29-Nov-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଏହି ଜିଲ୍ଲାର ସର୍ବାଧିକ ଲୋକ ବାହାର ରାଜ୍ୟ କୁ ଦାଦନ ଖଟିବାକୁ ଯାଇଥାନ୍ତି। ଚଳିତବର୍ଷ ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଇବା ପାଇଁ ରାଜ୍ୟ ସରକାରଙ୍କ ସ୍ବତନ୍ତ୍ର ଟାକ୍ସଫୋର୍ସ ଗଠନ କରିଥିଲେ ସୁଦ୍ଧା ବେଆଇନ ଚାଲାଣ ବଢ଼ିବାରେ ଲାଗିଛି। ଯଦି ବାହାର ରାଜ୍ୟ କୁ ଦାଦନ ଖଟିବାକୁ ଯିବାକୁ ହେଲେ ଲାଇସେନ୍ସଧାରୀ ସର୍ଦ୍ଦାର ଦ୍ଵାରା ମୋଭମେଣ୍ଟ ଅର୍ଡର କରି ଯିବା କଥା କିନ୍ତୁ ସ୍ଥାନୀୟ ପୋଲିସ କୁ ସର୍ଦ୍ଦାର ମାନେ ହାତକରି ବେଆଇନ ଚାଲାଣ କରୁଥିବା ନଜିର ଆସିଛି। ବଲାଙ୍ଗିର ଜିଲ୍ଲାର ତୁରେକେଲା ଥାନା ଅଧିକାରୀ ୯ ଥର ଦାଦନ ଉଦ୍ଧାର କରି ପ୍ରଥମ ଅଧିକାର କରିଛନ୍ତି। ଦ୍ବିତୀୟ ସ୍ଥାନରେ  ବେଲପଡା ପୋଲିସ ଦାଦନ ଶ୍ରମିକ ରେ ସଫଳତା ପାଇଛନ୍ତି। ତୃତୀୟ ସ୍ଥାନରେ ଖପ୍ରାଖୋଲ ପୋଲିସ ଦାଦନ ଶ୍ରମିକ ଉଦ୍ଧାର  କରି ନାଁ ରଖିଛି। କିନ୍ତୁ ଆଶ୍ଚର୍ଯ୍ୟର କଥା ଯେ କଣ୍ଟାବାଞ୍ଜି ରେଲୱେ ଷ୍ଟେସନ ଓ ଲାଠୋର ରେଲୱେ ଷ୍ଟେସନ ରେ ପ୍ରତିଦିନ ହଜାର ହଜାର ବେଆଇନ ଦାଦନ ଚାଲାଣ ହେଉଥିବା ବେଳେ ଥରେ ଦୁଇ ଥର ଛୋଟ ଛୋଟିଆ ସର୍ଦ୍ଦାର କୁ ଧରି ନିରବଦ୍ରଷ୍ଟା ସାଜିଛନ୍ତି।ସୂଚନା ଅନୁସାରେ ଆଜି ସକାଳୁ ବେଲପଡା ପୋଲିସ ପେଟ୍ରୋଲିଂ କରୁଥିବା ବେଳେ ବେଲପଡା ଥାନା ଝାରଫଟାମୁଣ୍ଡା ଗାଁ ର ଦୁଇ ଜଣ ମହିଳା ଓ ଜଣେ ପୁରୁଷ କୁ ଗାଁ ର ସର୍ଦ୍ଦାର କାନ୍ତ ବାଗ ବସ୍ ଯୋଗେ ନେଉଥିବା ବେଳେ ତାକୁ ଧରିବାରେ ସକ୍ଷମ ହୋଇଥିଲେ। ଥାନା କୁ ଆଣି ପଚରାଉଚରା କରିବାରୁ ସେମାନଙ୍କୁ ବେଆଇନ ଭାବେ ତେଲେଙ୍ଗାନା ଇଟା ଗଢିବା ପାଇଁ ନିଆଯାଉଥିବା ବେଳେ ସର୍ଦ୍ଦାର କାନ୍ତ ବାଗ କୁ ଗିରଫ କରି ବେଲପଡା ଥାନା ୩୩୭/୨୪ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି। ପୁଣି ଥରେ ସନ୍ଧ୍ୟାରେ ବେଲପଡା ପୋଲିସ ପେଟ୍ରୋଲିଂ କରୁଥିବା ବେଳେ ବେଲପଡା ଥାନା କାନୁଟ ଗାଁ ର ସର୍ଦ୍ଦାର ତପନ ମହାନନ୍ଦ ବେଆଇନ ଭାବେ ହାଇଦ୍ରାବାଦ କୁ ୯ ଜଣ ଦାଦନ ଶ୍ରମିକ ଚାଲାଣ କରୁଥିବା ସମୟରେ ଧରାପଡିଥିଲେ। ଉକ୍ତ ଦାଦନ ଶ୍ରମିକ ଗୁଡ଼ିକ ମଧ୍ୟରେ ଲରମ୍ଭା ଥାନା ଅଏଁଲାତୁଙ୍ଗା ଗାଁ ର ୭ ଜଣ ହୋଇଥିବା ବେଳେ ଲୋଇସିଂହା ଥାନା ଝାଙ୍କରପାଲି ଗାଁ ର ୨ ଜଣ ବୋଲି ଜଣାପଡିଛି। ଉଦ୍ଧାର ଶ୍ରମିକ ମାନଙ୍କୁ ନିଜ ନିଜ ଘରକୁ ପଠାଇ ଦେଇଥିବା ବେଳେ ସର୍ଦ୍ଦାର ତପନ ମହାନନ୍ଦ ନାଁ କେଶ୍ ନମ୍ବର ୩୩୮/୨୪ ରୁଜୁ କରାଯାଇଛି ଓ ସର୍ଦ୍ଦାର ଫେରାର ରହିଥିବା ଥାନା ଅଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି। ଆଜି ଯେଉଁ ଭଳି ଦୁଇ ଥର ଦାଦନ ଶ୍ରମିକ ଉଦ୍ଧାର କରି ଚର୍ଚ୍ଚାରେ ରହିଛନ୍ତି ଠିକ୍ ସେହିଭଳି ବେଲପଡା ଅଞ୍ଚଳରେ ଅନେକ ଗୁଡ଼ିଏ ସର୍ଦ୍ଦାର ବିନା ଲାଇସେନ୍ସରେ ଦାଦନ ଶ୍ରମିକ ଚାଲାଣ କରନ୍ତି ସେମାନଙ୍କ ପ୍ରତି ନଜର ରଖିବା ପାଇଁ ଜନସାଧାରଣ ରେ ଦାବି ହେଉଛି।