30-Nov-2024

(ମନୋରଞ୍ଜନ ତ୍ରିପାଠୀ )
  ଅର୍ଥା ଭାବ ଯୋଗୁଁ ଗାଡ଼ି ଭଡ଼ା କରି ନ ପାରି ବାଇକ୍ ରେ ଶବ ବୋହି ନେଲେ  ନିରୀହ ଗରିବ ପରିବାର l  ଏଭଳି ଏକ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବିନିକା ସହର ରେ  l ବିନିକା ସହର ପାତିକାରପଡ଼ାର  ବିଦ୍ୟାଧର ନାଏକ (୬୫)ଙ୍କ ଛାତିରେ ଯନ୍ତ୍ରଣା ହେବାରୁ ତାକୁ ବିନିକା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା I ମେଡ଼ିକାଲରେ ଡାକ୍ତର ତାକୁ ଦେଖି ମୃତ ଘୋଷଣା କରିଥିଲେ I ଘରକୁ ଶବ ନେବା ପାଇଁ  ଅର୍ଥା ଭାଗ  ଥିବାରୁ ବେସରକାରୀ ଗାଡି କରି ପାରି ନଥିଲେ l  ବିନିକା ଡାକ୍ତରଖାନାରେ ଦୀର୍ଘ ବର୍ଷ ହେବ  ଅନେକ ଥର ପ୍ରଶାସନ କୁ ନେତା ମନ୍ତ୍ରୀ ଙ୍କୁ ଦାବି ହେଉଥିଲେ ମଧ୍ୟ ମହାପ୍ରୟାଣ ଗାଡ଼ି ଟିଏ ନ ଥିବାରୁ ବାଧ୍ୟହୋଇ ମୃତ ଶବକୁ ବାଇକରେ  ମେଡ଼ିକାଲରୁ ନିଜ ଘର ପାତିକାରପଡ଼ା କୁ ବୋହି  ନେଇଥିଲେ ପରିବାର ଲୋକେ I ଏହାକୁ  ଦେଖି  ୨୪ ବର୍ଷ ର ଗତ ମହାନ୍ ସରକାର ଗୋଟେ ମହା  ପ୍ରୟlଣ ଗାଡ଼ି ଟିଏ ଯୋଗାଇ ପାରି ନ ଥିବା ବିଷୟ ଅଞ୍ଚଳର ଜନସାଧାରଣ ଙ୍କ ମଧ୍ୟରେ ଖୁବ୍ ଚର୍ଚ୍ଚା ଓ ସମାଲୋଚନା ହୋଇଛି l  ବିନିକା ଡାକ୍ତରଖାନା ରେ ମହାପ୍ରୟାଣ ଗାଡିଟିଏ ନ ଥିବାରୁ ଅନେକେ ଏହିପରି ସାଇକେଲ, ବାଇକ ଓ କାନ୍ଧ ରେ ଶବ ବୋହି ନେଇଥିବା ନଜିର ରହିଛି । ସୁଚନା ଯୋଗ୍ୟ ଯେ ସୋନପୁର ପ୍ରାକ୍ତନ ଜିଲ୍ଲାପାଳ ,ସିଡିଏମଓ , ସୋନପୁର ବିନିକା ର ଜନ ପ୍ରତିନିଧି ଏ ଡାକ୍ତରଖାନାକୁ ମହାପ୍ରୟାଣ ଗାଡି  ଦିଆଯିବା କୁ ବାରମ୍ବାର ପ୍ରତିଶୃତି ଦେଇ ଥିଲେ ସୁଦ୍ଧା ତାଙ୍କ ପ୍ରତିଶ୍ରୁତି ପାଣିର ଗାର ହୋଇ ରହିଛି l ମହା ପ୍ରୟାଣ ଗାଡ଼ି ଟିଏ ଯୋଗାଇବା ରେ ଇଚ୍ଛା ଶକ୍ତି ର ଅଭାବ ଥିଲା ସତ l ହେଲେ ଏ ଜିଲ୍ଲା ର ସଚ୍ଚୋଟ ନିରୀହ ଲୋକ ଙ୍କ ମତ ଦାନ (ଭୋଟ) ଦ୍ୱାରା  କିନ୍ତୁ ଜନ ପ୍ରତିନିଧି ମାନଙ୍କ ପାଖରେ ଭଗଵାନ ଙ୍କ ଆଶୀର୍ବାଦ ରୁ ବଡ ବଡ ବିଭାଗ ଓ ଲାଲ ବତୀ ଭି ଭି ଆଇ ପି କ୍ୟାବିନେଟ୍ ଗାଡ଼ି ର କେବେ ଅଭାବ ନ ଥିଲା l  ରାଜ୍ୟ ସରକାର ଜିଲ୍ଲା ପ୍ରଶାସନ ଜରୀଆରେ ତୁରନ୍ତ ଵିନିକା କୁ ମହାପ୍ରୟାଣ ଗାଡ଼ି ଟିଏ ଯୋଗାଇ ଦେବା କୁ ଏ ବିନିକା ଅଞ୍ଚଳ ର ଜନସାଧାରଣ  ଦାଵି କରିଛନ୍ତି l