନର୍ଲା ପଟରୁ ମାତ୍ର ୨୦୦ ମିଟର ରାସ୍ତାକୁ ଖୋଲିଛି ଏ ଆର୍ ଏନ୍ ଏସ୍ ଠିକା ସଂସ୍ଥା । ନିର୍ବାଚନ ପୂର୍ବରୁ ରାସ୍ତା ଖୋଳା ଯାଇଥିବା ବେଳେ ଲୋକେ ଭାବିଲେ କାମ ହୋଇଯିବ । ରାସ୍ତାର ନବୀକରଣ ହେଲେ ଯାତାୟତ ସୁବିଧା ହେବ । ହେଲେ ଲୋକଙ୍କ ଆଶା ଆଜିଯାଏଁ ଆଶାରେ ରହିଯାଇଛି । ପାଲଟା ସୁଖ ପାଇବା ବଦଳରେ ଲୋକେ ପାଉଛନ୍ତି ମହାଦୁଃଖ । ଖୋଳା ଯାଇଥିବା ଚକ୍ର ରାସ୍ତାରେ ଯାନ ବାହାନ ଚଳାଚଳ ହେଉଥିବାରୁ ଧୂଳି ଧୂସର ହେଉଛି ରାସ୍ତା ।  ସାଧାରଣ ଲୋକେ ଯାତାୟତ କରିବା ସମୟରେ ଅଣନିଃଶ୍ବାସୀ ହୋଇ ପଡ଼ୁଛନ୍ତି । ଏ ସଂପର୍କରେ ପୂର୍ତ୍ତ ବିଭାଗର ଉପଖଣ୍ଡୀୟ ଅଧିକାରୀ ସୁବ୍ରତ ସାହୁଙ୍କୁ ପଚାରିବାରୁଜଣାଇବାରୁ ସେ ପାଣି ଦେବା ପାଇଁ ମୁଁ ଠିକାଦାରଙ୍କୁ କହୁଛି ବୋଲି କହିଥିଲେ । ଏହା ମଧ୍ୟରେ ୩ ଦିନ ବିତି ଯାଇଥିଲେ ହେଁ ଓ ଅଧିକାରୀ ଶ୍ରୀ ସାହୁ କହିଥିଲେ ହେଁ ଠିକାଦାର ଜଣକ ବାସି ପାଣିରେ ଖାତିରି କରୂ ନାହାନ୍ତି । ବିଭାଗୀୟ ଅଧିକାରୀଙ୍କ କଥା ଯେଉଁଠି କାମ କରୁନି ସେଇଠି ସାଧାରଣ ଜନତା କରିବେ କଣ । ବିଭାଗକୁ ଯେଉଁ ଠିକାଦାର ଖାତିରି କରୁନାହିଁ, ସେ ସାଧାରଣ ଜନତା ଅଭିଯୋଗ କଲେ କେଉଁ ଭଳି ଗ୍ରହଣ କରୁଥିବ ତାହା ଅନୁମାନ ସାପେକ୍ଷ । ସଂପୃକ୍ତ ରାସ୍ତା ଜନତାଙ୍କ ସମ୍ପତ୍ତି ଓ ଏହାରା ମିଲିକାନାତ୍ବ ରାଜ୍ୟ ସରକାରଙ୍କ ରହିଛି । ଯେଉଁ କୋଟି ଅର୍ଥ ରାଶି କାମ କରିବାକୁ ସରକାର ଦେଇଛନ୍ତି ତାହା ମଧ୍ୟ ଜନତାଙ୍କର । ହେଲେ ଏ ଆର୍ ଏନ୍ ଏସ୍ ଠିକା ସଂସ୍ଥା ନିଜର ହୁକୁମ୍ ଜାହିର କରି ମନ ଇଚ୍ଛା କାମ କରୁଛି । ଧୂଳି ଗୁଣ୍ଡ ଉଡି ସାଧାରଣ ଲୋକେ ସନ୍ତାପିତ ହେଲେ ଠିକାଦାରର କଣ ଯାଏ ଆସେ । ତେବେ ଜିଲ୍ଲାପାଳ ଏଥିପ୍ରତି ଦୃଷ୍ଟି ଦେବାକୁ ସାଧାରଣ ଜନତା ଦାବୀ କରିଛନ୍ତି ।